रोमियों 5:6 - Garhwali

⁶ अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

गढवली नयो नियम

⁶ किलैकि जब हम कमजोर ही छा त मसीह ठिक बगत मा पापियों कु मोरि।

रोमियों 5:6 Referans Kwoze

रोमियों 5:8

मगर पिता परमेस्वर अपणा प्यार तैं हम मनखियों का खातिर दिखान्दु, किलैकि जब हम वेका खिलाप मा पाप पर पाप कना छा, त वे ही बगत मा यीशु मसीह मरे गै, ताकि वेकी मौत से हमतै फैदा हो।

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

रोमियों 5:10

किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

रोमियों 4:25

अर यीशु मसीह ही च जु कि हमरा अपराधों का खातिर मरणु खुणि पकड़वै गै, अर पिता परमेस्वर न वेतैं मुरदो मा बटि ज्यून्द कैरी, ताकि हम वे पर बिस्वास कैरिके धरमी ठैरैये जा।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

1 तीमुथियुस 1:9

अर हम यू भि जणद्‍यां, कि परमेस्वर का नियम-कानून धरमी लोगु खुणि नि दिये गैनी, पर ऊं लोगु खुणि दिये गैनी जु लोग नियम-कानूनों तैं नि मणदिन, अर अधिकारी लोगु की बात नि मणदिन, परमेस्वर को आदर-सम्मान नि करदिन, पाप करदिन, दुष्‍ट जीवन जीण वळा छिन, अर परमेस्वर की बातों तैं नि मणदिन, अर ब्वे-बबों तैं जान से मरण वळा, अर हत्या भि करदिन।

1 थिस्सलुनीकी 5:9

किलैकि परमेस्वर न हमतै इलै नि चुणी कि हम पर दण्ड की आज्ञा हो, बल्किन मा हमतै चुणी के इलै ठैरैयालि कि हम अपणा प्रभु यीशु मसीह का द्‍वारा बचयै जां।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

यहूदा 1:15

ताकि सब मनखियों को न्याय कैरो, अर जु लोग ज्यून्दा परमेस्वर की भक्‍ति नि करदिन, ऊं सब लोगु तैं ऊंकी बुरी बातों खुणि, अर जौं लोगु न वेका खिलाप मा बात बुलिनी ऊं सब पापि लोगु तैं दण्ड द्‍यो।”

2 पतरस 3:7

मगर परमेस्वर का वे ही वचन का द्‍वारा आज को यू आसमान अर या धरती आग का द्‍वारा भसम करणु खुणि रखै गै, अर न्याय का दिन तक याने कि भक्‍ति नि करण वळा लोगु का नास होण तक यू इन्‍नि रखै जाला।

रोमियों 11:26

अर इनकै पूरु इस्राएल बचि जालु। जन कि पवित्रशास्‍त्र मा भि लिख्यूं च कि, “बचौण वळु यरूशलेम नगर का सिय्योन ढौंडा बटि आलु, अर उ याकूब का परिवार मा बटि सब बुरै तैं दूर करलु।

यहूदा 1:18

ऊंन तुमकु बोलि छौ कि, “आखिरी का बगत मा मजाक उड़ौण वळा आला, जु अपणी बुरी इच्छाओं का मुताबिक चलला।”

रोमियों 5:7

अर सच्‍चि मा, सायद ही कुई इन्द्रयो मनखि होलु जु कि कै धरमी मनखि खुणि अपणी जान दे द्‍यो। अर भौत ही कम लोग होला जु कि कै इमानदार मनखि का फैदा का खातिर अपणी जान की भि बाजी लगै द्‍या, या इन करणु खुणि मोरि जा।

रोमियों 8:32

अर यू सच्‍च च कि पिता परमेस्वर न हमरि खातिर अपणा पुत्र तैं भि नि छोड़ि, बल्किन मा वेन वेतैं भि हमरि खातिर दे दिनी, त वु ही परमेस्वर हमतै यीशु मसीह का दगड़ा मा सब कुछ द्‍यालु।

रोमियों 8:34

किलैकि यीशु मसीह वु मनखि च जैतैं पिता परमेस्वर न हम लोगु तैं बचौणु खुणि ठैरै, अर उई च जैतैं मनखि का पापों का खातिर मरे गै। अर पिता परमेस्वर न वेतैं उन्‍नि नि छोड़ि, बल्किन मा वेतैं मुरदो मा बटि ज्यून्दु कैरी, अर अपणा दैंणी हाथ की तरफा बैठे के वेतैं पूरु आदर-सम्मान दिनी, ताकि वु बिचलु बणि के हमतै पिता परमेस्वर का दगड़ा मा एक कैरो।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

इब्रानी 8:3

अर हरेक महा पुरोहित तैं इलै ठैर्युं जान्दु ताकि उ पिता परमेस्वर का समणि अरपण मा चड़ईं भेंट अर बलिदान तैं लेके अऽ। अर ईं बात का मुताबिक हमरा महा पुरोहित यीशु का पास भि चड़ौणु खुणि कुछ ना कुछ होण चयेणु।