रोमियों 16:5 - Garhwali

⁵ अर ऊंका घौर मा जमा होण वळा समुदाय का सब लोगु तैं भि मेरु सलाम। अर मेरा प्यारा भै इपैनितुस तैं भि मेरु सलाम, जु कि आसिया मुलक मा पैलु मनखि छौ जैन यीशु मसीह का पिछनै चलण शुरु कैरी।

गढवली नयो नियम

⁵ मेरा प्रिय इपैनितुस तैं मेरू प्रणाम, जु एशिया का प्रान्त बट्टी मसीह पर विश्वास कन वला पैलो आदिम च अर वीं मण्डलि तैं भि प्रणाम ज्वा ऊंका घौर मा कठ्ठा हूंद।

रोमियों 16:5 Referans Kwoze

कुलुसी 4:15

अर लौदीकिया का बिस्वासी भै-बैंणो तैं हमरु सलाम बुलयां, अर हमरि बैंण नुमफास का घौर मा इकट्‍ठा होण वळी समुदाय का लोगु खुणि भि सलाम बुलयां।

फिलेमोन 1:2

अर मि या चिठ्‍ठी हमरि बिस्वासी बैंण अफफिया, अर हमरा दगड़ा मा सिपै की तरौं काम करण वळा अरखिप्पुस भै खुणि भि लिखणु छौं। हे मेरा भै, या चिठ्‍ठी तुमरा घौर मा जमा होण वळा बिस्वासी समुदाय का लोगु खुणि भि च।

1 कुरिन्थि 16:19

अर इख आसिया मुलक का बिस्वासी लोग तुमकु सलाम बोन्‍ना छिन। अर अक्‍किला अर वेकी घरवळी प्रिस्का बैंण, अर ऊंका घौर मा इकट्‍ठा होण वळा बिस्वासी समुदाय का लोग भि तुमकु दिल से सलाम बुलणा छिन।

1 कुरिन्थि 16:15

हे मेरा दगड़्यों, तुम लोग स्तिफनास भै का घौर मा रौण वळा लोगु का बारा मा त जणदा छाँ, ऊ लोग अखया मुलक का पैला बिस्वासी लोग छिन। अर पिता परमेस्वर का लोगु की सेवा करणु खुणि वु हमेसा तयार रौनदिन।

मत्ती 18:20

किलैकि जख दुई या तीन लोग मेरा नौ से इकट्‍ठा होनदिन, उख मि ऊंका बीच मा होन्दु।”

दिब्य दरस 14:4

अर यू ऊ लोग छिन जु अणविवाक ही रैनी अर यों न खुद तैं जनानियों का दगड़ा मा अशुद्ध नि कैरी। किलैकि यीशु जु कि मेम्‍ना च अर जख-जख वु जान्दु यू वेका पिछनै-पिछनै चलदिन, इलै परमेस्वर की सेवा खुणि यों लोगु तैं धरती का सब लोगु मदि सबसे पैलि चुणी के खरीदे गै।

3 यूहन्ना 1:1

हे मेरा प्यारा भै गयुस, मि यूहन्‍ना जु कि एक अध्यक्ष छौं, मि या चिठ्‍ठी त्वे खुणि लिखणु छौं, त्वेसे मि सच्‍चु प्यार करदु।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

2 कुरिन्थि 9:2

किलैकि मि जणदु छौं, कि तुम मदद करण खुणि तयार छाँ। अर मि मकिदुनिया नगर का बिस्वासी भै-बैंणो तैं बड़ा मोन कैरिके बतौणु छौं, कि अखया मुलक का बिस्वासी लोग पिछलै एक साल बटि मदद करणु खुणि तयार बैठयां छिन। अर तुमरा ये जोस न ऊंका भितर खुशी पैदा कैरियाली।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

रोमियों 16:12

अर त्रूफैना अर त्रूफोसा बैंणो तैं भि मेरु सलाम, वु दुई बैंण प्रभु यीशु खुणि भौत मेनत करदिन। अर मेरी प्यारी बैंण पिरसिस तैं भि मेरु सलाम जिं न प्रभु खुणि भौत मेनत कैरी।

रोमियों 16:8

अर मेरा प्यारा भै अम्पलियातुस तैं भि मेरु सलाम, जु कि प्रभु यीशु मसीह पर बिस्वास करण की वजै से मेरु दगड़्या च।

रोमियों 15:26

किलैकि मकिदुनिया अर अखया मुलक का बिस्वासी लोगु न चन्दा इकट्‍ठा कर्युं च, अर या बात ऊंतैं अच्छी लगि कि ऊ यरूशलेम नगर का बिस्वासी लोगु मा बटि जु लोग गरीब छिन ऊंकी मदद कैरा।

रोमियों 11:16

अर अब मि तुमतै उदारण देके बतौन्दु, कि जब फसल को पैलु हिस्सा परमेस्वर तैं अरपण मा चड़ये जान्दु, त पूरि फसल पवित्र ठैरैईं जान्दी। ठिक उन्‍नि कै डाळा का जलुड़ा पवित्र छिन, त पूरु डाळु पवित्र ठैरि जान्दु।

खास चेलों 18:27

अर अप्पुलोस की मनसा छै कि वु समुन्दर का दुसरा छाला अखया मुलक मा जौ। इलै बिस्वासी भै-बैंणो न वेको हौसला बढै, अर अखया का बिस्वासी भै-बैंणो कू चिठ्‍ठी लिखी के बतै कि वेको स्वागत बड़ा प्यार से किये जौ। अर जब अप्पुलोस इख पौंछी, त इख पौंछण पर अखया का जौं लोगु न प्रभु की बड़ी किरपा की वजै से बिस्वास कैरी छौ, वेन ऊं बिस्वासी लोगु की भौत मदद कैरी।

खास चेलों 18:12

अर जौं दिनों मा अखया मुलक को गवर्नर गल्‍लियो छौ, ये बगत यहूदी लोग एक मन ह्‍वेके पौलुस का खिलाप मा खड़ा ह्‍वे गैनी, अर वेतैं पकड़ी के न्याय आसन का समणि लि गैनी।

खास चेलों 2:9

जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

रोमियों 16:4

अर यू त वु लोग छिन जौन मेरा पराण तैं बचौण खुणि अपणी जान तैं खतरा मा डालि दिनी। इलै मि ऊंको धन्यवाद करदु अर मि ही ना, बल्किन मा मेरा दगड़ा-दगड़ि जु लोग यहूदी जाति का नि छिन बिस्वासी समुदाय का वु लोग भि ऊंको धन्यवाद करदिन।

रोमियों 16:6

मरियम बैंण जिं न तुम लोगु खुणि भौत मेनत कैरी, वीं खुणि भि मेरु सलाम बुलयां।