रोमियों 5:2 - Garhwali

² अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

गढवली नयो नियम

² हमारा विश्वास का कारण, मसीह ल हम तैं इन दया मा लये जख हम अब खड़ा छा, अर हम विश्वास अर आनन्द का दगड़ी पिता परमेश्वर कि बड़ै तैं साझा कनु कु आस दिखणां छा।

रोमियों 5:2 Referans Kwoze

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

1 कुरिन्थि 15:1

हे मेरा भै-बैंणो, जु शुभ समाचार मिन तुमतै पैलि सुणै छौं, वेतैं तुमुन स्वीकार कैरी, अर वेमा तुम अटल भि छाँ, उई वचन मि तुमतै याद दिलौणु छौं।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

2 थिस्सलुनीकी 2:16

हमरु पिता परमेस्वर हम बटि प्यार करदु, अर वेन हमतै सदनि तक रौण वळी दिलासा अर सबसे अच्छी आस दिईं च।

यूहन्ना 10:9

द्‍वार मि ही छौं अर जु कुई मेरा द्‍वारा भितर परवेस करदु, उ बचयै जालु। अर उ भैर-भितर औणु-जाणु रालु अर वेतैं चारो मिललु।

2 कुरिन्थि 4:17

अर हमतै पूरु यकीन च कि जु आदर-सम्मान हमतै स्वर्ग मा मिलण वळु च वेन सदनि तक रौण। अर जु दुख-तकलीफ अभि हम ईं दुनियां मा झिलणा छां ऊ कुछ भि नि छिन।

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

दिब्य दरस 21:23

वे नगर तैं उज्याळु देणु खुणि सूरज अर चाँद की जरुरत नि च, किलैकि परमेस्वर को तेज वेतैं उज्याळु देन्दु, अर यीशु वेको द्‍यू च।

दिब्य दरस 21:3

फिर मिन राजगद्‍दी बटि कैतैं एक तेज आवाज मा इन बुल्द सुणी, “देख, परमेस्वर को डेरा मनखियों का बीच मा च, अर अब वु ऊंका बीच मा रालु, अर ऊ वेका लोग होला। अर परमेस्वर खुद ऊंका बीच मा रालु।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।

रोमियों 3:23

किलैकि सभ्यों न पिता परमेस्वर का खिलाप मा जैके गळत काम करिनी, अर ऊं पापों की वजै से वु लोग वेसे मिलण वळा आदर-सम्मान से दूर छिन।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 10:7

इलै यीशु न ऊंकू फिर से बोलि, “मि तुम बटि सच्‍चि ही बोन्‍नु छौं, कि भेड़ों खुणि द्‍वार मि ही छौं।

दिब्य दरस 21:11

जु कि परमेस्वर की दिब्य चमक से चमकणु छौ। वेकी चमक भौत मैंगा हीरा की तरौं, अर सूर्यकान्त मणि की तरौं चमकीली छै।

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

रोमियों 8:24

अर ईं आस का द्‍वारा ही हमरु छुटकारा भि होयुं च। अर आस हमेसा वीं बात की किये जान्दी ज्वा कि दिखौण मा नि औन्दी, मगर जब वा आंख्यों का समणि साफ ह्‍वे जान्दी तब आस रखण को कुई फैदा नि च।

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

मत्ती 25:21

मालिक न वेकू बोलि, ‘सबास, मेरा अच्छा अर भरोसा लैख नौकर, तू कम मा भि इमानदार रै, इलै मि त्वेतै भौत सि चीजों को अधिकारी बणौलु। आ जा, अपणा मालिक की खुशी मा सामिल हो।’

इफिसुस 6:13

इलै परमेस्वर का दियां सब आत्मिक हथियार बान्धि ल्या, ताकि जब बुरा दिन आला त तुम ऊं सब बुरी बातों से लड़ी सैका, अर सब कुछ पूरु कैरिके अटल बणयां रा।

2 कुरिन्थि 3:18

अर पिता परमेस्वर न हमरा मुख बटि वु परदा हटैयली, अर अब हम इन देखि सकद्‍यां कि हमरु प्रभु कथगा महान च। अर हम पवित्र आत्मा का द्‍वारा लगातार प्रभु यीशु मसीह कि तरौं बणदी जां, ताकि लोग भि जाणि सैका कि हमरु प्रभु कथगा महान च। अर यू सब काम हमरा प्रभु यीशु मसीह को पवित्र आत्मा करदु।

रोमियों 14:4

अर तू कु छैई, जु कि कै दुसरा मनखि का नौकर को न्याय करदी? अरे, ईं बात को फैसला त वेको मालिक ही करलु कि उ अच्छु कनु च या ना। अर परमेस्वर को सेवक अच्छु ही करलु, किलैकि भलै करण मा उ अपणा लोगु की मदद करदु।

रोमियों 11:20

त मेरी ईं बात तैं समझा, चला मणदा छां कि वु लोग बिस्वास नि करण की वजै से काटी के ढुळै गैनी, अर तुम लोग बिस्वास करण की वजै से वेमा बणयां छाँ, त सुणा, बड़ु मोन नि कैरा बल्किन मा पिता परमेस्वर पर अपणी पूरि सरदा बणै के रखा।