रोमियों 2:11 - Garhwali

¹¹ किलैकि पिता परमेस्वर कै का दगड़ा मा भि पक्षपात नि करदु।

गढवली नयो नियम

¹¹ किलैकि “पिता परमेश्वर सभि लुखुं कु न्याय एक समान बरतौ से करदो।”

रोमियों 2:11 Referans Kwoze

खास चेलों 10:34

तब पतरस न बोलि, “अब मि सच्‍चि मा जाणि ग्यों, कि परमेस्वर कै का दगड़ा मा भि भेदभाव नि करदु,

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

कुलुसी 3:25

इलै सुणा, जु कुई बुरै करदु उ अपणी बुरै को बदला पालु, किलैकि प्रभु कै का दगड़ा मा भि भेदभाव नि करदु।

इफिसुस 6:9

अर हे मालिकों, अपणा-अपणा नौकरों को हक ऊंतैं द्‍या अर ऊंतैं डऽरै-धमकै के नि रखा, अर यू याद रखा कि स्वर्ग मा रौण वळु परमेस्वर तुम दुईयों को मालिक च, अर वु कै का दगड़ा मा भेदभाव नि करदु।

मत्ती 22:16

तब ऊंन अपणा चेला-चआँटों तैं राजा हेरोदेस का कुछ खास लोगु का दगड़ा यीशु का पास इन बुलणु कू भेजि, कि वेकू बुलयां, “गुरुजी, हम जणदा छां कि तुम सच्‍चा छाँ, अर सच्‍चै से परमेस्वर का बाटा का बारा मा सिखौन्द्‍यां। अर तुम कै से भि नि डऽरद्‍यां, अर ना ही तुम कै का दगड़ा मा पक्षपात कैरिके बात करद्‍यां।

लूका 20:21

तब जासूसों न यीशु कू बोलि, “गुरुजी, हम जणदा छां कि तुम बिल्कुल सही बुल्द्‍यां अर सिखौन्द्‍यां। अर ना ही कै का दगड़ा मा पक्षपात करद्‍यां, पर सच्‍चै से परमेस्वर का बाटा का बारा मा सिखौन्द्‍यां। पर हमतै एक बात बता कि,

1 पतरस 1:17

अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।

रोमियों 9:14

हे मेरा दगड़्यों, अब ये मामला मा हम क्या बोलि सकद्‍यां? क्या पिता परमेस्वर अन्यो करण वळु च? नऽ रे ना इन नि च।