रोमियों 15:5 - Garhwali

⁵ अर कै मनखि को सबर रखण अर वेतैं हौसला मिलण यू सब पिता परमेस्वर की तरफा बटि ही औन्दु। अर मि इन प्रार्थना करदु, कि तुम सभ्या का सभि यीशु मसीह का मुताबिक अपणा आपस मा एक मन ह्‍वेके रा, अर या ही वेकी इच्छा च।

गढवली नयो नियम

⁵ मि प्रार्थना करदु छों, कि धीरज अर हिम्मत कु पिता परमेश्वर तुम तैं मसीह यीशु कु अनुसरण कैरी के एक-दुसरा का दगड़ी शान्ति बट्टी रौंण मा मदद कैरो।

रोमियों 15:5 Referans Kwoze

1 पतरस 3:8

कुछ और भि बात छिन जु कि मि तुम सभ्यों तैं बतौण चाणु छौं, तुम सभ्या का सभि एक मन ह्‍वेके रा, अर नेक दिल बणा, एक-दुसरा का दगड़ा मा प्यार से रा, अर एक-दुसरा पर दया कैरा, अर दीन सभौ को बणा।

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

2 कुरिन्थि 13:11

हे मेरा भै-बैंणो, अब मि आखिरी मा तुमकु इन बोन्‍न चान्दु कि तुम खुश रा, अर अपणा-अपणा चाल-चलन मा हरेक दिन सुधार ला, अर जु-जु काम करणु कू मिन तुमकु बोलि ऊंतैं पूरु कैरा। अर एक-दुसरे की बात तैं स्वीकार कैरा अर एकजुट ह्‍वेके रा, अर एक-दुसरा का दगड़ा मा शान्ति से रा। अर पिता परमेस्वर तुमतै एक-दुसरा का दगड़ा प्यार करण मा, अर शान्ति से जीवन जीण मा पूरि मदद करलु।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

फिलिप्पी 4:2

अर मि यूओदिया अर सुन्तुखे दुई बैंणो बटि इन बिन्ती करदु कि तुम दुई प्रभु मा एक जन सोच-विचार बणै के रखा।

फिलिप्पी 2:2

इलै मि भि इन चान्दु कि तुम एक-दुसरा से और भि जादा प्यार करा। अर एक मन ह्‍वेके रा, अर इन सोच रखा कि तुम सभ्या का सभि एक जन ही छाँ, अर अगर जु तुम इन करिल्या त यां से मितैं बड़ु आनन्द मिललु।

फिलिप्पी 1:27

बस ईं बात को ध्यान रखा कि तुमरो चाल-चलन यीशु मसीह का शुभ समाचार का मुताबिक हो। अर अब चै मि तुम बटि ऐके मिलु या तुम से दूर रौ, मि तुमरा बारा मा बस इन्‍नि सुनण चान्दु कि तुम सभ्या का सभि एक ही दिल-दिमाग का ह्‍वे ग्यां। अर एक मन ह्‍वेके शुभ समाचार पर रख्यां बिस्वास तैं और जादा मजबूत करणु खुणि कड़ी मेनत कना छाँ।

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।

फिलिप्पी 3:16

इलै आज हम जख तक पौंछी ग्यां, वेका मुताबिक अगनै भि चलण रौला।

खास चेलों 4:32

अर बिस्वास करण वळा सब लोग एक दिल अर एक मन ह्‍वेके रौन्दा छा। इख तक कि ऊंमा बटि कुई भि अपणी जैजाद तैं अपणु नि बुल्दु छौ, अर वु अपणी सब चीजों को आर-सार एक-दुसरा का दगड़ा मा करदा छा।

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।

रोमियों 15:3

किलैकि यीशु मसीह न जु कुछ भि कैरी, वु सब कुछ खुद तैं खुश करणु खुणि नि कैरी बल्किन मा परमेस्वर की मनसा तैं पूरु करणु खुणि सबर रखी के सब कुछ सै, जन कि भजन संहिता मा लिख्यूं च कि, “हे परमेस्वर, लोगु न तुमरो अपमान कैरी मगर ऊंन तुमरो ना, बल्किन मा मेरु अपमान कैरी।”

1 पतरस 3:20

अर जै बगत पितर नूह, पिता परमेस्वर का बुलण का मुताबिक जाज बणौणु छौ, वे बगत का लोगु न परमेस्वर की आज्ञा को पालन नि कैरी, अर पिता परमेस्वर सबर रखी के इन इंतजार कनु छौ, कि ऊ अपणा चाल-चलन मा बदळौ लेके आला, मगर इन नि ह्‍वे। तब पिता परमेस्वर न जल परलय कैरी, अर वे बगत मा कुछ ही लोग जाज मा बैठि के बचयै गैनी, अर ऊं मनखियों की गिनती आठ छै।

2 कुरिन्थि 7:6

मगर परेसान होयां लोगु तैं दिलासा देण वळु परमेस्वर च। अर वेन ठिक बगत पर तीतुस भै तैं हमरा पास भेजि, अर वेका द्‍वारा हमतै दिलासा दिये गै।