रोमियों 9:5 - Garhwali

⁵ अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।

गढवली नयो नियम

⁵ अब्राहम, इसहाक अर याकूब ऊंका पूर्वज छिनी, अर जख तक मनिख स्वभाव कु संबंध च, मसीह खुद एक इस्राएली छों, पिता परमेश्वर जु सब पर राज्य करदो, वेकी हमेशा कु बडै हूंदी रौ। आमीन।

रोमियों 9:5 Referans Kwoze

रोमियों 1:25

अर ऊंन परमेस्वर की सच्‍चै का बदला मा झूठ्‍ठ तैं स्वीकार कैरी, अर हाथों की बणि चीजों की सेवा अर वेकी भक्‍ति कैरी, मगर ईं दुनियां तैं बणौण वळा परमेस्वर की भक्‍ति ऊंन नि कैरी, जैकी तारीफ सदनि किये जान्दी। आमीन।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

यूहन्ना 10:30

मि अर पिता एक ही छां।”

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

रोमियों 1:3

अर यू शुभ समाचार वेका पुत्र यीशु मसीह का बारा मा च, अर उ सरील का रुप मा राजा दाऊद का वंश मा बटि पैदा ह्‍वे।

दिब्य दरस 1:18

अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

दिब्य दरस 22:16

“मि यीशु छौं, अर यू सब बात तुमतै बतौणु खुणि मिन अपणु स्वर्गदूत भेजि, ताकि बिस्वासी समुदाय का लोगु को भलु हो। मि राजा दाऊद का वंश मदि छौं, अर सुबेर को चमकण वळु गैंणो भि मि ही छौं जु कि एक नया दिन को चिन्‍न च।”

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

रोमियों 11:28

हे मेरा दगड़्यों, यहूदी लोगु न शुभ समाचार तैं स्वीकार नि कैरी, इलै वु लोग पिता परमेस्वर का दुसमन बणि गैनी। अर यू त इलै ह्‍वे, ताकि तुम लोगु की मदद किये जै सैको, हाँ तुमरि ही तुम जु यहूदी जाति का नि छाँ। मगर ईं बात तैं याद रखा कि यहूदी लोग अभि भि पिता परमेस्वर की चुणी परजा का लोग छिन, अर वु ऊं से भौत प्यार करदु किलैकि पिता परमेस्वर न ऊंका पितरों से करार कर्युं छौ।

रोमियों 10:12

अर अब से यहूदी लोगु मा अर ऊं लोगु मा कुई फर्क नि च, जु कि यहूदी जाति का नि छिन, किलैकि प्रभु यीशु मसीह सभ्यों को प्रभु च अर जथगा भि लोग वेका नौ तैं लेन्दिन, वु ऊं सब लोगु तैं आसीस देन्दु।

दिब्य दरस 22:20

अर यीशु जु कि यों सब बातों की गवै देन्दु उ इन बुल्दु, “हाँ, मि जल्द औण वळु छौं।” हे मेरा प्रभु यीशु, जल्द अऽ। आमीन।

2 तीमुथियुस 2:8

अर मेरा दियां शुभ समाचार मा मिन बोलि छौ, कि यीशु मसीह को जनम राजा दाऊद का वंश मदि ह्‍वे, अर जु मुरण का बाद भि ज्यून्द ह्‍वे गै वेतैं हमेसा याद रखा।

1 तीमुथियुस 6:15

अर पिता परमेस्वर जु कि आदर-सम्मान का लैख च, अर जु एकमात्र राजा च। अर उई राजाओं को राजा अर प्रभुओं को प्रभु च, उई परमेस्वर अपणा ठिक बगत पर प्रभु यीशु मसीह तैं लेके आलु।

1 कुरिन्थि 14:16

अर जब तू पवित्र आत्मा का द्‍वारा परमेस्वर की बडै दुसरि भाषा मा करली, त जिं भाषा तैं बिस्वासी समुदाय का लोग नि समझदिन, त वु तेरा दियां धन्यवाद मा कनकै “आमीन” बुलला, किलैकि ऊंका बिंगण मा कुछ नि च औणु।

मत्ती 28:20

अर जु आज्ञा मिन तुमतै दिनी, ऊं सब बातों को पालन करण लोगु तैं सीखा, अर याद रखा मि ईं दुनियां का अन्त तक सदनि तुमरा दगड़ा मा छौं।”

दिब्य दरस 5:14

तब ऊं चार ज्यून्दा पराणों न इन बोलि, “आमीन” अर ऊ अध्यक्षों न भ्वीं मा पोड़ि के ऊं दुईयों की भक्‍ति कैरी।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

इब्रानी 7:24

पर यीशु मसीह सदनि कू ज्यून्द च, इलै वेको पुरोहित को यू पद सदनि खुणि रालु अर वेकी जगा कुई नि ले सकदु।

लूका 20:44

“अर जब राजा दाऊद ही मसीह कू ‘प्रभु’ बुल्दु, त फिर उ वेको नौनु कनकै ह्‍वे सकदु?”