रोमियों 6:5 - Garhwali

⁵ इलै जब हमुन पाणिळ बपतिस्मा ले, त हम यीशु मसीह की मौत मा सामिल ह्‍वेके एक ह्‍वे ग्यां, अर जब पाणि मा बटि भैर निकळ्यां त जन वु मुरदो मा बटि ज्यून्द किये गै, ठिक उन्‍नि हम भि यीशु मसीह दगड़ा मा ज्यून्दा किये जौला अर वेका दगड़ा मा एक ह्‍वे जौला।

गढवली नयो नियम

⁵ किलैकि जु हम बपतिस्मा का द्वारा वेकी मौत मा वेका दगड़ी कठ्ठा हुयां, त निश्चय मुर्दों मा बट्टी भि ज्यून्दा हूंण कु उठांण का समानता मा भि वेका दगड़ी कठ्ठा हवे जौला।

रोमियों 6:5 Referans Kwoze

कुलुसी 2:12

अर जब तुमुन बपतिस्मा ले, त तुमुन अपणा पापि सभौ तैं यीशु मसीह का दगड़ा मा दफनै दिनी। अर तुमतै पिता परमेस्वर की ताकत पर बिस्वास च जैन यीशु मसीह तैं मुरदो मा बटि ज्यून्दु कैरी, ठिक उन्‍नि वेन तुमतै भि वेका दगड़ा-दगड़ि नयू जीवन देके ज्यून्दु कैरी।

2 कुरिन्थि 4:10

अर हम जख भि जन्द्‍यां हमतै इन पता रौन्दु कि जन यीशु मसीह तैं मरे गै, ठिक उन्‍नि हमरि जान भि लिये जै सकदी च। मगर हम इन्द्रयो जीवन जीणु खुणि भि तयार छां, ताकि लोगु तैं इन पता चलि जौ कि यीशु मसीह उ च जु कि मनखियों तैं सच्‍चै का बाटा पर चलौन्दु।

कुलुसी 3:1

इलै अब जब तुमतै यीशु मसीह मा नयू जनम मिली गै, त स्वर्ग की बातों की खोज मा रा, जख मसीह पिता परमेस्वर की दैंणी तरफा बैठयूं च।

मत्ती 15:13

वेन जबाब दिनी, “हरेक उ पौधा जु स्वर्ग मा रौण वळा मेरा पिता न नि लगै, वेतैं उखाड़ दिये जालु।

यूहन्ना 12:24

अर मि तुम बटि सच्‍चि ही बोन्‍नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च।