रोमियों 8:19 - Garhwali

¹⁹ अर पूरि धरती सबर रखी के परमेस्वर का परगट होण को इंतजार कनि च, कि कब उ अपणा औलादों तैं आदर-सम्मान द्‍यालु।

गढवली नयो नियम

¹⁹ किलैकि सैरी सृष्टि बड़ा आशा का दगड़ी वे बगत कु इन्तेजार कनी च, जब पिता परमेश्वर अपड़ी सच्ची सन्तानों तैं प्रगट करलो।

रोमियों 8:19 Referans Kwoze

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।

रोमियों 8:23

अर या धरती ही ना, बल्किन मा हम बिस्वासी लोग भि जौं तैं वेन पैलि अपणु पवित्र आत्मा दिनी, हम भि ईं धरती का जन पीड़ा अर परेसानियों मा रै के वेको इंतजार कना छां, कि परमेस्वर की औलाद होण का नाता आखिर कब उ हम पर लग्यां इळजामो अर पापों से छुटकारु द्‍यालु?

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

मत्ती 5:9

“धन्य छिन ऊ, जु मेल-जोल करौंदिन, किलैकि ऊंकू परमेस्वर की औलाद बुले जालु।

यूहन्ना 1:12

पर जथगा लोगु न वेतैं स्वीकार कैरी, याने कि जथगा वे पर बिस्वास करदिन, वेन ऊंतैं परमेस्वर की औलाद होण को अधिकार दियूं च।

रोमियों 8:14

इलै जथगा लोग परमेस्वर की पवित्र आत्मा का मुताबिक अपणु जीवन तैं चलौन्दिन, वु लोग पिता परमेस्वर की औलाद छिन।

रोमियों 8:16

अर तब पवित्र आत्मा हमरि आत्मा का दगड़ा मा मिली के इन गवै देन्दी, कि हम परमेस्वर की औलाद छां।

रोमियों 8:18

हे मेरा दगड़्यों, मि इन समझदु की आज का ये बगत मा जु दुख-तकलीफ हम झिलणा छां, यू सब कुछ वे आदर-सम्मान का समणि कुछ भि नि च, जु कि हम पर परगट किये जालु।

रोमियों 9:26

अर एक जगा मा होशे इन भि लिखदु कि, “तुम मेरी परजा का लोग नि छाँ, मगर वीं ही जगा मा वु ही लोग ज्यून्दा परमेस्वर की औलाद बणि गैनी।”

1 कुरिन्थि 1:7

अर अब तुम मा कैं भि आत्मिक दान-बरदान की कमी नि च, किलैकि वेन तुम पर किरपा कैरिके तुमतै सब कुछ दान का रुप मा दियाली। इलै तुम भि हमरा प्रभु यीशु मसीह का वापस औण को इंतजार कना छाँ।

1 कुरिन्थि 1:8

अर पिता परमेस्वर तुमतै आखिरी का दिन तक बिस्वास मा और भि जादा मजबूत करलु, ताकि हमरा प्रभु यीशु मसीह का दिन पर जब उ न्याय करलु, त तुम निरदोष ठैरा।

2 कुरिन्थि 6:18

अर परमेस्वर न इन भि बोलि कि, “तब मि तुमरो पिता होलु, अर तुम मेरी औलाद। अर यू सर्वसक्‍तिमान प्रभु परमेस्वर को वचन च।”

गलातियों 3:26

अर यीशु मसीह पर बिस्वास करण का द्‍वारा ही तुम सब लोग परमेस्वर की औलाद छाँ।

कुलुसी 3:4

अर यीशु मसीह जु कि तुमरो जीवन च जब उ पूरि दुनियां का समणि परगट होलु, तब तुम लोग भि वेका दगड़ा-दगड़ि परगट किये जैल्या, अर वेका आदर-सम्मान मा साझेदार ह्‍वेल्या।

इब्रानी 12:27

यां को मतलब इन च कि पूरि दुनियां तैं हिल्ये जालु अर सब कुछ इनै-उनै ह्‍वे जालु अर बस वु चीज ही रै जालि जु कभि हिल्ये नि जै सकदी।

1 पतरस 1:7

अर जन सोना तैं परखणु खुणि आग की जरुरत होन्दी ताकि उ खरु बणौ, ठिक उन्‍नि तुमरा जीवनों मा अजमैस इलै औन्दी, ताकि तुम बिस्वास मा परखै जा अर खरा निकळि सैका। पर हे मेरा दगड़्यों, मि तुमतै बतै देन्दु, कि तुमरो बिस्वास त खतम ह्‍वे जाण वळा सोना से भि भौत जादा कीमती च। इलै जब तुम अजमैसों मा बटि निकळि के मजबूत होनद्‍यां, त यीशु मसीह का औण का बगत मा तुमतै पूरि तारीफ, बडै अर पूरु आदर जरुर मिललु।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

1 यूहन्ना 3:1

सुणा, पिता परमेस्वर न हम बटि भौत जादा प्यार कैरी, ईं वजै से ही आज हम खुणि वेकी औलाद बुले जान्दु अर हम छैई भि छां। अर ईं दुनियां का लोग पिता परमेस्वर तैं नि जणदिन, इलै वु हमतै भि नि पछ्याणदिन।

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।