रोमियों 15:18 - Garhwali

¹⁸ पर यू सब कुछ मिन अपणी ताकत से नि कैरी, किलैकि यू सब कुछ करण वळु त पिता परमेस्वर च। मेरु त बस यू ही काम च कि मि जाति-जाति का लोगु का बीच मा जौं, अर ऊंतैं पिता परमेस्वर को वचन बतै के वेका पास लेके औंऽऽ।

गढवली नयो नियम

¹⁸ किलैकि मसीह ल मेरा द्वारा जु कैरी च मि यु बुल्ण कु साहसी छों, मि अन्यजाति लुखुं तैं पिता परमेश्वर कि आज्ञा को पालन करवांण मा अर कन मा लैक छों। जब ऊंल मेरा शब्दों तैं सूंणि अर मेरा कामों तैं देखि, त ऊंल यीशु मसीह पर भरोसो कैरी।

रोमियों 15:18 Referans Kwoze

खास चेलों 15:12

अर फिर सभा का सब लोग चुपचाप ह्‍वेके बरनबास अर पौलुस की गवै तैं सुनण लगि गैनी, कि परमेस्वर न कनकै दुसरि जाति का लोगु का बीच मा ऊंका द्‍वारा बड़ा-बड़ा काम अर चमत्कार करिनी।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

खास चेलों 21:19

तब पौलुस न ऊंतैं सलाम बोलि, अर ऊं सब कामों का बारा मा बतै, जु परमेस्वर न वेका द्‍वारा ऊं लोगु का बीच मा करिनी जु यहूदी जाति का नि छा।

गलातियों 2:8

(किलैकि जै परमेस्वर न पतरस भै तैं खास चेला का रुप मा काम करण की ताकत दिनी, वेन ही मितैं भि ऊं लोगु का बीच मा काम करण की ताकत दिनी, जु यहूदी जाति का नि छिन)।

2 थिस्सलुनीकी 2:17

अर हम तुम खुणि प्रार्थना करद्‍यां, कि प्रभु यीशु मसीह अर पिता परमेस्वर तुमतै हिम्मत द्‍यो, ताकि तुम हमेसा अच्छु बोला और अच्छा काम कैरी सैका।

यहूदा 1:9

मगर जब मूसा रैबर्या की लांश का बारा मा परधान स्वर्गदूत मीकाईल की शैतान का दगड़ा मा बहसबाजी ह्‍वे, त मीकाईल स्वर्गदूत न इळजाम लगै के शैतान की बेजती नि कैरी, वेन त बस इथगा बोलि कि, “प्रभु ही त्वेतै झिडकु।”

1 यूहन्ना 3:18

हे मेरा प्यारा बच्‍चों, हम केवल अपणा गिच्‍चळ ही इन नि बोला कि हम तुम से प्यार करद्‍यां, बल्किन मा हमतै अपणा कामों का द्‍वारा ईं बात तैं सच्‍चै से कैरिके दिखाण भि चयेणी।

याकूब 1:22

अर तुम परमेस्वर का वचन तैं केवल सुनण वळा ही ना, बल्किन मा वेतैं सुणी के वेको पालन करण वळा भि बणा। किलैकि जु वचन तैं सुणी के वेको पालन नि करदु, उ खुद तैं धोखा देणु च।

इब्रानी 11:8

अर बिस्वास का द्‍वारा ही पितर अब्राहम तैं जब परमेस्वर का द्‍वारा बुलये गै, त वु आज्ञा माणी के वीं जगा कू निकळि, जिं जगा को वु हकदार होण वळु छौ। हालांकि वु नि जणदु छौ कि वु कख जाणु मगर फिर भि वु चलि गै।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

2 कुरिन्थि 12:6

उन त मि बड़ु मोन कैरी सकदु छौं अर मितैं मूरख भि नि समझै जालु किलैकि मि सच्‍च बुल्दु, मगर मि खुद तैं बड़ु मोन करण से रुकदु छौं, किलैकि मि चान्दु कि जु कुछ भि मेरा दगड़ा मा ह्‍वे वेकी वजै से लोग मितैं महान नि समझा, मगर मि त बस इथगा ही चान्दु कि लोग मेरा बारा मा वेका मुताबिक ही जाणा अर समझा, जु कुछ भि बुल्दु अर करदु छौं।

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

रोमियों 6:17

पर पिता परमेस्वर को धन्यवाद हो कि एक बगत छौ, जब तुम लोग पाप का गुलाम छा, तभि भि तुमुन शुभ समाचार की शिक्षा को पूरु पालन कैरी ज्वा की तुमतै सिखये गै।

खास चेलों 26:20

मिन पैलि दमिश्क नगर मा, अर फिर यरूशलेम नगर मा जैके परचार कैरी। अर येका बाद मि यहूदिया का पूरा मुलक मा, अर ऊं लोगु का बीच मा जैके परचार कनु रौं जु यहूदी जाति का नि छिन। ताकि वु सब अपणा-अपणा पापों से पस्ताप कैरिके परमेस्वर की तरफा ऐ जा, अर इन काम कैरा ज्यां से इन पता चलि जौ, कि ऊंन अपणा-अपणा पापों से पस्ताप कैरियाली।

खास चेलों 15:4

अर जब ऊ यरूशलेम नगर मा पौंछिनी, त बिस्वासी समुदाय का लोगु न, यीशु का खास चेलों न अर अध्यक्षों न ऊंको स्वागत कैरी। तब पौलुस अर बरनबास न यों लोगु तैं बतै, कि परमेस्वर न ऊंका द्‍वारा लोगु का बीच मा कथगा बड़ा-बड़ा काम करिनी।

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

मरकुस 16:20

अर चेलों न उख बटि निकळि के हरेक जगा जैके परचार कैरी। अर प्रभु भि ऊंका दगड़ा-दगड़ि काम कनु रै। अर ऊंका द्‍वारा जु चिन्‍न-चमत्कार का काम होणा छा, वेका द्‍वारा वेन इन साबित कैरी, कि जै वचन को परचार ऊ कना छिन उ वचन सच्‍चु च।]

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

2 कुरिन्थि 3:5

अर मि इन नि बोन्‍नु छौं कि यू सब कुछ हम अपणी ताकत से करद्‍यां, बल्किन मा यू त पिता परमेस्वर ही च जु की हमतै ताकत देन्दु कि हम यू काम कैरी सैका।

मत्ती 25:16

“अर जै नौकर तैं पांच हजार सिक्‍का मिली छा, वेन तुरन्त जैके ऊं सिक्‍कों से लेण-देण कैरी, अर पांच हजार सिक्‍का और कमै दिनी।