रोमियों 13:2 - Garhwali

² इलै जु कुई भि अधिकारी लोगु को विरोध करदु, उ पिता परमेस्वर का नियम-कानून को विरोध करदु, अर विरोध करण वळा लोग दण्ड तैं जरुर पाला।

गढवली नयो नियम

² इलै जु कुई इन लुखुं कु विरोध करदो, जौं मा शासन कनु कु अधिकार च, उ परमेश्वर की विधियों कु विरोध करदो, अर विरोध कन वला दण्ड पाला।

रोमियों 13:2 Referans Kwoze

1 पतरस 2:13

हे मेरा दगड़्यों, तुम लोग प्रभु का वास्ता ऊं अधिकारीयों का अधीन मा रा जौं तैं मनखियों न ठैरै, जन कि राजा का किलैकि वेको अधिकार सभ्यों पर च।

तीतुस 3:1

अर तीतुस, ऊं लोगु तैं इन भि याद दिलौ, कि ऊ राजा अर अधिकारी लोगु का अधीन मा रा, अर ऊंकी आज्ञा को पालन कैरा। अर हरेक भला काम करणु खुणि तयार रा।

याकूब 3:1

हे मेरा भै-बैंणो, तुम मा बटि भौत लोग उपदेस देण वळा नि बणा। किलैकि तुम जणदा छाँ, कि हम उपदेस देण वळो को न्याय दुसरो से भि जादा सख्‍तै से होण।

रोमियों 13:5

अर अधिकारी लोग कखि कुई दण्ड नि दे द्‍या, ईं डौऽर की वजै से ऊंका अधीन मा नि रौण, बल्किन मा ऊंका अधीन मा इलै रौण किलैकि हमरु जमीर भि ईं बात की गवै देन्दु कि हमतै ऊंका अधीन मा रौण चयेणु।

मरकुस 12:40

अर यू विधवाओं का घौर पर कब्जा कैरी देन्दिन, अर लोगु तैं दिखाणु खुणि भौत देर तक प्रार्थना कना रौनदिन, पर ऊंतैं भौत कड़क सजा मिलण।”

लूका 20:47

मगर मि तुमतै बतै देन्दु, कि यू विधवाओं का घौर पर कब्जा कैरी देन्दिन, अर लोगु तैं दिखाणु खुणि भौत देर तक प्रार्थना कना रौनदिन। पर यों तैं भौत कड़क सजा मिलण।”

मत्ती 23:13

तब यीशु न ऊंकू बोलि, “हे शास्‍त्री अर फरीसी दल का लोगु, तुम बड़ा ढोंगि छाँ अर तुम पर हाय च, किलैकि तुम दुसरा लोगु खुणि परमेस्वर का राज को द्‍वार बन्द कना छाँ, अर नऽ त तुम खुद वेमा जाणा छाँ, अर ना ही ऊंतैं जाण देणा छाँ जु कि वेमा जाण का हकदार छिन।

रोमियों 9:19

अब तुम मा बटि कुछ लोग इन छिन जु कि मि बटि पूछला कि, “त फिर पिता परमेस्वर हमरा भितर कमी किलै खुज्यान्दु? अर कु च उ, जु कि वेकी मनसा का खिलाप मा लड़ी सकदु?”

रोमियों 13:1

दगड़्यों, हरेक मनखि अपणा अधिकारीयों का अधीन मा रौ, किलैकि पिता परमेस्वर की इजाजत का द्‍वारा ही मनखियों तैं अधिकार दिये जनदिन। अर आज भि जु अधिकारी लोग छिन वु भि पिता परमेस्वर का द्‍वारा ही ठैरैये गैनी।

रोमियों 13:3

अर जु लोग सही छिन ऊंतैं अधिकारी लोगु से डऽरण की जरुरत नि च, बल्किन मा अधिकारी लोगु से त वु लोग डऽरदिन जु की गळत काम करदिन। अर अगर जु तुम लोग भि बिन डऽरयां रौण चाणा छाँ, त सिरफ उई काम कैरा जु कि अच्छा छिन, ताकि ऊंका द्‍वारा तुमरि तारीफ हो।