रोमियों 2:17 - Garhwali

¹⁷ तुम लोग जु कि खुद तैं यहूदी जाति का बतौन्द्‍यां, अर अपणु भरोसा नियम-कानून पर रखद्‍यां। अर तुम बुल्द्‍यां की हमरु रिश्ता पिता परमेस्वर का दगड़ा मा च इलै तुम ईं बात पर बड़ु मोन करद्‍यां,

गढवली नयो नियम

¹⁷ जु तू खुद तैं यहूदी बुल्दी, अर पिता परमेश्वर की व्यवस्था मा भरोसो रखदि छै अर परमेश्वर का खास हूंणो कु घमण्ड करदी,

रोमियों 2:17 Referans Kwoze

रोमियों 2:23

तुम अपणा नियम-कानून का खातिर बड़ु मोन करद्‍यां, मगर ऊं ही नियम-कानून तैं नि माणी के परमेस्वर को अपमान भि करद्‍यां।

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

रोमियों 9:32

अर इन त इलै ह्‍वे, किलैकि ऊंन अपणा कामों का द्‍वारा खुद तैं पिता परमेस्वर की नजर मा धरमी साबित करण की कोसिस कैरी, अगर जु वु यीशु मसीह पर बिस्वास करदा, त पिता परमेस्वर ऊंतैं धरमी साबित कैरी देन्दु। मगर ऊंन यीशु मसीह पर बिस्वास नि कैरी, इलै यीशु ऊं लोगु खुणि वे ढुंगा का जन बणि गै जैकी वजै से अकसर लोगु तैं उतेडु़ लगि जान्दु।

यूहन्ना 5:45

तुम इन नि समझा, कि मि पिता का समणि तुम पर दोष लगौलु। किलैकि तुम पर दोष लगौण वळु त मूसा च, अर वेका दियां नियम-कानूनों पर तुमुन बेकार मा अपणी आस लगईं च।

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

दिब्य दरस 3:9

देख, जु शैतान का दल का छिन अर खुद तैं यहूदी बतौन्दिन पर छैई नि छिन, बल्किन मा झूठ्‍ठ बुल्दिन ऊंतैं मि तुमरा वश मा कैरी द्‍यूलु। अर सुण, मि ऊं लोगु तैं तुमरा पास लेके औलु अर ऊंतैं तुमरा समणि झुकै द्‍यूलु, अर यां से वु लोग जाणि जाला मि तुम से कथगा प्यार करदु।

दिब्य दरस 3:1

अर फिर यीशु न मिकू इन बोलि कि, “सरदीस नगर मा रौण वळा बिस्वासी समुदाय का दूत खुणि इन लिख कि: “यीशु जैका पास परमेस्वर की सात आत्मा छिन अर सात गैंणा भि उ इन बुल्दु कि: “मि तुमरा कामों तैं जणदु छौं अर लोगु की नजर मा तुम ज्यून्दा त छाँ मगर छाँ तुम मुरयां का जन।

इफिसुस 2:11

इलै हे मेरा भै-बैंणो, ईं बात तैं हमेसा याद रखा कि तुम लोग जनम से यहूदी जाति का नि छा। अर जौं यहूदी लोगु न खतना का रिवाज तैं अपणा सरील मा मनखियों का द्‍वारा पूरु करै, उई यहूदी लोग तुम खुणि बुल्दिन कि, “अरे यू त वु लोग छिन जौं को खतना नि च होयुं।”

गलातियों 2:15

“अर हम दुईया का दुई जनमजात यहूदी छां, अर एक बगत इन छौ जब हम ऊं लोगु तैं पापि मणदा छा, जु कि यहूदी जाति का नि छिन।

2 कुरिन्थि 11:22

क्या वु लोग ही इब्रानी छिन? अरे उ त मि भि छौं। अर क्या वु लोग इस्राएली छिन? नऽ रे ना मि भि एक इस्राएली छौं। अर क्या वु ही लोग पितर अब्राहम का वंश मदि छिन? अरे मि भि त पितर अब्राहम का वंश मदि छौं।

यूहन्ना 8:41

पर तुम त अपणा बुबा का जन काम करदा छाँ।” तब ऊं लोगु न वेकू बोलि, “हम गळत सम्बन्ध रखी के नि जनम्यां, पर हमरु त एक ही बुबा च, अर उ परमेस्वर च।”

यूहन्ना 8:33

पर ऊंन वेतैं जबाब देई, कि “हम त अब्राहम का वंश मदि छां, अर कभि भि कै का गुलाम नि रयां। त फिर तू कनकै बोन्‍नि, कि ‘तुम आजाद ह्‍वे जैल्या?’”

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

लूका 10:28

तब यीशु न वेकू बोलि, “तिन ठिक जबाब देई, तू इन्‍नि कनु रौ तब त्वेतै सदनि को जीवन मिललु।”

यूहन्ना 5:39

“तुम पवित्रशास्‍त्र को मनन करद्‍यां, किलैकि तुम लोग समझद्‍यां, कि ये मा तुमतै सदनि को जीवन मिलदु, पर यू ही शास्‍त्र मेरी गवै देन्दिन।

रोमियों 3:27

अर या बात सच्‍च च, इलै बड़ु मोन करण को कुई फैदा नि च, कि हम त नियम-कानूनों का मुताबिक चलद्‍यां, किलैकि अब ईं बात से कुई फर्क नि पोड़दु कि हम नियम-कानून का मुताबिक चलद्‍यां कि ना, बल्किन मा फर्क त ईं बात से पोड़दु कि क्या हम बिस्वास करदा छां कि ना?