रोमियों 6:2 - Garhwali

² नऽ रे ना इन नि ह्‍वे सकदु। जब एक बार हम पाप करणु खुणि मुरयां मनखि का जन ह्‍वे ग्यां, त फिर हम पाप का अधीन मा कनकै रै सकद्‍यां?

गढवली नयो नियम

² न! बिल्कुल न! हम पाप कु मोरि ग्यां, अर इलै हम तैं पापमय काम नि कन चयणा छिनी।

रोमियों 6:2 Referans Kwoze

1 यूहन्ना 3:9

अर जु मनखि पिता परमेस्वर की औलाद च, उ मनखि लगातार पाप नि कैरी सकदु, किलैकि पिता परमेस्वर को सभौ वेमा रौन्दु। अर उ मनखि पाप कैरी ही नि सकदु, किलैकि उ पिता परमेस्वर बटि जनमियूं च।

कुलुसी 3:3

किलैकि अब तुमरो पापि सभौ खतम ह्‍वे गै। अर अब तुमरो जीवन मसीह का द्‍वारा पिता परमेस्वर मा हिफाजत से रख्युं च, अर ये जीवन तैं लोग देखि नि सकदिन।

रोमियों 7:4

हे मेरा भै-बैंणो, ठिक इन्‍नि जब यीशु मसीह तैं क्रूस पर मरे गै, त तुम भि वेका दगड़ा मा मरे ग्यां। इलै अब से तुम पुरणा नियम-कानूनों का भार से आजाद ह्‍वे ग्यां अर हमरु यीशु मसीह जैतैं पिता परमेस्वर न मुरदो मा बटि ज्यून्द कैरी अब उई तुमरो मालिक च। इलै अब तुम पिता परमेस्वर को सेवक बणि के भलै का काम कैरा।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

गलातियों 2:19

अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

रोमियों 7:6

मगर अब हम लोग पुरणा नियम-कानून खुणि जौन हमतै बन्धी बणै के रख्युं छौ, अब हम वां खुणि मोरि ग्यां। अर अब हम पुरणा तरीका से ना, बल्किन मा पवित्र आत्मा की मनसा का मुताबिक पिता परमेस्वर की सेवा करणा छां।

1 पतरस 1:14

इलै तुमतै पिता परमेस्वर की आज्ञा मनण वळा बच्‍चों का जन होण चयेणु। अब अपणी बुरी इच्छा का मुताबिक काम नि कैरा, जन तुम पैलि करदा छा। पर याद रखा यू काम त तुम वे बगत करदा छा, जब तुमरा पास यू ज्ञान नि छौ।

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,

गलातियों 6:14

अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

रोमियों 5:11

अर अब जब हमरु मेल-जोल प्रभु यीशु मसीह का द्‍वारा पिता परमेस्वर का दगड़ा मा ह्‍वे गै, इलै हमतै ईं बात से बड़ी खुशी होन्दी।

लूका 20:16

मि तुमतै बतै देन्दु कि, उ ऐके ऊं किसानों को नास कैरी द्‍यालु, अर अंगूरों को बगिचा दुसरो मा सौंपी द्‍यालु।” अर यू सुणी के ऊंन बोलि, “परमेस्वर नि कैरो कि इन हो”

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।