रोमियों 4:1 - Garhwali

¹ अर अगर इन च, त हम पितर अब्राहम का बारा मा क्या बोला, जु कि सरील का रिश्ता का मुताबिक हमरु पितर च अर हम वेका वंशज छां।

गढवली नयो नियम

¹ अब हम ल यहूदी हूंणा का खातिर अपड़ा पूर्वज अब्राहम का बारा मा क्य बुल्ण? कि उ कै कारण से धर्मी गिणे गै?

रोमियों 4:1 Referans Kwoze

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

2 कुरिन्थि 11:22

क्या वु लोग ही इब्रानी छिन? अरे उ त मि भि छौं। अर क्या वु लोग इस्राएली छिन? नऽ रे ना मि भि एक इस्राएली छौं। अर क्या वु ही लोग पितर अब्राहम का वंश मदि छिन? अरे मि भि त पितर अब्राहम का वंश मदि छौं।

खास चेलों 13:26

“हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।

यूहन्ना 8:56

तुमरो बुबा अब्राहम मेरु दिन दिखणे की आस मा भौत खुश छौ। अर वेन देखि अर खुशी मणै।”

रोमियों 7:7

त अब हम क्या जि बोला कि नियम-कानून पाप तैं जनम देन्दिन? ना इन नि ह्‍वे सकदु, मगर सच्‍च त यू च कि नियम-कानून हमतै बतौन्दिन की पाप क्या च। अर जन कि लिख्यूं भि च कि, “तू लालच नि कैरी” त मितैं कनकै पता चलदु कि लालच क्या च।

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

रोमियों 8:31

हे मेरा भै-बैंणो, अब मि तुमतै इन बतौण चान्दु, कि यों सब बातों की एक ही बात च अर वा या च कि अगर जु पिता परमेस्वर हमरि तरफा च, त हमरु विरोध करण वळु कुई भि नि ह्‍वे सकदु।

यूहन्ना 8:53

हमरु बुबा अब्राहम त मोरि गै। क्या तू वेसे भि महान छैई? अर उन्‍नि परमेस्वर का रैबर्या भि मोरि गैनी। त तू खुद तैं क्या समझदी?”

यूहन्ना 8:33

पर ऊंन वेतैं जबाब देई, कि “हम त अब्राहम का वंश मदि छां, अर कभि भि कै का गुलाम नि रयां। त फिर तू कनकै बोन्‍नि, कि ‘तुम आजाद ह्‍वे जैल्या?’”

लूका 3:8

पर तुम इन्द्रया काम कैरा, ज्यां से इन पता चलु कि तुमुन मन से पस्तावा कैरियाली। अर अपणा-अपणा मनों मा यू नि सोचा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर मि तुमतै बतै देन्दु कि, परमेस्वर यू ढुंगो मा बटि भि अब्राहम खुणि औलाद पैदा कैरी सकदु च।

इब्रानी 12:9

सुणा, जब हम छुटा छा त हमरा ब्वे-बाब भि हमतै अनुसासन मा रौण सिखौन्दा छा, अर हम ऊंतैं आदर-समान देन्दा छा। अब एक बात बता क्या हमतै अपणा आत्मिक पिता का अधीन मा और भि जादा नि रौण चयेणु जु कि हमतै ज्यून्द रखदु?

रोमियों 6:1

हे मेरा भै-बैंणो, त अब इन बता कि हमतै क्या करण चयेणु? क्या हमतै पाप करदी रौण चयेणु, ताकि पिता परमेस्वर की और भि जादा किरपा होणी रौ?

रोमियों 1:3

अर यू शुभ समाचार वेका पुत्र यीशु मसीह का बारा मा च, अर उ सरील का रुप मा राजा दाऊद का वंश मा बटि पैदा ह्‍वे।

रोमियों 3:5

पर अगर जु हमरा गळत काम करण से पिता परमेस्वर की अच्छे और भि जादा साफ ह्‍वेके हमरा समणि औन्दी, त फिर परमेस्वर हम पर किलै गुस्सा होन्दु अर किलै हमतै दण्ड देन्दु? (अरे, यू सब त मनखियों का अपणा विचार छिन जु कि गळत छिन)।