रोमियों 2:19 - Garhwali

¹⁹ अर खुद पर भरोसा करद्‍यां कि तुम अन्धों तैं बाटु दिखौण वळा छाँ, अर आत्मिक रुप से जु लोग अन्धेरा मा चलण छिन ऊं खुणि तुम उज्याळु छाँ।

गढवली नयो नियम

¹⁹ जु तू अफ पर भरोसो रखदि छै, कि तु इन ही छै जु अंधा लुखुं तैं परमेश्वर कु बट्टो दिखांण चयणु च, कि तुम ऊं लुखुं कु उज्यला का जन च जु अंधेरा मा छिनी।

रोमियों 2:19 Referans Kwoze

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

मत्ती 15:14

अरे, ऊंतैं जाण द्‍या। ऊ खुद त अन्धा छिन, अर दुसरो तैं बाटु बतौन्दिन। अगर एक अन्धु दुसरा अन्धा तैं बाटु दिखालु, त दुईया का दुई खडोळुन्द पोड़ि जाला।”

मत्ती 6:23

पर अगर जु खराब होला, त तेरु पूरु सरील भि अन्धेरा मा ही रालु, अर अगर जु त्वेमा उज्याळु च अर उ अन्धेरु ह्‍वे जौ, त उ अन्धेरु कथगा जादा खतरनाक होलु।”

मत्ती 5:14

अर ठिक उन्‍नि तुम ईं दुनियां का उज्याळा छाँ। अर जु नगर पाड़ पर बस्यूं हो, उ कभि छिपी नि सकदु।

फिलिप्पी 2:15

ताकि तुम हर बात मा निरदोष अर पवित्र बणि सैका, अर परमेस्वर की एक सच्‍चि औलाद का जन ह्‍वे जा, किलैकि तुम भ्रष्‍ट अर पापि लोगु का बीच मा रौन्द्‍यां, इलै तुमरो जीवन ऊंका बीच मा चमकणु रौ जन कि आसमान मा गैंणा चमकदिन।

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

लूका 1:79

ताकि जु कुई अन्धेरा अर मौत का छैल मा जीणा छिन, ऊंतैं उ उज्याळु द्‍यो, अर हमतै शान्ति का बाटा पर चललु।”

मरकुस 10:15

अर मि तुम बटि सच्‍चि बोन्‍नु छौं, कि परमेस्वर का राज मा वे ही मनखि न जै सकण, जु परमेस्वर का राज तैं एक छुटा बच्‍चा की तरौं स्वीकार करलु।”

मत्ती 4:16

जु लोग अन्धेरा मा अपणा जीवन को गुजर-बसर कना छिन, ऊ एक बड़ा उज्याळा तैं दिखला, अर जु लोग आत्मिक मौत का बाटा मा छिन, ऊं पर एक उज्याळु चमकी।”

रोमियों 2:18

मगर तुम वेकी मनसा का बारा मा जाणा, अर वेकी भली बातों तैं माणा, किलैकि तुमतै नियम-कानूनों की शिक्षा मिली च।

रोमियों 2:20

अर मूरख लोगु तैं सिखौण वळा, अर बच्‍चों तैं उपदेस देण वळा गुरु छाँ, अर तुम इन समझद्‍यां की तुम ज्ञान अर सच्‍चै खुणि एक खरु उदारण छाँ, तुम इन भि समझद्‍यां की नियम-कानून मा जु कुछ च, वु सब कुछ तुमतै ही मिल्यूं च।