रोमियों 11:7 - Garhwali

⁷ तब यां को मतलब क्या निकळि? हालांकि, इस्राएली लोग न पिता परमेस्वर की नजर मा धरमी होण की पूरि कोसिस कैरी, पर फिर भि वु सफल नि ह्‍वे सकिनी मगर जौं लोगु तैं पिता परमेस्वर न चुणी वु वेकी नजर मा धरमी साबित ह्‍वे गैनी। अर दुसरा लोग निठुर ह्‍वे गैनी, अर वेकी बातों तैं मनण से नकारी दिनी।

गढवली नयो नियम

⁷ यांको परिणाम यु हवे की इस्राएली परमेश्वर तैं खुश कनै की खोज मा छिनी, उ ऊं तैं नि मिली; पर चुणयां लुखुं तैं मिली अर बकि लुखुं कु मन कठोर बंणी गै।

रोमियों 11:7 Referans Kwoze

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

रोमियों 9:18

इलै परमेस्वर जै पर दया करण चान्दु वे पर दया करदु, अर जैतैं चौ वेतैं निठुर बणै देन्दु।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

रोमियों 11:5

ठिक इन्‍नि आज का ये बगत मा भि च, कुछ इस्राएली लोग इन छिन जौं तैं पिता परमेस्वर न अपणी बड़ी किरपा से चुणी च।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

2 कुरिन्थि 3:14

मगर अभि भि ऊं लोगु का दिमाग सुनपट पोड़यां छिन, किलैकि ऊ परमेस्वर की मनसा तैं स्वीकार नि करण चनदिन। अर जब ऊ पुरणा कानून तैं पढदिन, त आज भि ऊंका बिंगण मा यू नि औन्दु कि परदा किलै डळै गै होलु। मगर यू सब ऊंका बिंगण मा तब औण जब वु यीशु मसीह पर बिस्वास करला।

रोमियों 9:23

अर वेन सबर इलै रखी, ताकि उ अपणी बड़ी दया ऊं लोगु तैं दिखै सैको, जौं तैं उ आदर-सम्मान देण वळु च। अर ऊं लोगु तैं वेन यां खुणि ही तयार कैरिके रख्युं च, कि ऊ वेका बड़ा आदर-सम्मान तैं देखि सैका।

फिलिप्पी 1:18

अर अगर जु वु इन सोचदिन, त क्या ह्‍वे गै त? अब चै ऊंको मकसद गळत तरीके से हो या सच्‍चै से, अब चै जन भि हो बस मसीह को परचार होणु च, अर मि ईं बात से बड़ु खुश छौं अर आनन्द मनौणु छौं।

1 कुरिन्थि 10:19

हे मेरा दगड़्यों, मेरु बोन्‍न को मतलब यू नि च कि मूरत ज्यून्द छिन, अर जु बलिदान ऊंका अगनै चड़ये जान्दु उ पवित्र च अर वेसे भौत फर्क पोड़दु।

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

रोमियों 6:15

हे मेरा भै-बैंणो, त ईं बात को क्या मतलब च, कि हम नियम-कानून का मुताबिक नि चलद्‍यां, इलै हम पाप कना रा? तुम मितैं बता क्या या सही बात च? नऽ रे ना इन नि होण चयेणु। हम लोग त पाप का ना, बल्किन मा पिता परमेस्वर की किरपा का अधीन मा छां।

रोमियों 3:9

अर ज्वा बात मिन तुमतै बतै त क्या हम इन बोलि सकद्‍यां, कि हम यहूदी लोग दुसरा लोगु से भौत अच्छा छां? नऽ रे ना, इन बात नि च, किलैकि हमुन पैलि ही या बात बतैयालि की हरेक मनखि पाप का वश मा च, अब चै वु यहूदी जाति को हो या कुई और।

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

लूका 13:24

यीशु न बोलि, “संगड़ा द्‍वार बटि जाणे की पूरि कोसिस कैरा, किलैकि मि तुमतै बतै देन्दु कि भौत सरा लोग भितर जाण चाला पर नि जै सकला।

1 पतरस 1:2

पिता परमेस्वर न तुमतै अपणी पैलि बटि बणईं योजना का मुताबिक अपणी औलाद होणु खुणि चुण्यालि छौ। अर वेन अपणु पवित्र आत्मा तुमतै देई, ताकि तुम लोग यीशु मसीह की आज्ञा को पालन कैरी सैका, अर क्रूस पर यीशु मसीह की मौत का बगत जु ल्वे बोगि, वेका द्‍वारा ही वेन तुमतै शुद्ध कैरी। अर मि तुम सभ्यों खुणि इन प्रार्थना करदु, कि वेकी किरपा अर शान्ति तुमतै भरपूरी से मिलदी रौ। आमीन।

इब्रानी 12:17

तुम जणदा ही छाँ कि वेका बाद मा जब वेन विरासत की वीं आसीस तैं पौण चै, त फिर वु वीं आसीस का लैख नि रै। हालांकि वेन रुवे-रुवे के अपणा बुबा इसहाक का फैसला तैं बदलण की पूरि कोसिस कैरी, मगर इन नि ह्‍वे सैकी।

मरकुस 6:52

किलैकि चेला अभि भि यीशु का द्‍वारा कियां रुट्‍टी का वे बड़ा चमत्कार तैं समझि नि छा, अर ऊंका मन अभि तक भि निठुर छा।

इफिसुस 4:18

अर ऊ जिद्‍दी छिन अर अपणा-अपणा मनों तैं निठुर बणै के रखदिन, इलै ऊंको निठुर होण की वजै से ऊ आज भि अन्धेरा मा छिन, अर वु सदनि का जीवन से दूर छिन जु कि प्रभु ऊंतैं देण चान्दु।