रोमियों 12:3 - Garhwali

³ अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

गढवली नयो नियम

³ किलैकि मि वीं दया का कारण जु परमेश्वर बट्टी मि तैं मिल्युं च, तुम मा बट्टी हरेक कु बुल्णु छौं, कि जन समझण चयणु च, वे बट्टी बढ़ि के कुई भि अपड़ा आप तैं नि समझो; पर जन पिता परमेश्वर ल हरेक तैं परिमाण का अनुसार जथग विश्वास दियुं च उथग ही बांटि, उन ही अच्छी बुद्धि का दगड़ी अपड़ा आप तैं समझा।

रोमियों 12:3 Referans Kwoze

गलातियों 6:3

अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

1 पतरस 5:5

अर ठिक इन्‍नि, हे ज्वान लोगु, तुम भि अध्यक्षों का अधीन मा रा, अर एक-दुसरा का दगड़ा मा नमर बरतौ रखा, किलैकि पवित्रशास्‍त्र मा इन लिख्यूं च कि, “परमेस्वर बड़ु मोन करण वळा लोगु का खिलाप मा रौन्दु, मगर दीन लोगु पर किरपा करदु।”

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

1 पतरस 5:8

चौकस अर बिज्यां रा, किलैकि तुमरो बैरी शैतान डुकरताळ मरण वळा शेर का जन च, जु कि इन ताक मा रौन्दु कि कब कैतैं फाड़ी के खै द्‍यो।

1 पतरस 4:7

अर सब बातों को अन्त नजदीक ऐ गै, इलै खुद पर काबू रखा अर साफ सोच रखा, ताकि तुम सही तरीके से पिता परमेस्वर से प्रार्थना कैरी सैका।

याकूब 4:6

पर परमेस्वर हम लोगु पर और भि जादा किरपा करदु, इलै पवित्रशास्‍त्र मा इन भि लिख्यूं च कि, “परमेस्वर बड़ु मोन करण वळा लोगु को विरोध करद, पर दीन लोगु पर किरपा करदु।”

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

1 कुरिन्थि 7:17

हे मेरा दगड़्यों, साधारण सि बात च कि पिता परमेस्वर न हरेक मनखि तैं एक अलग हिस्सा दियूं च। अर जै मनखि तैं वेन जिं दसा मा बुलै, वेतैं वीं दसा मा ही चलण चयेणु। अर मि बिस्वासी समुदाय का सब लोगु तैं इन ही आज्ञा देन्दु।

तीतुस 2:12

अर या किरपा हमतै इन बतौन्दी, कि हमतै कन्द्रयो जीवन जीण चयेणु हमतै परमेस्वर का खिलाप मा नि होण चयेणु, बल्किन मा दुनियां की बुरी इच्छाओं तैं छुड़ण चयेणु, अर खुद तैं अपणा बस मा रखण चयेणु, अर एक धरमी जन बणि के परमेस्वर की भक्‍ति करण को जीवन जीण चयेणु।

तीतुस 2:2

अर बुढ्या लोगु तैं तू इन समझौ कि ऊंको सभौ शान्त अर खुद पर काबू रखण वळु होण चयेणु। अर वु गम्भीर, अर समझदार अर प्यार करण वळु हो, अर ऊ बिस्वास मा अर सबर रखण मा भि मजबूत हो।

2 कुरिन्थि 12:7

अर मि ऊं चीजों का खातिर भि बड़ु मोन कैरी सकदु छौं, जु दिब्य दरसन मा पिता परमेस्वर न मितैं दिखैनि, मगर परमेस्वर न शैतान तैं इन इजाजत दिनी कि वेका दूत का द्‍वारा मेरा सरील मा कष्‍ट हो, ताकि मि जादा बड़ु मोन नि कैरुं।

रोमियों 11:20

त मेरी ईं बात तैं समझा, चला मणदा छां कि वु लोग बिस्वास नि करण की वजै से काटी के ढुळै गैनी, अर तुम लोग बिस्वास करण की वजै से वेमा बणयां छाँ, त सुणा, बड़ु मोन नि कैरा बल्किन मा पिता परमेस्वर पर अपणी पूरि सरदा बणै के रखा।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

1 पतरस 1:13

इलै हे मेरा भै-बैंणो, चौकस रा, अर अपणी-अपणी अकल को इस्तेमाल कैरा, अर तयार रा। अर परमेस्वर की वीं किरपा पर यकीन रखा, ज्वा कि यीशु मसीह का परगट होण का बगत पर तुम पर होण वळी च।

तीतुस 2:4

ताकि यू ज्वान जनानियों तैं शिक्षा दे सैका, कि वु अपणा पति अर बाल-बच्‍चों से प्यार कैरा।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

यूहन्ना 3:34

किलैकि जैतैं परमेस्वर न भेजि, उ त केवल परमेस्वर की ही छुईं करदु। अर इन वु इलै करदु किलैकि परमेस्वर वेतैं पवित्र आत्मा भरपूरी से देन्दु।

इफिसुस 4:16

अर उ बिस्वासी समुदाय का सब लोगु तैं पूरि तरौं से एक कैरिके रखदु, ज्यां से की हरेक मनखि अपणा-अपणा बुलये जाण का मुताबिक काम कैरी सैको। अर समुदाय को हरेक मनखि इन इलै कैरो, ताकि हरेक बिस्वासी वचन मा अगनै बढी सैको। अर मसीह जु कि बिस्वासी समुदाय को मुण्ड़ च वेको पूरु सरील खूब रौ, हम हरेक दिन बढदी जां अर वेका प्यार मा जड़ भि पकड़दी जां।

लूका 18:11

अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

तीतुस 2:6

अर ठिक इन्‍नि ज्वान बैखों तैं भि समझौ, कि ऊ खुद पर काबू रखा।

1 तीमुथियुस 2:15

अगर वा जनानि बच्‍चा पैदा करण का बाद माँ बणण की जिमेदारी तैं पूरु करली, अर अच्छु व्यौहार बणै के रखलि अर बिस्वास मा मजबूत बणि राली, अर एक-दुसरा बटि प्यार करली, अर अपणा चाल-चलन तैं पवित्र बणै के रखलि त वींतैं बचयै मिली जालु।

1 तीमुथियुस 2:9

अर उन्‍नि मि चान्दु, कि जनानियां भि दुसरो तैं दिखाणु खुणि अपणा बाळो तैं बन्‍नि-बन्‍नि किसम से नि बणा, अर ना दिखाणु खुणि सोना, मोति अर मैंगा कपड़ा पैरा। पर मि तुमतै बतै देन्दु कि तुमतै क्या करण चयेणु, तुम सीदी-सादी बणि के अर ढंग का कपड़ा पैरि के तयार ह्‍वा। अर भलै का कामों का द्‍वारा अपणा जीवन तैं सजा,

1 तीमुथियुस 1:14

अर मि पर प्रभु की किरपा भरपूरी से ह्‍वे, अर ईं किरपा का दगड़ा मा मितैं बिस्वास अर प्यार भि मिली, अर यू यीशु मसीह का दगड़ा मा जुड़यां रौण से मिली।

इफिसुस 3:4

अर जब तुम ईं चिठ्‍ठी तैं पढिल्या, त तुम समझि सकिल्या कि मितैं वीं योजना का बारा मा कथगा अच्छे से पता होलु, ज्वा कि पैलि छिपी छै अर पिता परमेस्वर न यीशु मसीह का बारा मा बणईं छै।

2 कुरिन्थि 12:13

अर या बात सच्‍चि च कि मिन तुमरा दगड़ा मा उन बरतौ नि कैरी जन मि दुसरि जगा मा रौण वळा बिस्वासी समुदाय का लोगु का दगड़ा मा करदु, जौं की शुरुवात मेरा द्‍वारा ही किये गै। अर तुमतै क्या लगदु कि मिन कुछ गळत कैरी? नऽ रे ना, मिन त अपणी जरुरत तैं पूरि करणु खुणि तुम से कुछ नि मांगि, त क्या अब मितैं तुम से माफी मंगण पोड़लि?

1 कुरिन्थि 3:10

अर मि वे जानकार मिस्‍त्री का जन छौं, जु कि मजबूत घौर बणौन्दु अर बुनियाद का डांग तैं बड़ी मजबूती से रखदु, अर यू दान मितैं पिता परमेस्वर न देई। अर इन्‍नि और लोग भि छिन, जु कि मेरी रखी बुनियाद पर घौर बणौण को काम कना छिन, मगर जरुरी बात त या च कि हरेक मिस्‍त्री अच्छी चिणैं कनु च।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

3 यूहन्ना 1:9

अर मिन बिस्वासी समुदाय का लोगु खुणि कुछ लिख्यूं छौ, मगर दियुत्रिफेस जु कि समुदाय का लोगु मा बड़ु बणण चान्दु उ हमरा अधिकार तैं स्वीकार नि कन चान्दु।

कुलुसी 2:13

अर तुम त अपणा-अपणा पापों की वजै से मुरयां लोगु का जन छा, अर तुमुन खतना का रिवाज तैं पूरु नि कैरी, मगर फिर भि पिता परमेस्वर न तुमतै यीशु मसीह का दगड़ा मा नयू जनम देई, अर तुमरा सब पापों तैं माफ कैरी।

कुलुसी 1:29

अर इलै ही मि येतैं पूरु करणु खुणि कड़ी मेनत करदु, अर बड़ी जनतौ-जहैत करदु अर यू मि यीशु मसीह की दिईं सामर्थ का द्‍वारा करदु, ज्वा कि मेरा भितर काम कनि च।

इफिसुस 3:2

अर तुम लोगु न यू जरुर सुणी होलु, कि पिता परमेस्वर न मितैं तुम लोगु की भलै खुणि अपणी महान किरपा का मुताबिक सेवा को काम सौप्युं च। हाँ, तुम लोगु खुणि ही तुम जु कि यहूदी जाति का नि छाँ।

2 कुरिन्थि 10:13

पर हम लोग इन नि करद्‍यां, अर अगर जु हम बड़ु मोन करद्‍यां त केवल पिता परमेस्वर की सेवा का काम पर। अर सेवा को जु काम हम तुमरा बीच मा कना छां, वु भि पिता परमेस्वर का द्‍वारा दियां काम को एक हिस्सा च।

फिलिप्पी 2:13

किलैकि परमेस्वर ही च जु कि अपणी मनसा का मुताबिक तुमरा जीवनों मा काम कनु च, अर उ ही च जु की इन इच्छा पैदा करदु कि तुम वेका मुताबिक चलि सैका।