रोमियों 4:11 - Garhwali

¹¹ हाँ, या बात सच्‍च च कि पिता परमेस्वर न वेतैं पैलि स्वीकार कैरिके धरमी ठैरै दिनी, जब कि वे बगत वेको खतना भि नि होयुं छौ। अर इन वेन इलै कैरी, किलैकि पितर अब्राहम न वे पर बिस्वास कैरी। इलै खतना करण हमरा पितर अब्राहम खुणि एक चिन्‍न छौ, ताकि पितर अब्राहम ऊं सभ्यों को बुबा बणि जौ, जु पिता परमेस्वर पर बिस्वास त करदा छिन, मगर अपणु खतना नि करौन्दिन। इलै वु सब लोग अपणा बिस्वास करण की वजै से ही पिता परमेस्वर की नजर मा धरमी मणै जनदिन।

गढवली नयो नियम

¹¹ पिता परमेश्वर ल वे तैं पैली ही अपणैयले छो अर वे तैं धर्मी मांणी येलि छों, जबकि उ अभि भि खतनारहित ही छो। खतना कु चिन्ह स्वीकार कनु कु मुहर च। इलै उ ऊंको आत्मिक बुबा च, जु विश्वास करदींनि। पर ऊंको खतना नि हवे उ अपड़ा विश्वास का कारण धर्मी गिणै जयदींनि।

रोमियों 4:11 Referans Kwoze

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

लूका 19:9

तब यीशु न वेकू बोलि, “आज ये घौर का लोगु तैं छुटकारु मिली गै, किलैकि यू भि अब्राहम की पीढ़ी मदि एक च।

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।

2 कुरिन्थि 1:22

अर वेन इन दिखौणु खुणि कि हम वेका छां, अपणा पवित्र आत्मा का दान तैं बयना का रुप मा हमरा मनों मा देई, ताकि इन साबित हो कि वेको करार जरुर पूरु होलु।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

इफिसुस 4:30

अर परमेस्वर की पवित्र आत्मा तैं अपणा चाल-चलन से दुख नि द्‍या, किलैकि पवित्र आत्मा देके परमेस्वर न तुम पर अपणी मोर लगईं च, ताकि छुटकारा का दिन पर तुमतै छुडयै जौ।

इफिसुस 1:13

अर जब तुमुन शुभ समाचार का द्‍वारा सच्‍चै का वचन तैं सुणी, कि परमेस्वर यीशु मसीह का द्‍वारा ही बचौन्दु तब तुमुन यीशु मसीह पर बिस्वास कैरी। अर जब तुम वेका पास ऐ ग्यां, त वेन अपणी छाप का रुप मा तुमतै पवित्र आत्मा दिनी, जैको करार वेन पैलि ही कैरियाली छौ।

गलातियों 6:16

अर जथगा भि लोग ये नियम पर चलला, वु ही पिता परमेस्वर का सच्‍चा लोग छिन अर वेकी शान्ति अर वेकी दया ऊं पर होणी राली।

गलातियों 5:5

मगर हम लोग यीशु मसीह पर बिस्वास करण का द्‍वारा परमेस्वर का समणि धरमी होण कि आसा रखद्‍यां। अर पवित्र आत्मा कि मददळ हम ईं बात को इंतजार बेसबरि से कना छां।

गलातियों 3:29

अर अगर जु तुम यीशु मसीह का छाँ, त अब्राहम का वंश मदि, अर वे करार का मुताबिक वारिस भि छाँ, जु कि वेका दगड़ा मा किये गै छौ।

गलातियों 3:22

मगर सब लोग पाप का अधीन मा छिन येका बारा मा पवित्रशास्‍त्र हमतै बतौन्दु। इलै यीशु मसीह पर बिस्वास करण से सदनि को जीवन देण को जु करार किये गै, उ बिस्वास करण वळा लोगु खुणि ही दिये गै।

गलातियों 3:7

इलै ईं बात तैं तुम अच्छे से जाणि ल्या, कि जु लोग परमेस्वर पर बिस्वास करदिन, वु ही अब्राहम की औलाद छिन।

रोमियों 10:11

किलैकि यीशु का बारा मा पवित्रशास्‍त्र मा इन लिख्यूं च कि, “जु कुई वे पर बिस्वास करलु, उ कभि निरास नि होलु।”

रोमियों 10:6

मगर बिस्वास का द्‍वारा पिता परमेस्वर की नजर मा धरमी साबित होण का बारा मा पवित्रशास्‍त्र मा कुछ इन लिख्यूं च कि, “तुम अपणा मन मा इन नि सोचा, कि कु च वु जु कि स्वर्ग जालु?” (अर ईं बात को मतलब यू च कि कु च वु, जु कि मसीह तैं धरती पर मूड़ी लेके आलु)।

रोमियों 10:4

अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

यूहन्ना 6:35

तब यीशु न ऊंकू बोलि, “जीवन देण वळी रुट्‍टी मि छौं। जु मि मा आलु, उ कभि भूकों नि रालु, अर जु मि पर बिस्वास करलु, उ फिर कभि नि तिसालु।

दिब्य दरस 9:4

अर ऊंकू इन बुले गै कि ऊ नऽ त धरती की घास तैं, ना ही कैं हरीं चीज तैं अर ना ही कैं डाळी-बोटी तैं नुकसान पौंछा, पर ऊं लोगु तैं ही नुकसान पौंछा, जौं का माथा पर परमेस्वर की मोर नि च।

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

रोमियों 9:30

इलै हम इन बोलि सकद्‍यां, कि ईं बात को मतलब यू च कि जु लोग यहूदी जाति का नि छिन ऊंन जादा कोसिस नि कैरी, कि पिता परमेस्वर ऊंतैं अपणी नजर मा धरमी साबित कैरो, मगर जब ऊंन यीशु मसीह पर बिस्वास कैरी तब पिता परमेस्वर ऊंतैं अपणी नजर मा धरमी ठैरै दिनी।

रोमियों 9:6

हे मेरा भै-बैंणो, मि तुमतै इन बतौण चान्दु कि भौत सा इस्राएली लोग इन छिन जु कि पिता परमेस्वर का दण्ड से बचि नि सकिनी, त यां को मतलब यू नि च कि पिता परमेस्वर को वचन रद्‍द ह्‍वे गै, किलैकि इस्राएली लोगु का पीढ़ी मा जनम लेण वळा सब लोग सच्‍चा इस्राएली नि छिन।

रोमियों 3:26

मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

यूहन्ना 8:33

पर ऊंन वेतैं जबाब देई, कि “हम त अब्राहम का वंश मदि छां, अर कभि भि कै का गुलाम नि रयां। त फिर तू कनकै बोन्‍नि, कि ‘तुम आजाद ह्‍वे जैल्या?’”

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

मत्ती 16:16

तब शमौन पतरस न जबाब देई, “गुरुजी, ज्यून्दा परमेस्वर का पुत्र मसीह तुम ही छाँ।”

मत्ती 8:11

अर मि तुमतै या बात भि बतै देन्दु, कि एक दिन भौत सरा लोग पूरब अर पच्छिम दिसा बटि आला, अर स्वर्ग का राज मा अब्राहम, इसहाक अर याकूब का दगड़ा दावत मा बैठला।

रोमियों 9:33

अर वे खुणि पवित्रशास्‍त्र मा कुछ इन लिख्यूं च कि, “देखा, मि यरूशलेम नगर का सिय्योन ढौंडा मा एक ढुंगो रखणु छौं, जै कि वजै से लोगु तैं उतेडु़ लगलु, पर जु कुई वे पर बिस्वास करलु, वु कभि निरास नि होलु।”

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

रोमियों 3:30

हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

रोमियों 4:10

अब तुम सुचणा ह्‍वेल्या, कि पिता परमेस्वर न जब वेतैं धरमी ठैरै, तब पितर अब्राहम को खतना होयुं रै होलु कि ना। हे मेरा भै-बैंणो मि तुमतै बतै देन्दु कि वे बगत वेको खतना नि होयुं छौ।