रोमियों 14:22 - Garhwali

²² अर ईं बात का बारा मा अब जु कुछ भि तुम लोग मणद्‍यां, वेतैं अपणा अर पिता परमेस्वर का बीच मा ही रखा। अर धन्य च वु मनखि जौं को मन ऊंतैं दोषी साबित नि करदु, जब कि उ मनखि उई काम करदु जु कि वेतैं अच्छा लगदिन।

गढवली नयो नियम

²² तेरु जु विश्वास च, उ तेरु अर तेरु परमेश्वर का बिचै की बात च; धन्य च उ, जु वीं बात मा, जै तैं उ ठिक समझदु हो, अपड़ा आप तैं भंगारी नि ठैरौंद।

रोमियों 14:22 Referans Kwoze

1 यूहन्ना 3:21

हे मेरा प्यारा दगड़्यों, अगर हमरु जमीर हमतै गळत साबित नि करदु, त फिर हमतै पिता परमेस्वर का समणि हिम्मत होलि।

रोमियों 14:5

कुछ लोग इन मणदिन कि कुई एक दिन कै दुसरा दिन से जादा खास च, अर कुछ लोग इन मणदिन कि हरेक दिन एक ही जन छिन। मेरा दगड़्यों, तुम सब लोग अपणा-अपणा मनों मा ईं बात तैं ठाणि के रखी ल्या,

याकूब 3:13

तुम मा बटि ज्ञानी अर समझदार कु च? अर अगर कुई छैई च, त उ अपणा अच्छा चाल-चलन अर ज्ञान से भलु बणु अर अपणु काम पूरु कैरिके दिखौ।

गलातियों 6:1

हे मेरा बिस्वासी भै-बैंणो, अगर तुम लोगु मा बटि कुई मनखि पाप करद पकड़ै जान्दु, त तुम जु पवित्र आत्मा का मुताबिक चलद्‍यां, तुम वे मनखि तैं बड़ा प्यार से सच्‍चै का बाटा पर वापिस लौण की पूरि कोसिस कैरा। अर अपणु भि ध्यान रखा कखि तुम लोग भि वे ही पाप मा नि फंसी जा।

रोमियों 14:23

पर जु मनखि सक कैरिके खाणुक तैं खै देन्दु त उ दोषी ठैरि जान्दु, किलैकि वेन इन बिस्वास नि कैरी कि यू सही च। अर मनखि जै काम तैं बिना बिस्वास का करदु, उई त पाप च।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

रोमियों 14:14

अर मि प्रभु यीशु का बार मा जणदु छौं, अर वेसे जु बिस्वास मितैं मिलदु वां से इन साबित ह्‍वे जान्दु, कि कुछ खाण से कुई भि चीज मितैं अशुद्ध नि करदी। मगर कुछ लोग इन सोचदिन, कि ऊंका कुछ खाणुक खाण से वु अशुद्ध होणा छिन, त ऊं खुणि वु खाणुक अशुद्ध च।

रोमियों 14:2

किलैकि कुई मनखि इन बिस्वास करदु कि सब कुछ खाण चयेणु, अर यां मा कुई बुरी बात नि च, मगर जु मनखि बिस्वास मा कमजोर च, वेको मनण इन च कि हमतै केवल सागपात ही खाण चयेणु।

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

रोमियों 7:24

मेरु त जोग ही खराब च, अब कु जि मितैं छुटकारा द्‍यालु? किलैकि पाप मितैं मौत की तरफा लेके जनदिन।

रोमियों 7:15

इलै कई बार मि गळत कामों तैं कैरी देन्दु, अर मितैं येका बारा मा पता नि च कि ऊ मिसे कनकै ह्‍वे जनदिन, किलैकि भलै का जु काम मि कन चान्दु उ मिसे नि होनदिन, पर जौं कामों से मितैं नफरत च वु काम मिसे ह्‍वे जनदिन।

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

1 कुरिन्थि 8:7

पर फिर भि यू ज्ञान सब लोगु का पास नि च, किलैकि कुछ लोगु का बिंगण मा त अभि तक नि ऐ कि मूरतों मा कुई भि ताकत नि होन्दी। अर इन्द्रया लोग पैलि त मूरतों की पूजा करदा छा, अर ऊंका अगनै चड़ईं चीजों तैं खान्दा छा। अर अब जब वु लोग खाणुक खनदिन, त इन सोचदिन कि कखि यू मूरतों का अगनै चड़यूं खाणुक त नि च। तब ऊंको जमीर कमजोर होण की वजै से ऊंतैं दोषी ठैरान्दु, अर ऊ लोग इन बुल्दिन कि, “अरे, हम पाप कना छां।”