रोमियों 8:37 - Garhwali

³⁷ मगर यों सब बातों का बारा मा हम यीशु मसीह का द्‍वारा, जैन हम से प्यार कैरी हरेक बात मा जीत हासिल करद्‍यां।

गढवली नयो नियम

³⁷ पर यूं सभि बुरी बातों मा हम वेका द्वारा जैल हम बट्टी प्रेम कैरी, इलै जीत पूरा ढंग से हमारी च।

रोमियों 8:37 Referans Kwoze

1 कुरिन्थि 15:57

मगर हम त पिता परमेस्वर को धन्यवाद देन्द्‍यां, किलैकि उ हमतै प्रभु यीशु मसीह का द्‍वारा जीत हासिल करौन्दु।

1 यूहन्ना 4:4

हे मेरा प्यारा बच्‍चों, तुम परमेस्वर का छाँ, अर तुम लोगु न यीशु मसीह को विरोध करण वळा लोगु पर जीत हासिल कैरियाली, किलैकि जु पवित्र आत्मा तुम लोगु मा च उ वे शैतान से जादा ताकतबर च जु कि ईं दुनियां मा च।

2 कुरिन्थि 2:14

अर सबसे पैलि मि पिता परमेस्वर को धन्यवाद करदु जु कि एक नेता की तरौं हमेसा हमरा अगनै-अगनै चलदु, अर वेन हम सभ्यों तैं यू मौका दिनी कि हम वेका पिछनै-पिछनै चला। अर जन इतर कि खुशबु सब जगा फैली जान्दी, ठिक उन्‍नि पिता परमेस्वर हमतै अपणा सच्‍चा ज्ञान का द्‍वारा शुभ समाचार तैं फैलाण मा मदद करदु।

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

2 कुरिन्थि 12:9

पर प्रभु न मिकू बोलि, “पौलुस, मेरी किरपा ही त्वे खुणि काफी च, किलैकि जब तू कमजोर होन्दी तब मेरी ताकत पूरि तरौं से काम करदी।” इलै प्रभु न मिकू जु कुछ बोलि मि वीं बात की वजै से बड़ी खुशी मणौन्दु अर अपणी ईं कमजोरी पर बड़ु मोन करदु, ताकि लोगु तैं इन पता लगि सैको कि यू यीशु मसीह ही च जु कि मितैं अपणी सेवा करण की ताकत देन्दु।

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

1 यूहन्ना 4:19

अर हम लोग इलै प्यार करद्‍यां, किलैकि पैलि परमेस्वर न हम से प्यार कैरी।

यूहन्ना 16:33

अर यों बातों तैं मिन तुम मा इलै बोलि, ताकि मि मा बणयूं रै के तुमतै शान्ति मिलु। ईं दुनियां मा त तुम पर मुसीबतों न औण, पर तुम हिम्मत रखा किलैकि ईं दुनियां तैं मिन जीतयाली।”

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

1 कुरिन्थि 15:54

अर जब इन होलु, तब पिता परमेस्वर को वु वचन पूरु होण जु कि पवित्रशास्‍त्र मा लिख्यूं च कि, “परमेस्वर की जीत ह्‍वे गै, किलैकि वेन मौत पर जीत हासिल कैरिके वींको नास कैरियाली।”

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

दिब्य दरस 3:9

देख, जु शैतान का दल का छिन अर खुद तैं यहूदी बतौन्दिन पर छैई नि छिन, बल्किन मा झूठ्‍ठ बुल्दिन ऊंतैं मि तुमरा वश मा कैरी द्‍यूलु। अर सुण, मि ऊं लोगु तैं तुमरा पास लेके औलु अर ऊंतैं तुमरा समणि झुकै द्‍यूलु, अर यां से वु लोग जाणि जाला मि तुम से कथगा प्यार करदु।

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

2 कुरिन्थि 12:19

हे मेरा प्यारा भै-बैंणो, अर तुम अभि तक इन समझणा ह्‍वेल्या कि हम अपणी सफै देणा छां, पर मि यू सब बात इमानदारी से बुलणु छौं, किलैकि मेरु रिश्ता प्रभु यीशु मसीह का दगड़ा मा च अर पिता परमेस्वर मेरी सब बातों तैं सुनणु च। इलै जु कुछ भि मि बुल्दु या करदु छौं वु सब कुछ तुमरा फैदा खुणि ही च, ताकि तुमरो बिस्वास मजबूत ह्‍वे जौ।

रोमियों 8:35

अब कुई भि हमतै यीशु मसीह का प्यार से अलग नि कैरी सकदु, नऽ त कुई दुख-तकलीफ, ना ही कुई सतौ, नऽ त अकाळ, अर ना ही कपड़ों की कमी जु की हम नंगा ह्‍वे जा। अर नऽ त नुकसान पौछाण वळु कुई खतरा हमतै वेका प्यार से अलग कैरी सकदु, अर ना ही मौत हमतै वेसे अलग कैरी सकदी।