रोमियों 4:13 - Garhwali

¹³ अर यू सब कुछ मूसा का दियां नियम-कानून का मुताबिक नि ह्‍वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्‍वे, किलैकि वेन नियम-कानूनों को पालन कैरी, बल्किन मा यू त इलै ह्‍वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।

गढवली नयो नियम

¹³ पिता परमेश्वर ल अब्राहम अर वेका वंशजों बट्टी करार कैरी छै कि उ ऊं तैं या दुनिया दयालो। यु वादा इलै नि कैरी किलैकि अब्राहम व्यवस्था कु पालन कैरी, पर पिता परमेश्वर ल वेका विश्वास का कारण वे तैं धर्मी मंणै गै छो।

रोमियों 4:13 Referans Kwoze

गलातियों 3:29

अर अगर जु तुम यीशु मसीह का छाँ, त अब्राहम का वंश मदि, अर वे करार का मुताबिक वारिस भि छाँ, जु कि वेका दगड़ा मा किये गै छौ।

रोमियों 9:8

अर यां को मतलब यू च कि पितर अब्राहम का वंश मा जथगा भि लोगु को जनम हो ऊंमा सभ्यों खुणि पिता परमेस्वर की औलाद नि बुले जालु, मगर केवल ऊं खुणि ही पिता परमेस्वर की औलाद बुले जालु जौं खुणि वेन करार कैरी छौ।

खास चेलों 13:32

“अर परमेस्वर न हमरा पितरों का दगड़ा मा जु करार कैरी छौ, वेका बारा मा हम तुमतै शुभ समाचार सुणौन्द्‍यां।

रोमियों 4:12

अर येका दगड़ा-दगड़ि जब पिता परमेस्वर न पितर अब्राहम तैं खतना करण को चिन्‍न दिनी, त इन करण की वजै से उ हमरु पितर बणि गै, अर हम लोग वेका वंशज। अर हम लोग भि ठिक उन्‍नि बिस्वास का बाटा पर चलद्‍यां, जन हमरु पितर अब्राहम चलि छौ जब वेको खतना भि नि होयुं छौ।

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।