रोमियों 3:22 - Garhwali

²² अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

गढवली नयो नियम

²² मतलब हम परमेश्वर का द्वारा धर्मी बंणये जंदींयां जब हम यीशु मसीह पर विश्वास करद्यां। किलैकि सभि लोग एक जन छिनी, अर कुछ भेद नि च;

रोमियों 3:22 Referans Kwoze

रोमियों 10:12

अर अब से यहूदी लोगु मा अर ऊं लोगु मा कुई फर्क नि च, जु कि यहूदी जाति का नि छिन, किलैकि प्रभु यीशु मसीह सभ्यों को प्रभु च अर जथगा भि लोग वेका नौ तैं लेन्दिन, वु ऊं सब लोगु तैं आसीस देन्दु।

गलातियों 3:28

इलै अब नऽ त कुई यहूदी च अर ना ही कुई यूनानी, नऽ त कुई गुलाम च अर ना ही कुई आजाद, अर नऽ त कुई बैख च अर ना ही कुई जनानि, किलैकि तुम सभ्या का सभि यीशु मसीह मा एक छाँ।

गलातियों 2:16

हम जणदा छां कि एक मनखि तैं नियम-कानूनों का मुताबिक ना, बल्किन मा सिरफ यीशु मसीह पर बिस्वास करण का द्‍वारा ही धरमी ठैरैये जान्दु। अर हम दुईयों न भि खुद यीशु मसीह पर बिस्वास कैरी, ताकि हम भि वे पर बिस्वास कैरिके धरमी ठैरैये जां, ना कि नियम-कानूनों का मुताबिक, किलैकि नियम-कानूनों का मुताबिक कुई भि मनखि परमेस्वर की नजर मा धरमी नि ठैरैये जालु।”

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

फिलिप्पी 3:9

अर अब मिन नियम-कानून को पालन कैरिके पिता परमेस्वर की नजर मा धरमी साबित होण बन्द कैरियाली। अर इन मिन इलै कैरी, किलैकि अब मि यीशु मसीह पर बिस्वास करदु, इलै परमेस्वर न मितैं अपणी नजर मा धरमी साबित कैरियाली। अर वेकी नजर मा धरमी बणण यीशु मसीह पर बिस्वास करण का द्‍वारा होन्दु।

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

याकूब 2:23

तब पवित्रशास्‍त्र की या बात पूरि ह्‍वे कि, “अब्राहम न परमेस्वर पर बिस्वास कैरी, अर ईं वजै से उ परमेस्वर की नजर मा धरमी ठैरै गै।” इलै पितर अब्राहम कू परमेस्वर को दगड़्या बुले गै।

खास चेलों 15:9

अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,

1 कुरिन्थि 4:7

क्या तुम लोग दुसरा लोगु का मुकाबला मा जादा जानकार छाँ? अर तुमरा पास इन्द्रयो क्या च जु कि तुमतै दुसरा मनखि से अलग करदु? अर जु कुछ भि तुमरा पास च उ सब कुछ पिता परमेस्वर की तरफा बटि ही मिल्यूं च। अर जब यू सब कुछ तुमतै परमेस्वर न देई त फिर तुमरा मोन इथगा जादा किलै चड़यां रौनदिन?

रोमियों 9:30

इलै हम इन बोलि सकद्‍यां, कि ईं बात को मतलब यू च कि जु लोग यहूदी जाति का नि छिन ऊंन जादा कोसिस नि कैरी, कि पिता परमेस्वर ऊंतैं अपणी नजर मा धरमी साबित कैरो, मगर जब ऊंन यीशु मसीह पर बिस्वास कैरी तब पिता परमेस्वर ऊंतैं अपणी नजर मा धरमी ठैरै दिनी।

लूका 15:22

पर वेका बुबा न अपणा नौकरों कू बोलि, ‘सुणा, फटाफट अच्छा कपड़ा निकाळा अर येतैं पैरा, अर येका हाथ मा अंगुठी अर खुटों पर जुता पैरा।

खास चेलों 3:16

अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

खास चेलों 11:12

अर पवित्र आत्मा न मितैं बिन हिचकिचयां ऊंका दगड़ा मा जाणु कू बोलि, अर मेरा दगड़ा मा यू छह बिस्वासी भै भि उख जाणु कू पैटि गैनी। अर तब हम कुरनेलियुस नौ का एक मनखि का घौर कू ग्यां।

रोमियों 1:17

किलैकि मनखियों तैं धरमी बणौणु खुणि शुभ समाचार परमेस्वर का द्‍वारा ही मिलदु। अर जब मनखि शुरुवात बटि आखिरी तक बिस्वास करदु तब उ परमेस्वर की नजर मा धरमी साबित होन्दु। अर जन कि पवित्रशास्‍त्र मा भि लिख्यूं च कि, “जु मनखि परमेस्वर की नजर मा धरमी च, उ बिस्वास करण की वजै से ज्यून्द रालु।”

रोमियों 3:30

हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

रोमियों 10:4

अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

गलातियों 3:22

मगर सब लोग पाप का अधीन मा छिन येका बारा मा पवित्रशास्‍त्र हमतै बतौन्दु। इलै यीशु मसीह पर बिस्वास करण से सदनि को जीवन देण को जु करार किये गै, उ बिस्वास करण वळा लोगु खुणि ही दिये गै।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।