रोमियों 5:7 - Garhwali

⁷ अर सच्‍चि मा, सायद ही कुई इन्द्रयो मनखि होलु जु कि कै धरमी मनखि खुणि अपणी जान दे द्‍यो। अर भौत ही कम लोग होला जु कि कै इमानदार मनखि का फैदा का खातिर अपणी जान की भि बाजी लगै द्‍या, या इन करणु खुणि मोरि जा।

गढवली नयो नियम

⁷ कै धर्मी जन कु कुई मोरो, यु त असम्भव च; पर कि जांण कै भला मनिख कु कुई मुरणो कु हिम्मत दिखौ।

रोमियों 5:7 Referans Kwoze

1 यूहन्ना 3:16

अर यीशु मसीह न हमरा खातिर अपणी जान दे दिनी, अर यां से ही हमतै इन पता चलि कि प्यार क्या होन्दु? इलै हमतै भि एक-दुसरा खुणि अपणी जान देण चयेणी।

रोमियों 16:4

अर यू त वु लोग छिन जौन मेरा पराण तैं बचौण खुणि अपणी जान तैं खतरा मा डालि दिनी। इलै मि ऊंको धन्यवाद करदु अर मि ही ना, बल्किन मा मेरा दगड़ा-दगड़ि जु लोग यहूदी जाति का नि छिन बिस्वासी समुदाय का वु लोग भि ऊंको धन्यवाद करदिन।

यूहन्ना 15:13

अर कुई अपणा दगड़्यों का खातिर अपणी जान दे द्‍यो, येसे महान प्यार कुई नि कैरी सकदु।

मत्ती 13:15

किलैकि यों लोगु को मन निठुर ह्‍वे गैनी, अर ऊ कन्दूड़ कम सुणदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा बिंगा, अर अपणा-अपणा पापों बटि पस्ताप कैरा, अर मि ऊंतैं माफ कैरी द्‍यो।’”

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।