रोमियों 13:12 - Garhwali

¹² अर जन रात खतम ह्‍वे जाण का बाद एक नयू दिन औन्दु, ठिक उन्‍नि मसीह को औण भि भौत नजदीक च। इलै अन्धेरा मा होण वळा बुरै का कामों तैं छोड़ि द्‍या, अर पिता परमेस्वर का उज्याळा मा चला, अर वेसे मिलण वळी हिम्मत तैं एक हथियार की तरौं इस्तेमाल कैरिके बुरै पर जीत हासिल कैरा।

गढवली नयो नियम

¹² ईं बुरी दुनिया मा रौंणो को अब हमारो बगत खत्म हवे गै एक रात का जन जु लगभग खत्म हवे गै, अर उ बगत भि नजीक च जब मसीह वापिस आलो; इलै हम तैं ऊं कामों तैं कन बंद कैरी दींण चयणु च जु अंधकार बट्टी जुड़यूं च; अर हम तैं ऊं हथियारों तैं इस्तेमाल कन चयणु च जौं तैं उज्यला मा इस्तेमाल किये जांद।

रोमियों 13:12 Referans Kwoze

इफिसुस 5:11

हे मेरा भै-बैंणो, ऊं लोगु का कामों की नकल नि कैरा जु अन्धेरा मा छिन, किलैकि अन्धेरा मा किये जाण वळा काम अच्छे का नि छिन, बल्किन मा वु त बुरै का छिन इलै तुम ऊं कामों की पोल खोली द्‍या।

2 कुरिन्थि 6:7

अर सच्‍चै का ये वचन तैं हम परमेस्वर की ताकत से लोगु तैं सुणौन्द्‍यां। अर परमेस्वर की नजर मा धरमी जीवन जीणु खुणि हम दुई हाथोंळ भलै का काम कना रौन्द्‍यां।

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

इफिसुस 4:22

इलै अपणा-अपणा जीवन का वे पुरणा बुरा चाल-चलन तैं छोड़ि द्‍या, जु कि भरमौण वळी इच्छाओं तैं रखदु, अर अपणा बुरा सभौ का मुताबिक बिस्वासी लोगु तैं भ्रष्‍ट कैरी देन्दु।

रोमियों 13:14

बल्किन मा प्रभु यीशु मसीह का सभौ तैं अपणा जीवन मा पूरि तरौं से ले ल्या, अर अपणा सरील की पापि इच्छाओं तैं पूरु करण बन्द कैरी द्‍या।

दिब्य दरस 22:10

तब वेन मिकू बोलि, “ईं किताब मा लिखीं भविष्यबाणी की बातों तैं नि छिपौ, किलैकि ऊंको पूरु होण को बगत नजदीक ऐ गै।

1 पतरस 2:1

इलै हे मेरा भै-बैंणो, अपणा जीवनों मा बटि हरेक किसम कि बुरै, छल-कपट अर ढोंग तैं, अर एक-दुसरा बटि जलन रखण अर दुसरो तैं बदनाम करण छोड़ि द्‍या।

दिब्य दरस 1:3

धन्य च उ जु ईं भविष्यबाणी का वचनों तैं पढदु, अर धन्य छिन वु लोग भि जु यों वचनों तैं सुणदिन, अर या मा लिखीं बातों को पालन करदिन, किलैकि यू सब बात पूरि होण वळी छिन।

1 कुरिन्थि 7:29

हे मेरा भै-बैंणो, मि तुमतै इन बतौण चाणु छौं कि अब बगत भौत कम च, इलै जौं को ब्यौ होयुं च ऊंतैं अपणु पूरु ध्यान अपणी जनानि और बाल-बच्‍चों पर ना, बल्किन मा परमेस्वर की सेवा मा लगौण चयेणु।

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

इफिसुस 5:8

अर या बात मि तुमकु इलै बोन्‍नु छौं, किलैकि पैलि तुम अन्धेरा मा छा, पर अब प्रभु यीशु का दगड़ा मा एक होण की वजै से तुम मा भि उज्याळु ऐ गै। इलै हे मेरा दगड़्यों, उज्याळे की औलाद होण की वजै से अपणा जीवन को गुजर-बसर उज्याळा मा कैरा।

इब्रानी 10:25

अर एक-दुसरा का दगड़ा बिस्वासी समुदाय मा औण-जाण की संगती तैं नि छोड़ा, किलैकि तुम मा बटि कुछ लोग इन कना छिन, पर तुमतै एक-दुसरे की हिम्मत बढौण चयेणी। अर या बात मि इलै बोन्‍नु छौं किलैकि तुम जणदा छाँ कि प्रभु को वापस औण को दिन नजदीक ऐ गै, इलै इन करण मा लग्यां रा।

इब्रानी 12:1

हे मेरा भै-बैंणो, हम इन्द्रया ही भौत सा लोगु का बारा मा जणदा छां, जु कि बिस्वास का बारा मा हमतै हौसला देन्दा छिन। इलै अब हम पक्‍कु बिस्वास बणै के रखा, ठिक उन्‍नि जन एक खिलाड़ी अपणा बाटा मा औण वळी रुकावट तैं दूर करदु, ठिक इन्‍नि हम भि सब पापों तैं छोड़ि द्‍या अर सबर रखी के हरेक किसम की परेसानी तैं झेली के परमेस्वर का पिछनै चलण वळा बणा।

याकूब 5:8

ठिक उन्‍नि तुम भि सबर रखा। अर अपणा मनों तैं मजबूत कैरा, किलैकि प्रभु को औण वळु दिन नजदीक ही च।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

2 पतरस 3:9

अर प्रभु अपणा करार तैं पूरु करण मा कभि देर नि करदु, जन कि कुछ लोग समझदिन बल्किन मा वु त हमरा खातिर सबर रखदु, किलैकि परमेस्वर कै भि मनखि तैं नास होन्द देखि नि सकदु। पिता परमेस्वर त इन चान्दु, कि हरेक मनखि तैं पापों बटि पस्ताप करण को मौका मिलण चयेणु।

2 पतरस 3:11

अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।

1 यूहन्ना 2:18

हे मेरा बच्‍चों, यू त आखिरी को बगत च अर जन कि तुमुन सुण्यालि कि यीशु मसीह को विरोध करण वळु औण वळु च, अर अगर ईं बात का मुताबिक दिखै जौ त भौत सा लोग इन ऐ गैनी, जु कि यीशु मसीह को विरोध करदिन। अर यां से हमतै इन पता चलदु कि यू आखिरी को बगत च।