रोमियों 5:15 - Garhwali

¹⁵ मगर पितर आदम अर वु मनखि एक जन नि छिन, किलैकि पिता परमेस्वर का द्‍वारा दियूं दान आदम का पाप का जन नि च। हे मेरा दगड़्यों, या बात सच्‍च च कि आदम का पाप का द्‍वारा मौत ईं दुनियां मा सब लोगु खुणि ऐ गै, मगर फिर भि पिता परमेस्वर की किरपा हम सभ्यों खुणि भौत बड़ी च, किलैकि अब यीशु मसीह का द्‍वारा सब लोगु तैं अपणा-अपणा पापों से माफी पौण को दान पिता परमेस्वर बटि मुफत मा मिली गै।

गढवली नयो नियम

¹⁵ पर आदम कु पाप वे वरदान का जन नि च जु पिता परमेश्वर हम तैं अपड़ा दया ल दींद। किलैकि एक मनिख कु पाप भौत लुखुं कु मृत्यु ले के ऐ पर परमेश्वर कि दया अर धार्मिकता कु वरदान जु वेल हम तैं द्ये, वेको दाम भौत लुखुं कु वे बट्टी कई जादा च। अर यीशु मसीह ल एक मनिख का रूप मा अपड़ी दया बट्टी जु कैरी, वेल यु तैं सम्भव कैरी।

रोमियों 5:15 Referans Kwoze

रोमियों 6:23

किलैकि पाप की ध्याड़ि मौत च, मगर जु लोग प्रभु यीशु मसीह पर बिस्वास करदिन, ऊं पर पिता परमेस्वर दया कैरिके सदनि को जीवन देन्दु।

इफिसुस 2:8

किलैकि बिस्वास का द्‍वारा ही तुमतै बचयै गै, अर यू तुमरि तरफा बटि नि होयुं, बल्किन मा यू त परमेस्वर को दान च।

रोमियों 5:12

हे मेरा भै-बैंणो, जब पितर आदम न पिता परमेस्वर की आज्ञा तैं तोड़ि, त पाप वेका द्‍वारा ईं दुनियां मा ऐ। अर आदम का वे पाप न मौत तैं जनम दिनी, ज्यां की वजै से आज मौत सब लोगु मा फैली गै, इलै सब लोग पापि छिन।

1 यूहन्ना 5:11

अर वा गवै या च कि परमेस्वर न हमतै सदनि को जीवन दिनी, अर वु जीवन हमतै वेका पुत्र का द्‍वारा मिलदु।

2 कुरिन्थि 9:15

अर हमरा प्रभु यीशु का खातिर पिता परमेस्वर को धन्यवाद हो, जैको बखान हम शब्दों मा नि कैरी सकद्‍यां।

1 यूहन्ना 2:2

अर याद रखा की यीशु मसीह न अपणी इच्छा से हम खुणि अपणु बलिदान देई, ताकि वेका द्‍वारा पिता परमेस्वर हमरा पापों तैं माफ कैर द्‍यो, अर बस हमरा ही पापों तैं ना, बल्किन मा सरी दुनियां का लोगु का पापों तैं भि माफ कैरो।

इब्रानी 2:9

पर जब हम यीशु मसीह तैं दिखद्‍यां, त इन जणद्‍यां कि पिता परमेस्वर न वेतैं कुछ बगत खुणि ही स्वर्गदूतों से जरा कम कैरी। अर इन वेन इलै कैरी, किलैकि यीशु मसीह न सब मनखियों का खातिर मौत का स्वाद तैं चखी। अर ईं योजना का द्‍वारा पिता परमेस्वर न अपणी दया अर प्यार सब लोगु पर दिखै, मगर अब पिता परमेस्वर न यीशु तैं सबसे महान राजा का रुप मा आदर-सम्मान देके सबसे ऊँचो पद दियाली।

यूहन्ना 4:10

अर यीशु न वींकू बोलि, “अगर तुम परमेस्वर का बरदान तैं जणदा, अर यू भि जणदा की उ कु च, जु तुम बटि बोन्‍नु च, ‘मितैं पाणि पिलै द्‍या।’ त तुम वे बटि मंगदा, अर उ तुमतै जीवन देण वळु पाणि देन्दु।”

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

मत्ती 26:28

अर यू अंगूरों को रस मेरु ल्वे च, जैका द्‍वारा पिता परमेस्वर लोगु का बीच मा एक नयू करार बणौन्दु। अर भौत सा लोगु का पापों तैं माफ करणु खुणि मेरु ल्वे बुगये जान्दु।

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

खास चेलों 15:11

मगर हमरु त यू बिस्वास च, जन कि प्रभु यीशु की किरपा से आज हम लोगु तैं बचयै गै, ठिक उन्‍नि ऊं लोगु तैं भि बचयै गै जु यहूदी जाति का नि छिन।”

2 कुरिन्थि 5:14

हे मेरा दगड़्यों, यीशु मसीह को प्यार हमतै मजबूर करदु, ताकि हम सब भलै का काम कैरा। अर हम जणदा ही छां कि एक यीशु मसीह ही च जु कि सब लोगु का खातिर मरे गै, अर मौत की ज्वा सजा हमतै मिलण वळी छै वा वेन खुद सै दिनी। अर अब हमरु यू फरज बणदु कि हम सभ्या का सभि अपणा-अपणा फैदा खुणि जीवन नि ज्या, बल्किन मा हमतै यीशु मसीह का मुताबिक अपणु-अपणु जीवन जीण चयेणु, जैतैं पिता परमेस्वर न मुरदो मा बटि ज्यून्द कैरी।