रोमियों 12:17 - Garhwali

¹⁷ अगर कुई तुमरा दगड़ा मा बुरु कनु च, त वेका दगड़ा मा बुरु नि कैरा, बल्किन मा वु काम कैरा जु कि सभ्यों की नजर मा भला छिन।

गढवली नयो नियम

¹⁷ बुरै का बदला मा कै दगड़ी बुरै नि कैरा; जु बात सभि लुखुं कु भलि च, ऊंकी चिंता कैरा।

रोमियों 12:17 Referans Kwoze

1 थिस्सलुनीकी 5:15

अर ईं बात तैं ध्यान मा रखा, कि अगर कुई तुमरा खिलाप मा बुरै करदु, त तुम वेका बदला मा बुरै नि कर्यां। पर हमेसा भलै करण की कोसिस कैरा, ज्यां से की सब लोगु की भलै हो।

मत्ती 5:39

पर मि तुमतै बतै देन्दु, कि जु बुरु च वेको मुकाबला नि कैरा, पर अगर कुई तेरा दैंणा गलोड़ा पर थप्पड मारो, त वेकी तरफा दुसरो गलोडु भि कैर दे।

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

रोमियों 12:19

हे मेरा प्यारा भै-बैंणो, तुम इन्द्रया लोगु का दगड़ा मा खुद बदला नि ल्या, बल्किन मा पिता परमेस्वर को इंतजार कैरा, ताकि वु खुद ऊंतैं दण्ड द्‍यो। किलैकि पवित्रशास्‍त्र मा भि इन्‍नि लिख्यूं च, कि प्रभु बुल्दु कि, “बदला लेण मेरु काम च, मि खुद ही ये काम तैं करलु।”

1 पतरस 3:16

मगर ध्यान रखा, कि यों सब बातों को जबाब बड़ी इज्‍जत अर सीदु बणि के दियां, अर अपणा जमीर तैं शुद्ध रखा। अर इन तुम इलै कैरा, ताकि जु लोग तुमरा खिलाप मा जैके बुल्दिन जब वु सुणा, कि तुम यीशु मसीह का छाँ अर तुमरो चाल-चलन कन च त ऊंकी बेजती उबरि ह्‍वे जौ।

1 थिस्सलुनीकी 5:22

पर जु बात बुरी छिन ऊंतैं स्वीकार नि कैरा।

1 पतरस 2:12

हे मेरा दगड़्यों, यीशु मसीह पर बिस्वास नि करण वळा लोगु का बीच मा तुमरो चाल-चलन भलु हो, ताकि जौं-जौं बातों मा वु तुमरा खिलाप मा जैके तुमरि बुरै करदिन, वु लोग ही तुमरा भला कामों तैं देखि के प्रभु का औणा वळा दिन पर परमेस्वर की बडै कैरा।

कुलुसी 4:5

अर बगत तैं अच्छु समझि के वेको पूरु इस्तेमाल कैरा। अर जु लोग प्रभु यीशु पर बिस्वास नि करदिन, ऊं लोगु का दगड़ा मा अपणु बरतौ बड़ा समझदारी से कैरा।

रोमियों 14:16

इलै ईं बात को ध्यान रखा, कखि जु तुमतै अच्छु लगणु च, उ दुसरा लोगु खुणि बुरी बात नि बणि जौ।

1 तीमुथियुस 5:14

इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।

1 थिस्सलुनीकी 4:12

ताकि तुमतै कै भि बात की कमी नि हो, अर तुमरा जीवन तैं देखि के बिस्वास नि करण वळा लोग तुमरो आदर-सम्मान करला।

मत्ती 5:24

बल्किन मा अपणी भेंट तैं मन्दिर मा ही छोड़ि दे, अर पैलि जैके वेका दगड़ा मा मेल-जोल कैर, अर तब ऐके अपणी भेंट तैं चड़ै।