रोमियों 8:13 - Garhwali

¹³ किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

गढवली नयो नियम

¹³ किलैकि जु तुम अपड़ा पापमय स्वभाव का अनुसार ज्यून्दा, त आत्मिक मृत्यु का अनुसार मुरला, पर जु आत्मा की सामर्थ का द्वारा तुम उ कन बंद कैरी दींद जु तुम्हरो पापमय स्वभाव चांद, त ज्यूंदा रैल्या।

रोमियों 8:13 Referans Kwoze

गलातियों 6:8

किलैकि जु मनखि अपणा सरील की मनसा का मुताबिक चलदु, उ अपणा जीवन खुणि विणास की फसल कटलु, मगर जु मनखि पवित्र आत्मा का मुताबिक चलदु, उ पवित्र आत्मा का द्‍वारा सदनि का जीवन की फसल कटलु।

1 पतरस 2:11

हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।

1 कुरिन्थि 9:27

अर मि अपणा सरील तैं अपणा वश मा रखदु, अर अपणी इच्छा तैं भि अपणा वश मा रखदु। अर इन मि इलै करदु ताकि कखि इन नि हो कि मि सभ्यों तैं पार लगै द्‍यो अर खुद ही छुटी जौं।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

इफिसुस 4:22

इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

1 पतरस 1:22

अर अब तुमुन खुद वे सच्‍चा वचन तैं स्वीकार कैरिके अफ तैं शुद्ध कैरियाली। इलै अब तुम लोग अपणा बिस्वासी भै-बैंण का दगड़ा मा दिल से सच्‍चु प्यार कैरा, इन्द्रयो प्यार जैमा कुई कपट नि हो।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

इफिसुस 5:18

अर झान्‍झियों की तरौं दारु नि घतौळा, किलैकि यां से जीवन बरबाद ह्‍वे जनदिन, पर तुम पवित्र आत्मा की ताकत से भरपूर होन्दी जा।

रोमियों 6:21

अर जौं कामों का खातिर आज तुमतै सरम औन्दी, जब तुम ऊं कामों तैं कना छा त तुमतै वे बगत मा क्या-क्या फैदा ह्‍वे? अरे, इन्दरि बातों को कुई फैदा नि च यों को नतीजा त केवल मौत ही च।

इफिसुस 4:30

अर परमेस्वर की पवित्र आत्मा तैं अपणा चाल-चलन से दुख नि द्‍या, किलैकि पवित्र आत्मा देके परमेस्वर न तुम पर अपणी मोर लगईं च, ताकि छुटकारा का दिन पर तुमतै छुडयै जौ।

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

रोमियों 8:12

हे मेरा भै-बैंणो, हमरु फरज यू नि च, कि हम अपणा सरील की इच्छा का मुताबिक अपणु जीवन को गुजर-बसर कैरा।