रोमियों 4:12 - Garhwali

¹² अर येका दगड़ा-दगड़ि जब पिता परमेस्वर न पितर अब्राहम तैं खतना करण को चिन्‍न दिनी, त इन करण की वजै से उ हमरु पितर बणि गै, अर हम लोग वेका वंशज। अर हम लोग भि ठिक उन्‍नि बिस्वास का बाटा पर चलद्‍यां, जन हमरु पितर अब्राहम चलि छौ जब वेको खतना भि नि होयुं छौ।

गढवली नयो नियम

¹² अर अब्राहम खतना करयां लुखुं कु पूर्वज च, जु न भस खतना पर आस रखदा हो, पर जौं मा उन ही विश्वास हो, जन हमारा पूर्वज अब्राहम कु छो, जु वेल खतना कन से पैली कैरी छो।

रोमियों 4:12 Referans Kwoze

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

2 कुरिन्थि 12:18

अर मिन तीतुस भै तैं समझै-बुझै के तुमरा पास भेजि, अर वेका दगड़ा मा एक और भै तैं भि भेजि त अब मितैं एक बात बता, कि जब तीतुस भै उख पौंछी त क्या वेन तुमरा दगड़ा मा छल-कपट कैरिके तुमतै ठगि? मगर मि अर तीतुस भै हमेसा तुम सभ्यों खुणि बड़ी इमानदारी से काम करद्‍यां।

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

रोमियों 4:11

हाँ, या बात सच्‍च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्‍न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।

रोमियों 4:13

अर यू सब कुछ मूसा का दियां नियम-कानून का मुताबिक नि ह्‍वे, बल्किन मा पिता परमेस्वर न त वेसे भि पैलि पितर अब्राहम का दगड़ा मा करार कैरी छौं, कि उ अर वेका वंश का लोग ईं दुनियां का वारिस होला। अर यू सब त इलै नि ह्‍वे, किलैकि वेन नियम-कानूनों को पालन कैरी, बल्किन मा यू त इलै ह्‍वे किलैकि पितर अब्राहम न पिता परमेस्वर पर बिस्वास कैरी। अर पिता परमेस्वर न भि वेतैं एक धरमी मनखि का रुप मा स्वीकार कैरी।