रोमियों 12:8 - Garhwali

⁸ अर जु उपदेस देण वळु च, उ उपदेस देण मा लग्यूं रौ। अर जु मनखि दान देण वळु च, उ खुशी से दान द्‍यो, अर जु लोग सच्‍चै को बाटु पर चलौण वळा छिन वु अपणी पूरि मेनत से ये काम तैं कैरा। अर दया करण वळु मनखि, मन की खुशी से दया कैरो।

गढवली नयो नियम

⁸ जु प्रोत्साहित कनु कु उपदेशक हो, उ उपदेश दींण मा लग्यूं रौ; जु दूसरों की जरूरतों तैं पूरो कनु कु वरदान हों, त उदारता ल द्ये; या जु अगुवाई कनु कु वरदान हो, त वे तैं पूरा ढंग बट्टी कैरा अर जु दया कैरो, उ खुश हवे के कैरो।

रोमियों 12:8 Referans Kwoze

2 कुरिन्थि 9:7

इलै जैन अपणा मन मा जथगा देण कि सोच्‍चि वु वेका मुताबिक ही दान द्‍यो। अर जब तुम ये काम तैं करिल्या त कुड़कुड़ा ना, अर ना ही जोर-जबरदस्ती मा ऐके इन कैरा। अर अगर जु तुम खुश ह्‍वेके यू दिल्या, त ईं बात तैं जाणि ल्या कि पिता परमेस्वर ऊं लोगु से भौत खुश होन्दु जु खुशी-खुशी से देन्दिन।

1 तीमुथियुस 5:17

अर बिस्वासी समुदाय का अध्यक्ष जु की समुदाय मा अच्छी सेवा करदिन, खास कैरिके वु लोग जु की वचन को परचार करण मा अर वेतैं सिखौण खुणि कठिन मेनत करदिन, हाँ ऊंतैं और भि जादा आदर-सम्मान मिलण चयेणु।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

इब्रानी 13:17

अर जु बिस्वासी समुदाय का मुखिया लोग छिन, तुम ऊंकी आज्ञा माणा अर ऊंका अधीन मा रा, किलैकि वु तुमरा जीवन खुणि बड़ी चिन्ता करदिन, अर वु भौत अच्छे से जणदिन कि ऊंतैं तुमरा जीवन को हिसाब-किताब परमेस्वर तैं देण पोड़लु। अर तुम ऊंकी बात को पालन कैरा, ताकि वु खुशी से ये काम तैं कैरी सैका ना कि दुखी ह्‍वेके। किलैकि अगर जु वु दुखी छिन त वां से तुमतै कुई फैदा नि च।

खास चेलों 15:32

यहूदा अर सीलास खुद भि परमेस्वर का रैबर्या छा, इलै ऊंन भौत सरी बातों का द्‍वारा बिस्वासी भै-बैंणो की हिम्मत बढै, अर बिस्वास मा ऊंतैं और भि जादा मजबूत कैरी।

खास चेलों 13:15

अर प्रार्थना भवन मा मूसा का दियां नियम-कानून अर रैबर्या की किताबों तैं पढै जाण का बाद उखा मुखियों न ऊंका पास पूछणु कू कैतैं भेजि, “भैयों, अगर तुमरा पास लोगु को हौसला बढौणु खुणि कुई इन्द्रयो उपदेस च, त तुम लोग दे सकद्‍यां।”

इब्रानी 13:24

अर सुणा, तुम लोग अपणा मुखिया कू अर सब पवित्र लोगु कू मेरु सलाम बुलयां, अर इटली देस का सब मसीह लोग तुमकु सलाम बोन्‍ना छिन।

इब्रानी 13:22

हे मेरा भै-बैंणो मि तुम बटि बिन्ती करदु, कि तुमतै हौसला देण खुणि जु कुछ भि मिन ईं छुटी चिठ्‍ठी मा लिख्यूं च, तुम ऊं सब बातों तैं सबर रखी के स्वीकार कैरा।

इब्रानी 13:7

अर जौन तुमतै परमेस्वर को वचन सुणै, तुम ऊं शिक्षा देण वळो तैं याद रखा। अर तुम ऊंका अच्छा चाल-चलन पर ध्यान द्‍या अर वेका मुताबिक ऊंका बिस्वास तैं देखि के तुम ऊंका जन जीवन भि ज्या।

इब्रानी 10:25

अर एक-दुसरा का दगड़ा बिस्वासी समुदाय मा औण-जाण की संगती तैं नि छोड़ा, किलैकि तुम मा बटि कुछ लोग इन कना छिन, पर तुमतै एक-दुसरे की हिम्मत बढौण चयेणी। अर या बात मि इलै बोन्‍नु छौं किलैकि तुम जणदा छाँ कि प्रभु को वापस औण को दिन नजदीक ऐ गै, इलै इन करण मा लग्यां रा।

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

1 कुरिन्थि 14:3

पर जु मनखि भविष्यबाणी करदु, उ अपणी बातों का द्‍वारा बिस्वासी समुदाय का लोगु का दगड़ा मा बात करदु, अर ऊंका बिस्वास तैं मजबूत करदु। अर ऊंकी हिम्मत बढै के ऊंका दिलों तैं दिलासा देन्दु।

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

खास चेलों 20:2

अर वे पूरा मुलक मा जान्द दौं वेन प्रभु का भौत सा वचनों का द्‍वारा बिस्वासी लोगु की हिम्मत बढै, अर तब पौलुस इख बटि निकळि के यूनान देस कू चलि गै।

1 तीमुथियुस 4:13

अर जब तक मि ऐ नि जौ, तब तक तू बिस्वासी लोगु का बीच मा वचन पढण मा, उपदेस देण मा अर ऊंतैं शिक्षा देणु खुणि अफ तैं इस्तेमाल कैर।

1 थिस्सलुनीकी 2:8

अर हमतै तुम बटि इथगा लगौ ह्‍वे गै कि हमुन तुमतै नऽ त केवल परमेस्वर को शुभ समाचार सुणै, बल्किन मा तुम खुणि अपणा पराण तैं भि देणु कू तयार ह्‍वे ग्यां, किलैकि हम तुम बटि प्यार करद्‍यां।

1 थिस्सलुनीकी 2:3

अर जब हम तुमतै सिखौन्द्‍यां, त यां को मतलब यू नि च कि हम यू सब झूठ्‍ठी बातों से या गळत इरादों से करद्‍यां, अर ना ही इन इच्छा से कि तुमतै ठगि के चलि जां

कुलुसी 3:22

हे मेरा भै-बैंणो, तुम जु नौकर छाँ तुम अपणा मालिक की सब बातों को पालन कैरा। अर यू काम तुम मनखि तैं खुश करणु खुणि ना, अर ना ही दिखावा करणु खुणि, बल्किन मा अपणा सीदा मन से पिता परमेस्वर पर अपणी पूरि सरदा रखी के ये काम तैं पूरु कैरा।

इफिसुस 6:5

हे मेरा भै-बैंणो, तुम जु नौकर छाँ, अर ईं दुनियां का मुताबिक जु तुमरा मालिक छिन, ऊंका अधीन मा रा, अर ऊंकी बातों को पालन कैरा। अर यू सब कुछ तुम इन सोची के कैरा जन तुम सच्‍चा दिल से यीशु मसीह की सेवा कना हो।

2 कुरिन्थि 11:3

मगर मितैं ईं बात की बड़ी चिन्ता च कि जन शैतान न गुरौ का द्‍वारा बड़ी चालाकी से हवा तैं अपणा छल मा फंसै दिनी, ठिक उन्‍नि कखि इन नि हो कि झूठ्‍ठा लोग अपणी गळत शिक्षा का द्‍वारा तुमरा पवित्र जीवन तैं जु कि यीशु मसीह का दगड़ा मा च वेतैं बिगाड़ि नि द्‍या।

2 कुरिन्थि 9:13

अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

2 कुरिन्थि 9:11

अर पिता परमेस्वर तुमतै आसीस देके भरपूर कैरी द्‍यो, ताकि तुम दुसरो खुणि दाता बणि सैका। अर इन कैरिके तुमरा द्‍वारा दुसरा लोगु की मदद होलि, अर ये काम की वजै से वु लोग पिता परमेस्वर को धन्यवाद करला।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

रोमियों 13:6

अर इलै ही हम लोग अपणा राज्य तैं कर देन्द्‍यां, किलैकि जब अधिकारी लोग अपणी जबाबदारी तैं पूरु कना रौनदिन, त वे बगत वु पिता परमेस्वर खुणि काम कना रौनदिन।

रोमियों 12:13

अर पिता परमेस्वर का लोगु का दगड़ा मा अपणी चीजों को साझा कैरा, अर अणजाण लोगु को भि अपणा घौर मा स्वागत कैरा।

मत्ती 25:40

तब राजा ऊंतैं जबाब द्‍यालु, ‘मि तुम बटि सच्‍च बोन्‍नु छौं, कि जु भलै तुमुन मि पर बिस्वास करण वळा लोगु का दगड़ा मा करिनी जौं तैं लोग कुछ नि समझदिन, वु सब भलै तुमुन मेरा दगड़ा मा ही करिनी।’

खास चेलों 13:12

अर जु कुछ भि उख ह्‍वे, वेतैं देखि के गवर्नर सिरगियुस न प्रभु यीशु पर बिस्वास कैरी, किलैकि उ प्रभु यीशु की शिक्षा तैं सुणी के हैरान ह्‍वे गै छौ।

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।