रोमियों 9:30 - Garhwali30 इलै हम इन बोलि सकद्यां, कि ईं बात को मतलब यू च कि जु लोग यहूदी जाति का नि छिन ऊंन जादा कोसिस नि कैरी, कि पिता परमेस्वर ऊंतैं अपणी नजर मा धरमी साबित कैरो, मगर जब ऊंन यीशु मसीह पर बिस्वास कैरी तब पिता परमेस्वर ऊंतैं अपणी नजर मा धरमी ठैरै दिनी। Gade chapit laगढवली नयो नियम30 त हम ल यांका बारा मा क्य बुल्ण? अन्यजाति अफ तैं पिता परमेश्वर का दगड़ी धर्मी रखणै कि कोशिश नि कना छा, पर पिता परमेश्वर ल ऊं तैं खुद का दगड़ी धर्मी रखि किलैकि ऊंल वे पर भरोसो कैरी छों; Gade chapit la |
अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।
हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”
हाँ, या बात सच्च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।
किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्नि कामों मा लग्यां रौन्दा छा।
अर यू सब कुछ मूसा का दियां नियम-कानून का मुताबिक नि ह्वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्वे, किलैकि वेन नियम-कानूनों को पालन कैरी, बल्किन मा यू त इलै ह्वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।