रोमियों 2:27 - Garhwali

²⁷ अर अगर कुई मनखि सरील को खतना कियां बगैर नियम-कानून को पूरु पालन करदु, त सुणा, वु लोग ही तुम यहूदी लोगु को न्याय करला किलैकि तुम लोगु का पास नियम-कानून की किताब च, अर वामा सब लिख्यूं च। अर अब खतना करौण का बाद भि अगर तुम नियम-कानूनों को पालन नि करद्‍यां, त तुम दोषी ठैरैये जैल्या।

गढवली नयो नियम

²⁷ अर जु मनिख देह का रूप मा बगैर खतना कु रै हो उ मूसा कि व्यवस्था कु पालन कैरो, त क्य त्वे मा मूसा कि व्यवस्था च? अर खतना करे जांण पर भि मूसा कि व्यवस्था को पालन नि कैरी त क्य तु भंगारी नि ठैरिलि?

रोमियों 2:27 Referans Kwoze

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

रोमियों 8:4

अर यू सब त इलै ह्‍वे, ताकि हम लोग परमेस्वर की नजर मा धरमी जीवन जीण की मांग तैं पूरु कैरी सैका, जु कि नियम-कानून का मुताबिक च। अर खास कैरिके या बात ऊं लोगु मा पूरि हो जु की सरील का मुताबिक ना, बल्किन मा पवित्र आत्मा का मुताबिक चलदिन।

रोमियों 2:29

मगर एक सच्‍चु यहूदी त वु च, जु कि अपणा मन से यहूदी हो अर वेका मुताबिक ही वेन अपणु खतना भि कर्युं हो अर यू सब केवल मन अर आत्मा मा च, ना कि नियम-कानून का मुताबिक सरील मा। इन्द्रया लोगु की तारीफ मनखियों का द्‍वारा ना, बल्किन मा पिता परमेस्वर की तरफा बटि होन्दी।

इब्रानी 11:3

अर हम परमेस्वर पर बिस्वास करद्‍यां अर वां से इन जणद्‍यां कि परमेस्वर का वचन का द्‍वारा पूरि दुनियां बणयै गै, इलै जु कुछ हम दिखणा छा वु ऊं चीजों बटि बणि जु कि दिखेन्दु नि च।

गलातियों 5:14

किलैकि पूरु नियम-कानून एक ही बात मा पूरु ह्‍वे जान्दु अर वु इन च कि, “जन प्यार तू अफ बटि करदी उन्‍नि सब लोगु से भि कैर।”

रोमियों 13:10

अर अगर जु तुम दुसरा लोगु से प्यार करद्‍यां, त तुम वेका दगड़ा मा गळत नि करद्‍यां, किलैकि प्यार करण को मतलब ही सब नियम-कानूनों तैं पूरु करण से च।

रोमियों 2:20

अर मूरख लोगु तैं सिखौण वळा, अर बच्‍चों तैं उपदेस देण वळा गुरु छाँ, अर तुम इन समझद्‍यां की तुम ज्ञान अर सच्‍चै खुणि एक खरु उदारण छाँ, तुम इन भि समझद्‍यां की नियम-कानून मा जु कुछ च, वु सब कुछ तुमतै ही मिल्यूं च।

खास चेलों 13:22

फिर परमेस्वर न शाऊल तैं वेका पद बटि हटै के दाऊद तैं राजा बणै दिनी। अर दाऊद का बारा मा परमेस्वर न इन बोलि कि, ‘मितैं मेरा मन का मुताबिक एक मनखि मिली गै, जु कि मेरी मनसा तैं पूरि करलु अर उ यिशै को नौनु दाऊद च।’

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

रोमियों 2:15

किलैकि वु अपणा अच्छा सभौ का द्‍वारा ही परमाण देन्दिन, कि नियम-कानून ऊंका मनों मा लिख्यां छिन। अर ऊंको मन भि ऊंका बारा मा गवै देन्दु, अर ऊंका विचार भि ऊंतैं कभि-कभि दोषी, अर कभि-कभि निरदोष ठेरौन्दिन,

रोमियों 2:25

अगर जु तुम यहूदी लोग नियम-कानून का मुताबिक चलद्‍यां, त खतना का रिवाज तैं पूरु करौण को फैदा च, पर अगर जु तुम नियम-कानून का मुताबिक नि चलद्‍यां त तुमरो खतना करौण को कुई फैदा नि च।

रोमियों 2:26

अर जु लोग यहूदी जाति का नि छिन अगर ऊ बिना खतना कर्यां नियम-कानून मा लिखी बातों को पालन करदिन, त ऊंकी गिनती ऊं लोगु का दगड़ा मा नि होलि जौं लोगु को खतना होयुं च?

रोमियों 3:30

हाँ, परमेस्वर एक ही च, अर जौं यहूदी लोगु न खतना का रिवाज तैं पूरु कैरी वु ऊंतैं ऊंका बिस्वास का द्‍वारा धरमी ठैरान्दु, अर जौं लोगु को खतना नि च होयुं वु ऊं लोगु तैं भि वु ऊंका बिस्वास का मुताबिक धरमी ठैरान्दु।

1 कुरिन्थि 7:19

किलैकि हरेक मनखि अब चै ऊंको बुलये जाण जिं भि दसा मा हो, पिता परमेस्वर न ऊंतैं इलै ही बुलै कि ऊ यीशु मसीह पर बिस्वास कैरा, अर वेका पिछनै चलि के आज्ञा को पालन कैरा।

इफिसुस 2:11

इलै हे मेरा भै-बैंणो, ईं बात तैं हमेसा याद रखा कि तुम लोग जनम से यहूदी जाति का नि छा। अर जौं यहूदी लोगु न खतना का रिवाज तैं अपणा सरील मा मनखियों का द्‍वारा पूरु करै, उई यहूदी लोग तुम खुणि बुल्दिन कि, “अरे यू त वु लोग छिन जौं को खतना नि च होयुं।”

2 तीमुथियुस 3:15

अर जब तू छुटो बच्‍चा छे, त तब बटि तू परमेस्वर का पवित्र वचन तैं जणदी औणी छैई। अर वु वचन ही त्वेतै समझौन्दिन, कि यीशु मसीह पर बिस्वास रखण से छुटकारु मिलदु।