रोमियों 3:27 - Garhwali

²⁷ अर या बात सच्‍च च, इलै बड़ु मोन करण को कुई फैदा नि च, कि हम त नियम-कानूनों का मुताबिक चलद्‍यां, किलैकि अब ईं बात से कुई फर्क नि पोड़दु कि हम नियम-कानून का मुताबिक चलद्‍यां कि ना, बल्किन मा फर्क त ईं बात से पोड़दु कि क्या हम बिस्वास करदा छां कि ना?

गढवली नयो नियम

²⁷ त क्य इन कुछ च, जैका बारा मा हम घमण्ड कैर सकदा? वेकी त कुई जगह ही नि च। कै नियम का कारण बट्टी? यु क्य कारण च कि हम परमेश्वर की व्यवस्था कु पालन करदां? न, पर यु यीशु मसीह मा हमारा विश्वास का कारण बट्टी च।

रोमियों 3:27 Referans Kwoze

रोमियों 2:23

तुम अपणा नियम-कानून का खातिर बड़ु मोन करद्‍यां, मगर ऊं ही नियम-कानून तैं नि माणी के परमेस्वर को अपमान भि करद्‍यां।

रोमियों 4:2

किलैकि अगर जु पितर अब्राहम अपणा कामों का द्‍वारा धरमी ठैरैये जान्दु, त वु बड़ु मोन कैरी सकदु छौ, मगर जु कुछ भि वेन कैरी ऊं सब बातों का खातिर वेन परमेस्वर का समणि बड़ु मोन नि कैरी सैकी।

गलातियों 3:22

मगर सब लोग पाप का अधीन मा छिन येका बारा मा पवित्रशास्‍त्र हमतै बतौन्दु। इलै यीशु मसीह पर बिस्वास करण से सदनि को जीवन देण को जु करार किये गै, उ बिस्वास करण वळा लोगु खुणि ही दिये गै।

रोमियों 2:17

तुम लोग जु कि खुद तैं यहूदी जाति का बतौन्द्‍यां, अर अपणु भरोसा नियम-कानून पर रखद्‍यां। अर तुम बुल्द्‍यां की हमरु रिश्ता पिता परमेस्वर का दगड़ा मा च इलै तुम ईं बात पर बड़ु मोन करद्‍यां,

रोमियों 7:21

इलै मितैं ईं सच्‍चै का बारा मा पता चलि जान्दु, कि जब मि भलै करण की इच्छा करदु, त बुरै मेरा पास ऐ जान्दी।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

1 कुरिन्थि 4:7

क्या तुम लोग दुसरा लोगु का मुकाबला मा जादा जानकार छाँ? अर तुमरा पास इन्द्रयो क्या च जु कि तुमतै दुसरा मनखि से अलग करदु? अर जु कुछ भि तुमरा पास च उ सब कुछ पिता परमेस्वर की तरफा बटि ही मिल्यूं च। अर जब यू सब कुछ तुमतै परमेस्वर न देई त फिर तुमरा मोन इथगा जादा किलै चड़यां रौनदिन?

रोमियों 11:6

अर अगर जु वेन ऊंतैं अपणी किरपा से चुणी, त यां को मतलब यू च कि वेन ऊंतैं ऊंका कामों की वजै से नि चुणी जु ऊंन करिनी। अगर कामों की वजै से होन्दु, त दान का रुप मा ज्वा किरपा पिता परमेस्वर करदु, वांको कुई मतलब नि होन्दु।

रोमियों 10:5

हे मेरा दगड़्यों, परमेस्वर को रैबर्या मूसा इन लिखदु, कि नियम-कानून को पालन पूरि तरौं करण से ही पिता परमेस्वर की नजर मा मनखि धरमी साबित ह्‍वे सकदु। अर वेन या बात कुछ इन लिखी कि, “जु मनखि यों बातों को पालन करलु, उ वेकी वजै से जीवन पालु।”

रोमियों 9:32

अर इन त इलै ह्‍वे, किलैकि ऊंन अपणा कामों का द्‍वारा खुद तैं पिता परमेस्वर की नजर मा धरमी साबित करण की कोसिस कैरी, अगर जु वु यीशु मसीह पर बिस्वास करदा, त पिता परमेस्वर ऊंतैं धरमी साबित कैरी देन्दु। मगर ऊंन यीशु मसीह पर बिस्वास नि कैरी, इलै यीशु ऊं लोगु खुणि वे ढुंगा का जन बणि गै जैकी वजै से अकसर लोगु तैं उतेडु़ लगि जान्दु।

रोमियों 9:11

मगर दुई जौंळ्या बच्‍चों तैं जनम देण से पैलि, पिता परमेस्वर न रिबका कू बोलि छौ कि, “बड़ु नौनु अपणा छुटा भै की सेवा करलु।” अर ना ही ऊं नौनो न कुई अच्छु या बुरु काम कैरी छौ। मगर पिता परमेस्वर न इन इलै बोलि, ताकि वेन जैतैं चुण्यूं च, वेका द्‍वारा पिता परमेस्वर की योजना बणि रौ। अर यू सब त इलै ह्‍वे, ताकि इन साबित ह्‍वे जौ कि कै मनखि को चुणै जाण परमेस्वर की मनसा का मुताबिक ही होन्दु। अर पिता परमेस्वर की योजना कै मनखि का काम का मुताबिक नि बणदी, बल्किन मा वेन वेतैं किलै बुलै वेका मुताबिक होन्दी।

रोमियों 8:2

किलैकि जीवन देण वळा परमेस्वर की पवित्र आत्मा न अपणा नियम का मुताबिक तुमतै यीशु मसीह पर बिस्वास करण की वजै से पाप अर मौत का बन्धन से आजाद कैरियाली।

रोमियों 7:25

पर मि हमरा प्रभु यीशु मसीह का द्‍वारा पिता परमेस्वर को धन्यवाद करदु जैन मितैं छुड़ै। अर मि अपणा मन से पिता परमेस्वर का नियम-कानून को पालन करदु, मगर अब मि क्या कैरुं? किलैकि येका दगड़ा-दगड़ि मि पापों का कब्जा मा भि फस्युं छौं।

रोमियों 7:23

मगर मि इन दिखदु कि पाप जैन मेरा मन मा अपणु घौर बणैयालि उ मेरा दगड़ा मा लड़ै करदु, अर इन कैरिके उ मितैं अपणा वश मा करदु।

रोमियों 3:19

अर अब हम या बात जणदा छां की नियम-कानून हमतै जु कुछ भि बतौन्दिन, वु सिरफ ऊं लोगु खुणि ही च जु नियम-कानूनों तैं मणदिन, ताकि ऊं लोगु की टुपटी बन्द ह्‍वे जौ। अर पिता परमेस्वर ही च जु की सब गळत काम करण वळा लोगु को न्याय करण वळु च।

यूहन्ना 3:36

अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

मरकुस 16:16

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

रोमियों 3:26

मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।

रोमियों 9:31

पर इस्राएली जाति का लोग जौन नियम-कानूनों का मुताबिक पिता परमेस्वर की नजर मा धरमी बणण की पूरि कोसिस कैरी, वु वे नियम-कानून तक पौंछण मा सफल नि ह्‍वे सकिनी।