रोमियों 3:8 - Garhwali

⁸ अर अगर या सच्‍च च त फिर हम भि बोलि सकद्‍यां कि, “चला, हम सब मिली के बुरै करद्‍यां, ताकि वां से भलै हो?” अर कुछ लोग हम पर इन इळजाम लगै के बुल्दिन, “अरे, यू लोग त बुरै की बातों तैं सिखौन्दिन।” अर न्याय का हिसाबळ जु दण्ड ऊं खुणि रख्युं च, उ ऊंतैं जरुर मिललु।

गढवली नयो नियम

⁸ कुछ लोग इन बोलि के हम पर भंगार लगौंदींनि कि हम ल बोलि, “आवा हम बुरै कैरा, बल्कि यां बट्टी भलै निकली” जन हम पर यु भंगार लगाये भि जांद, अर कुछ बुल्दींनि कि यूंको यु ही बुल्ण च। जु लोग मेरा बारा मा इन बात बुल्दा छिनी, उ भंगारी ठैराये जांण का लैक छिनी।

रोमियों 3:8 Referans Kwoze

रोमियों 6:1

हे मेरा भै-बैंणो, त अब इन बता कि हमतै क्या करण चयेणु? क्या हमतै पाप करदी रौण चयेणु, ताकि पिता परमेस्वर की और भि जादा किरपा होणी रौ?

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।

रोमियों 7:7

त अब हम क्या जि बोला कि नियम-कानून पाप तैं जनम देन्दिन? ना इन नि ह्‍वे सकदु, मगर सच्‍च त यू च कि नियम-कानून हमतै बतौन्दिन की पाप क्या च। अर जन कि लिख्यूं भि च कि, “तू लालच नि कैरी” त मितैं कनकै पता चलदु कि लालच क्या च।

रोमियों 5:20

अर परमेस्वर न नियम-कानून इलै दिनी, ताकि सब लोगु तैं ईं बात का बारा मा पता चलि जौ कि ऊ भौत बड़ा पापि छिन, मगर वेका दगड़ा-दगड़ि पिता परमेस्वर की किरपा भि ऊं लोगु खुणि और भि जादा बढदी गै।

यहूदा 1:4

किलैकि भौत सा लोग इन छिन, जु कि हम बिस्वासी लोगु का बीच मा चुपचाप से घुसी के ऐ गैनी। अर यू लोग पिता परमेस्वर की भक्‍ति नि करदिन, अर हमरा पिता परमेस्वर की किरपा को गळत फैदा उठे के वेको इस्तेमाल भोग-बिलास मा करदिन। अर यू झूठ्‍ठा लोग हमरा यीशु मसीह तैं नकारी देन्दिन, जु की एकमात्र मालिक अर प्रभु च, पर यों लोग खुणि पैलि बटि दण्ड ठैर्युं के रख्युं च।

मत्ती 5:11

“अर धन्य छाँ तुम, किलैकि जब लोग मेरी वजै से तुमतै बदनाम करला, अर तुमतै सताला अर झूठ्‍ठ बोलि-बोलि के तुमरा खिलाप मा बन्‍नि-बन्‍नि किसम की बात बुलला,

2 कुरिन्थि 6:8

अर कुछ लोग इन छिन जु कि हमतै इज्‍जत देन्दिन, मगर कुछ हम पर इळजाम लगौन्दिन। कुछ हमरि बुरै ही करदिन, मगर कुछ हम खुणि भली-भली बात बुल्दिन। अर कुछ लोग इन्द्रया भि छिन जु कि हमतै झूठ्‍ठु साबित कन चनदिन, मगर कुछ हमरि सच्‍चै तैं बतौन्दिन।

2 कुरिन्थि 11:15

अर वेका कई सेवक भि धरमी होण को पूरु ढोंग करदिन, मगर सच्‍चै त या च कि आखिरी का दिन मा ऊंतैं ऊंका कामों को हिसाब से सजा दिये जालि।