रोमियों 7:7 - Garhwali

⁷ त अब हम क्या जि बोला कि नियम-कानून पाप तैं जनम देन्दिन? ना इन नि ह्‍वे सकदु, मगर सच्‍च त यू च कि नियम-कानून हमतै बतौन्दिन की पाप क्या च। अर जन कि लिख्यूं भि च कि, “तू लालच नि कैरी” त मितैं कनकै पता चलदु कि लालच क्या च।

गढवली नयो नियम

⁷ त हम यूं बातों का बार मा क्य बोला? क्य व्यवस्था पाप च? न! बिल्कुल न! पर व्यवस्था का द्वारा मि पाप तैं जांण साको। मिल जांणि की लालच कन पाप च, किलैकि व्यवस्था मा इन लिख्युं च, कि “लालच नि कैर।”

रोमियों 7:7 Referans Kwoze

रोमियों 3:20

किलैकि मूसा का नियम-कानूनों का आधार पर कुई भि मनखि परमेस्वर का समणि धरमी नि ठैरैये जालु, इलै परमेस्वर का नियम-कानूनों की वजै से हमतै इन ज्ञान मिलदु कि हम सब लोग पापि छां।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

1 कुरिन्थि 15:56

अर पाप करण की वजै से मनखि मोरि जान्दु, अर पवित्रशास्‍त्र का नियम-कानून का द्‍वारा हमतै इन पता चलदु कि पापि लोगु तैं दण्ड मिललु।

रोमियों 13:9

किलैकि पवित्रशास्‍त्र मा इन आज्ञा देई छिन कि, “तू दुसरा का दगड़ा मा गळत सम्बन्ध नि बणै, तू हत्या नि कैरी, तू चोरी नि कैरी, तू लालच नि कैरी,” अर यों का अलावा जु दुसरि आज्ञा भि छिन, ऊं सब आज्ञाओं को यू मतलब निकळदु की सबसे प्यार कैरा। अर या बात पवित्रशास्‍त्र मा इन्‍नि लिखी च कि, “तू अपणा पड़ोसी से उन्‍नि प्यार कैर जन तू खुद से करदी।”

रोमियों 7:8

मगर पाप आज्ञा को इस्तेमाल कैरिके अफ खुणि एक मौका खुजै देन्दु। अर फिर वेन मितैं हरेक चीज तैं पौण खुणि मेरा मन मा लालच पैदा कैरी, ताकि मि उन्‍नि कैरुं। अर मि तुमतै बतै देन्दु कि जख नियम-कानून नि छिन उख पाप को भि नौ नि च।

1 थिस्सलुनीकी 4:5

अर बिस्वास नि करण वळा लोगु, का जन सरील का गळत सम्बन्ध रखण की इच्छा नि रखा जु की परमेस्वर तैं नि जणदिन।

रोमियों 3:5

पर अगर जु हमरा गळत काम करण से पिता परमेस्वर की अच्छे और भि जादा साफ ह्‍वेके हमरा समणि औन्दी, त फिर परमेस्वर हम पर किलै गुस्सा होन्दु अर किलै हमतै दण्ड देन्दु? (अरे, यू सब त मनखियों का अपणा विचार छिन जु कि गळत छिन)।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

इफिसुस 5:3

अर तुम लोगु का बीच मा गळत सम्बन्ध रखण, कै भि किसम का गन्दा काम करण या लालच करण बिल्कुल भि नि होण चयेणी, किलैकि पिता परमेस्वर न तुमतै पवित्र होण खुणि बुलयूं च, इलै तुमरो सभौ पवित्र हो।

रोमियों 7:13

त क्या उ जु मि खुणि भलु छौ, वु ही मि खुणि मौत को कारण बणि गै? नऽ रे ना इन नि च, बल्किन मा यू त पाप छौ जु कि वीं अच्छे का द्‍वारा मि खुणि मौत की वजा बणि, ताकि पाप परगट ह्‍वे जौ। अर जु कुई भि इन करदु उ पिता परमेस्वर का खिलाप मा जैके वेकी आज्ञाओं को पालन नि करदु।

रोमियों 7:11

अर नियम-कानून त अच्छा छिन, मगर जब मि वेको पालन नि करदु त पाप मितैं धोखा देके अपणा जाल मा फंसै देन्दु, अर वेकी वजै से मौत की सजा मिलदी।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।

रोमियों 4:1

अर अगर इन च, त हम पितर अब्राहम का बारा मा क्या बोला, जु कि सरील का रिश्ता का मुताबिक हमरु पितर च अर हम वेका वंशज छां।

खास चेलों 20:33

अर मिन कभि भि कै का सोना-चांदी या कपड़ों को लालच नि कैरी।

लूका 12:15

अर वेन यू भि बोलि, “ध्यान रखा, हरेक किसम का लालच बटि खुद तैं बचै के रखा, किलैकि मनखि का जीवन की कीमत वेका जैजाद बटि नि नपै जै सकदी।”

मत्ती 5:28

पर मि तुमतै बतै देन्दु कि, हरेक उ मनखि जु कै दुसरि जनानि तैं गळत नजर से दिखदु, त वेन अपणा मन मा वींका दगड़ा गळत सम्बन्ध बणैनी।

लूका 20:16

मि तुमतै बतै देन्दु कि, उ ऐके ऊं किसानों को नास कैरी द्‍यालु, अर अंगूरों को बगिचा दुसरो मा सौंपी द्‍यालु।” अर यू सुणी के ऊंन बोलि, “परमेस्वर नि कैरो कि इन हो”

रोमियों 5:20

अर परमेस्वर न नियम-कानून इलै दिनी, ताकि सब लोगु तैं ईं बात का बारा मा पता चलि जौ कि ऊ भौत बड़ा पापि छिन, मगर वेका दगड़ा-दगड़ि पिता परमेस्वर की किरपा भि ऊं लोगु खुणि और भि जादा बढदी गै।