तीतुस 1:1 - Garhwali

¹ हे मेरा भै-बैंणो मि पौलुस, परमेस्वर को सेवक अर यीशु मसीह को खास चेला छौं। मितैं इलै भेजि गै, ताकि मि परमेस्वर का द्‍वारा चुण्यां लोगु तैं बिस्वास अर सच्‍चै का ज्ञान मा मजबूत कैरी सैकु, अर ऊ लोग परमेस्वर की इच्छा का मुताबिक जीवन जी सैका।

गढवली नयो नियम

¹ या चिट्ठी पौलुस कि तरपां बट्टी च, मि पिता परमेश्वर कु सेवक अर यीशु मसीह कु प्रेरित छो, मि तैं पिता परमेश्वर का चुणयां लुखुं का विश्वास तैं मजबूत कनु कु अर ऊं तैं यीशु मसीह की सच्ची शिक्षाओं तैं जनण मा मदद कनु कु चुणै गै, कि उ इन जीवन जियां जु पिता परमेश्वर तैं खुश करदो।

तीतुस 1:1 Referans Kwoze

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

1 तीमुथियुस 6:3

अगर कुई झूठ्‍ठी शिक्षा देन्दु हो, अर अपणा प्रभु यीशु मसीह का सच्‍चा वचन तैं जु कि परमेस्वर की भक्‍ति करण की शिक्षा तैं नि मणदु हो,

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

2 तीमुथियुस 2:23

अर जौं बातों को कुई मतलब नि होन्दु अर जु बेकार की छिन तू इन्द्रया वाद-विवादों से दूर रौ, किलैकि तू जणदी ही छैई कि इन्दरि बातों से झगड़ा होनदिन।

2 पतरस 1:3

हे मेरा दगड़्यों, पिता परमेस्वर न अपणी ताकत से हमतै उ सब कुछ दिनी, जु कि हमतै पवित्र जीवन जीणु खुणि जरुरी च। अर यू सब कुछ हमतै तब मिली जब हमुन यीशु मसीह तैं स्वीकार कैरी, जैन हमतै अपणा अदभुत आदर-सम्मान, अर अपणी महान अच्छे मा अपणा पास बुलै।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

2 पतरस 3:11

अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।

1 तीमुथियुस 2:4

अर परमेस्वर की इच्छा या च कि सब मनखियों तैं बचयै जौ, अर ज्वा बात सच्‍च च वेतैं ऊ ढंगल जाणि सैका।

कुलुसी 2:2

अर या मेनत मि इलै करदु, ताकि तुम सभ्या का सभि एक-दुसरे कि हिम्मत बढै सैका, अर अपणा आपस मा बड़ा प्यार से मिली-जुली के रा। अर पिता परमेस्वर का ज्ञान का खजाना तैं तुम जाणि सैका ज्यां से की सच्‍चै की समझ मिलदी, अर तुम परमेस्वर का वे राज तैं भि पछ्याणी सैका, जु की यीशु मसीह का द्‍वारा परगट ह्‍वे।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

खास चेलों 13:48

अर या बात सुणी के दुसरि जाति का लोग भौत खुश ह्‍वे गैनी, अर प्रभु का वचन की बडै करण लगि गैनी। अर ऊं मदि जथगा लोगु तैं सदनि का जीवन जीणु खुणि चुणै गै छौ, ऊं सभ्यों न प्रभु यीशु पर बिस्वास कैरी।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

1 यूहन्ना 2:23

अर जु पुत्र तैं स्वीकार नि करदु, वेका पास पिता परमेस्वर भि नि च। पर जु मनखि पुत्र तैं स्वीकार करदु, वेका पास पिता परमेस्वर भि च।

लूका 18:7

अर जब एक अधरमी न्याय करणु वळु इन कैरी सकदु, त क्या परमेस्वर अपणा चुण्यां लोगु को न्याय नि करलु? जु दिन-रात वेसे प्रार्थना करणा रौनदिन, क्या उ अपणा लोगु का खातिर देर करलु?

2 तीमुथियुस 2:10

अर जौं लोगु तैं परमेस्वर न चुण्यूं च, ऊंतैं भि यीशु मसीह का द्‍वारा छुटकारा मिललु। अर जिं जगा मा परमेस्वर का दगड़ा सदनि को आदर-सम्मान मिलदु, वीं जगा पर वु लोग भि जीवन ज्याला। इलै मि ऊं खुणि यू दुख उठाणु छौं।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।