रोमियों 3:10 - Garhwali

¹⁰ अर जन कि पवित्रशास्‍त्र मा भि लिख्यूं च कि, “परमेस्वर की नजर मा कुई भि मनखि धरमी नि च, ना एक भि नि च।

गढवली नयो नियम

¹⁰ जन परमेश्वर का वचन मा लिख्युं च; परमेश्वर कि नजरों मा कुई भि धर्मी नि च, एक भि न।

रोमियों 3:10 Referans Kwoze

रोमियों 3:23

किलैकि सभ्यों न पिता परमेस्वर का खिलाप मा जैके गळत काम करिनी, अर ऊं पापों की वजै से वु लोग वेसे मिलण वळा आदर-सम्मान से दूर छिन।

मत्ती 15:19

किलैकि बुरा ख्याल, हत्या करण, दुसरि जनानियों पर गळत नजर रखण, अर दुसरि जनानियों का दगड़ा मा गळत सम्बन्ध रखण, चोरी करण, झूठ्‍ठी गवै देण, दुसरो की बुरै करण, इन्दरि किसमे सब बात मनखि का मन बटि ही निकळदिन।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

मरकुस 10:18

वेन वे मनखि कू बोलि, “तू मिकू अच्छु किलै बोन्‍नि छैई, परमेस्वर का अलावा कुई भि अच्छु नि च।

1 पतरस 1:16

किलैकि पवित्रशास्‍त्र मा परमेस्वर बुल्दु कि, “पवित्र बणा, किलैकि मि पवित्र छौं।”

रोमियों 3:4

ना इन कभि नि ह्‍वे सकदु। सुणा, दुनियां को हरेक मनखि झूठ्‍ठु साबित ह्‍वे सकदु च, मगर पिता परमेस्वर ही च जु कि अपणा वचन को पालन करदु, इलै वेतैं सच्‍चु साबित होण द्‍या। जन कि पवित्रशास्‍त्र मा भि लिख्यूं च अर वा बात इन च कि, “हे मेरा परमेस्वर तुम अपणा मामला मा सच्‍चा छाँ, अर तुम अपणु फैसला बड़ा न्याय से करद्‍यां।”

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

रोमियों 11:8

अर ऊं लोगु खुणि पवित्रशास्‍त्र मा इन लिख्यूं च कि, “परमेस्वर न आज का दिन तक ऊंतैं एक सुस्त मन दियूं च, ताकि वु समझि नि सैका। अर वेन ऊंका आंखा अर कन्दूड़ बन्द कर्यां छिन, ताकि वु दिखण का बाद भि देखि नि सैका, अर सुनण का बाद भि सुणी नि सैका।”

रोमियों 3:11

अर कै का बिंगण मा नि औन्दु, कि वेको काम करण को तरीका कन च। अर कुई भि मनखि परमेस्वर तैं जनण कि कोसिस नि करदु।