रोमियों 5:4 - Garhwali

⁴ अर सबर रखण से हमरु चाल-चलन खरु होन्दु। अर खरु चाल-चलन होण से हमरा जीवन मा पिता परमेस्वर पर आस रखण की इच्छा पैदा होन्दी।

गढवली नयो नियम

⁴ अर परमेश्वर हम तैं अपणौद किलैकि हम ल धीरज रखण सिख्यूं च, इलै हम तैं आस च;

रोमियों 5:4 Referans Kwoze

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

लूका 21:19

अर तुमरो सबर रखण की ताकत ही तुमरा जीवन तैं बचालि।

फिलिप्पी 2:22

मगर तीमुथियुस कथगा काबिल च ईं बात का बारा मा तुम भौत अच्छे जणद्‍यां, कि वेन परमेस्वर का शुभ समाचार तैं फैलाण मा ठिक उन्‍नि मदद कैरी जन एक नौनु अपणा पिता की मदद करदु।

इब्रानी 6:19

अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्‍नि पिता परमेस्वर का द्‍वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्‍वे ग्यां।