रोमियों 8:21 - Garhwali

²¹ कि अब वा भि विणास कि गुलामी से आजाद ह्‍वेके छुटकारु पालि, अर पिता परमेस्वर की तरफा बटि वेकी औलादों तैं मिलण वळा आदर-सम्मान मा धरती भि सामिल ह्‍वेके बदलि जालि।

गढवली नयो नियम

²¹ सृष्टि वे दिनों कु जग्वाल कनि च जब उ मृत्यु अर विनाश बट्टी छुटी के पिता परमेश्वर की सन्तानोंं का दगड़ी महिमामय आजादी मा शामिल हवे जाली।

रोमियों 8:21 Referans Kwoze

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

दिब्य दरस 21:1

तब मिन एक नयू स्वर्ग अर एक नयी धरती देखि, अर पैलु आसमान अर पैलि धरती गैब ह्‍वे गै छै, अर समुन्दर भि नि रै।

2 पतरस 3:13

मगर हम परमेस्वर का करार का मुताबिक एक नया आसमान अर एक नई धरती को इंतजार मा छां, जख उई लोग राला जु कि परमेस्वर की नजर मा धरमी छिन।

रोमियों 8:19

अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

1 कुरिन्थि 15:42

ठिक इन्‍नि मुरदो को ज्यून्दु होण भि च। हाँ, जन एक बीज बुतै जान्दु, त उ जमीन मा पोड़ि के फिर मोरि जान्दु, ठिक उन्‍नि मनखि की मौत का बाद ईं दुनियां का सरील तैं दफनै जान्दु अर उ नास ह्‍वे जान्दु, पर जै सरील मा उ मुरदो मा बटि ज्यून्द किये जान्दु उ सदनि खुणि रौण वळु च।

इब्रानी 12:27

यां को मतलब इन च कि पूरि दुनियां तैं हिल्ये जालु अर सब कुछ इनै-उनै ह्‍वे जालु अर बस वु चीज ही रै जालि जु कभि हिल्ये नि जै सकदी।