रोमियों 13:1 - Garhwali

¹ दगड़्यों, हरेक मनखि अपणा अधिकारीयों का अधीन मा रौ, किलैकि पिता परमेस्वर की इजाजत का द्‍वारा ही मनखियों तैं अधिकार दिये जनदिन। अर आज भि जु अधिकारी लोग छिन वु भि पिता परमेस्वर का द्‍वारा ही ठैरैये गैनी।

गढवली नयो नियम

¹ हरेक मनिख शासन कन वला अधिकारियों का अधीन रौ; किलैकि सैरा अधिकार पिता परमेश्वर का तरपां बट्टी छिनी, जु परमेश्वर का तरपां बट्टी नि हो; अर जु अधिकार च, उ परमेश्वर का द्वारा ही ठैरयां छिनी।

रोमियों 13:1 Referans Kwoze

तीतुस 3:1

अर तीतुस, ऊं लोगु तैं इन भि याद दिलौ, कि ऊ राजा अर अधिकारी लोगु का अधीन मा रा, अर ऊंकी आज्ञा को पालन कैरा। अर हरेक भला काम करणु खुणि तयार रा।

यूहन्ना 19:11

तब यीशु न जबाब देई, “अगर तुमतै परमेस्वर की तरफा बटि यू अधिकार नि दिये जान्दु, त तुमरो मि पर कुई भि अधिकार नि होन्दु। इलै जैन मितैं तुमरा सुपुर्द कैरी, वेको पाप और भि जादा बड़ु च।”

यहूदा 1:8

अर ठिक उन्‍नि यू झूठ्‍ठा लोग भि छिन, जु कि बिस्वासी लोगु का दगड़ा मा मिली गैनी, अर अपणा सुपन्यों का पिछनै भागी के अपणा सरील तैं पाप का द्‍वारा अशुद्ध कना छिन। अर यू लोग पिता परमेस्वर का द्‍वारा मिल्यां अधिकार तैं नकारी देन्दिन, इख तक कि स्वर्गदूतों की भि बुरै करदिन।

इफिसुस 5:21

अर यीशु मसीह पर पूरि सरदा रखण की वजै से एक-दुसरा तैं पूरु आदर-सम्मान द्‍या।

दिब्य दरस 19:16

अर वेका कपड़ों पर अर जंगुड़ा पर जु नौ लिख्यूं च, उ इन च, “राजाओं को राजा, प्रभुओं को प्रभु।”

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

मत्ती 6:13

अर शैतान की बातों का द्‍वारा हम भकलै नि जा, बल्किन मा हमतै बुरै से बचै के रखा। [किलैकि तुमरो राज अर तुमरि ताकत, अर तुमरो आदर-सम्मान सदनि तक होन्दी रौ। आमीन।]

खास चेलों 2:41

इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।

रोमियों 12:21

अर बुरै का समणि खुद कि हार नि माणा, बल्किन मा भलै का द्‍वारा बुरै पर जीत हासिल कैरा।

रोमियों 13:2

इलै जु कुई भि अधिकारी लोगु को विरोध करदु, उ पिता परमेस्वर का नियम-कानून को विरोध करदु, अर विरोध करण वळा लोग दण्ड तैं जरुर पाला।