रोमियों 7:25 - Garhwali

²⁵ पर मि हमरा प्रभु यीशु मसीह का द्‍वारा पिता परमेस्वर को धन्यवाद करदु जैन मितैं छुड़ै। अर मि अपणा मन से पिता परमेस्वर का नियम-कानून को पालन करदु, मगर अब मि क्या कैरुं? किलैकि येका दगड़ा-दगड़ि मि पापों का कब्जा मा भि फस्युं छौं।

गढवली नयो नियम

²⁵ इलै मि अफी बुद्धि बट्टी त परमेश्वर की व्यवस्था कु, पर देह बट्टी पाप की व्यवस्था की सेवा करदु, मि पिता परमेश्वर कु धन्यवाद करदु, जैल प्रभु यीशु मसीह का द्वारा मि तैं बचै।

रोमियों 7:25 Referans Kwoze

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

1 कुरिन्थि 15:57

मगर हम त पिता परमेस्वर को धन्यवाद देन्द्‍यां, किलैकि उ हमतै प्रभु यीशु मसीह का द्‍वारा जीत हासिल करौन्दु।

रोमियों 6:17

पर पिता परमेस्वर को धन्यवाद हो कि एक बगत छौ, जब तुम लोग पाप का गुलाम छा, तभि भि तुमुन शुभ समाचार की शिक्षा को पूरु पालन कैरी ज्वा की तुमतै सिखये गै।

रोमियों 6:14

अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

2 कुरिन्थि 9:15

अर हमरा प्रभु यीशु का खातिर पिता परमेस्वर को धन्यवाद हो, जैको बखान हम शब्दों मा नि कैरी सकद्‍यां।

मत्ती 1:21

‘वा एक नौना तैं जनम द्‍याली। अर तू वेको नौ यीशु रखी किलैकि उ अपणा लोगु तैं ऊंका पापों बटि छुटकारा द्‍यालु।’”

फिलिप्पी 4:6

अर कै भि बात की चिन्ता-फिकर नि कैरा, बल्किन मा हरेक बात मा प्रार्थना कैरा। अर पिता परमेस्वर से बिन्ती कैरिके मांगा की तुमतै क्या चयेणु, अर हरेक बात मा परमेस्वर को धन्यवाद देणा रा।

इफिसुस 5:20

अर हरेक बात खुणि हमरा प्रभु यीशु मसीह का नौ से पिता परमेस्वर को हमेसा धन्यवाद कना रा।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।