रोमियों 14:21 - Garhwali

²¹ तुम खुणि भली बात त या ही च, कि नऽ त तुम मांस खा, अर ना ही तुम दारु प्या, अर ना कुई इन्द्रयो काम कैरा ज्यां से की कुई दुसरो बिस्वासी भै या बैंण पाप करण लगि जौ।

गढवली नयो नियम

²¹ भलो त यु च, की तु न मांस खा अर न दाखमधु पी अर न कुछ इन कैर ज्यां बट्टी तेरु विश्वासी भैय पाप कैरो।

रोमियों 14:21 Referans Kwoze

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

रोमियों 14:13

इलै अब से एक-दुसरा की गळती निकळण छोड़ि द्‍या, अर ना ही हमतै कुई इन्द्रयो फैसला लेण चयेणु, ज्यां से कि कै बिस्वासी भै या बैंण तैं अपणा जीवन मा उतेडु़ लगु या उ पाप मा पोड़ि जौ।

मत्ती 16:23

पर यीशु न पतरस जनै मुड़ि के बोलि, “हे शैतान, मेरा समणि बटि दूर ह्‍वे जा। पतरस मि खुणि उतेडु़ किलै बणणी छैई, तू परमेस्वर की बातों पर मन नि लगौन्दिन, बल्किन मा तेरु मन मनखियों की बातों पर लग्यूं रौन्दु।”

दिब्य दरस 2:14

“मगर फिर भि तुमरा खिलाप मा बुलणु खुणि मि मा कुछ ही बात छिन कि तुमरा बीच मा कुछ लोग इन्द्रया छिन जु कि बिलाम की शिक्षा तैं मणदिन, हाँ, बिलाम जैन राजा बालक तैं सिखै छौ कि कुछ इन कैर, ज्यां से कि इस्राएली लोग मूरतों का अगनै अरपण मा चड़ईं चीजों तैं खा, अर ऊं खुणि इन जाल बिछौ कि ऊंका नौना सरील का गळत सम्बन्ध तैं ही पूरु करण पर लग्यां रा।

इब्रानी 12:13

जन कि पवित्रशास्‍त्र मा भि लिख्यूं च कि, “ठिक बाटा पर चला” तब जु लोग तुमरा पिछनै चलदा छिन, याने कि जु लोग बिस्वास मा कमजोर अपंग मनखि का जन छिन, वु पिछनै नि हटला, बल्किन मा बिस्वास मा मजबूत ह्‍वे जाला।

फिलिप्पी 1:10

ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

रोमियों 14:17

किलैकि पिता परमेस्वर का राज को मतलब खाण-पीण नि च, बल्किन मा वेकी नजर मा धरमी जीवन जीण से च। अर वेकी पवित्र आत्मा का द्‍वारा भलै करण, शान्ति से रौण, अर बड़ी खुशी से अपणु जीवन जीण से च।

मत्ती 13:21

मगर ऊ अपणा भितर वचन की जड़ तैं जमण नि देन्दिन, अर वु वचन भि वेमा कुछ बगत तक ही रौन्दु। इलै वचन की वजै से जब कुई भि दुख-तकलीफ या सतौ ऊंका जीवन मा औन्दिन, तब वु लोग तुरन्त बिस्वास करण छोड़ि देन्दिन।

1 कुरिन्थि 8:9

अर भले ही तुम कुई भि चीज खन्द्‍यां, पर ईं बात को ध्यान रखा, कि तुमरि वजै से कुई दुसरो बिस्वास भै या बैंण अपणा बिस्वास मा डगमगै नि जौ। अर इन इलै होलु किलैकि उ भै या बैंण बिस्वास मा मजबूत नि च।