रोमियों 3:28 - Garhwali

²⁸ इलै हम ये नतीजा पर पौछद्‍यां, कि मनखि नियम-कानून का मुताबिक ना, बल्किन मा यीशु मसीह पर बिस्वास करण से परमेस्वर की नजर मा धरमी ठैरदु।

गढवली नयो नियम

²⁸ इलै हम जंणदा छा कि हम यीशु मसीह मा भस विश्वास ही बट्टी पिता परमेश्वर का दगड़ी धर्मी ठैरदा, न कि मूसा कि व्यवस्था का पालन कना का द्वारा।

रोमियों 3:28 Referans Kwoze

तीतुस 3:7

ताकि हम वेकी दया से परमेस्वर की नजर मा धरमी बणि सैका, अर सदनि को जीवन जीण की आस का मुताबिक वेका वारिस बणि जा।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

गलातियों 3:8

अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

याकूब 2:24

अब तुमुन देखियाली की मनखि केवल बिस्वास से ही ना, बल्किन कामों का द्‍वारा भि परमेस्वर की नजर मा धरमी ठैरै जान्दु।

रोमियों 3:26

मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

रोमियों 4:5

अर इन्द्रयो कुई भि मनखि नि च जु कि अपणी ताकत से परमेस्वर की नजर मा धरमी साबित ह्‍वे सैको, मगर जु मनखि परमेस्वर पर बिस्वास करदु उ वेतैं माफ करदु अर अपणी नजर मा वेतैं धरमी साबित करदु।

इफिसुस 2:9

अर तुमतै तुमरा कामों की वजै से नि बचयै गै, कि कुई भि मनखि अपणु बड़ु मोन कैरो।

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

रोमियों 5:1

इलै, जब हम बिस्वास करण की वजै से धरमी ठैरैये ग्यां, त चला, अब हम अपणा प्रभु यीशु मसीह का द्‍वारा पिता परमेस्वर का दगड़ा मा मेल-जोल को रिश्ता बणा।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

याकूब 2:20

हे मूरख मनखियों, क्या तुमतै ईं बात को सबूत चयेणु, कि काम बिना बिस्वास करण बेकार च?