रोमियों 2:23 - Garhwali

²³ तुम अपणा नियम-कानून का खातिर बड़ु मोन करद्‍यां, मगर ऊं ही नियम-कानून तैं नि माणी के परमेस्वर को अपमान भि करद्‍यां।

गढवली नयो नियम

²³ तुम तैं अफ मा पिता परमेश्वर की व्यवस्था को हूंणो को घमण्ड च, क्य पिता परमेश्वर कु वचन नि मांणी के, तुम वेको अनादर करदां?

रोमियों 2:23 Referans Kwoze

रोमियों 2:17

तुम लोग जु कि खुद तैं यहूदी जाति का बतौन्द्‍यां, अर अपणु भरोसा नियम-कानून पर रखद्‍यां। अर तुम बुल्द्‍यां की हमरु रिश्ता पिता परमेस्वर का दगड़ा मा च इलै तुम ईं बात पर बड़ु मोन करद्‍यां,

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

रोमियों 3:2

हे मेरा भै-बैंणो, या बात हरेक तरौं से भली च, किलैकि परमेस्वर को वचन सबसे पैलि यहूदी लोगु तैं ही दिये गै।

यूहन्ना 5:45

तुम इन नि समझा, कि मि पिता का समणि तुम पर दोष लगौलु। किलैकि तुम पर दोष लगौण वळु त मूसा च, अर वेका दियां नियम-कानूनों पर तुमुन बेकार मा अपणी आस लगईं च।

लूका 18:11

अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

रोमियों 3:27

अर या बात सच्‍च च, इलै बड़ु मोन करण को कुई फैदा नि च, कि हम त नियम-कानूनों का मुताबिक चलद्‍यां, किलैकि अब ईं बात से कुई फर्क नि पोड़दु कि हम नियम-कानून का मुताबिक चलद्‍यां कि ना, बल्किन मा फर्क त ईं बात से पोड़दु कि क्या हम बिस्वास करदा छां कि ना?