रोमियों 11:29 - Garhwali

²⁹ अर पिता परमेस्वर ऊं लोगु खुणि अपणा विचार नि बदल्दु, जौं लोगु तैं वु दान-बरदान देके अपणा पास बुलान्दु।

गढवली नयो नियम

²⁹ किलैकि पिता परमेश्वर अपड़ा वरदानों बट्टी, अर बुलाहट बट्टी दया का कारण कभि भि अपड़ो मन नि बदलद।

रोमियों 11:29 Referans Kwoze

इब्रानी 7:21

किलैकि जब दुसरा लोग पुरोहित का काम खुणि ठैरैये गैनी त परमेस्वर न ऊंका दगड़ा मा कुई करार नि कैरी छौ, मगर जब वेन यीशु तैं ठैरै तब वेन वेका बारा मा करार कैरी छौ। जन की पवित्रशास्‍त्र मा भि लिख्यूं च कि, “प्रभु न कसम खै, कि तू सदनि खुणि एक पुरोहित छैई, अर मिन अपणा मन तैं नि बदळण।”

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

रोमियों 11:30

अर तुम जु यहूदी जाति का नि छा, एक बगत छौ जब तुमुन पिता परमेस्वर को विरोध कैरी, मगर जब यहूदी लोगु न वेको विरोध कैरी, तब पिता परमेस्वर न तुम पर दया कैरी।

1 कुरिन्थि 1:26

इलै हे मेरा भै-बैंणो, जब पिता परमेस्वर न तुमतै बुलै, तब तुम क्या छा, जरा ईं बात का बारा मा त सोचा, नऽ त तुम ज्ञानी छा, नऽ त ताकतबर अर ना ही समाज मा तुमरो कुछ खास नौ छौ।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

इफिसुस 4:1

इलै मि जु कि प्रभु यीशु को चेला होण का नाता कैद मा छौं, तुम बटि बिन्ती करदु कि तुमरो चाल-चलन वीं इच्छा का मुताबिक हो ज्यां खुणि पिता परमेस्वर न तुमतै बुलै।

इफिसुस 4:4

किलैकि पिता परमेस्वर न हमतै एक होणु खुणि ही बुलयूं च, अर फिर मसीह को बदन भि एक ही च, अर एक ही पवित्र आत्मा अर ठिक उन्‍नि हम सभ्यों की भि एक ही आस च।

फिलिप्पी 3:14

अर मि अपणा मकसद की तरफा अटगंणु छौं, ताकि मि स्वर्ग मा वे इनाम तैं पै सैकु, ज्यां खुणि परमेस्वर न मितैं यीशु मसीह का द्‍वारा बुलयूं च।

2 थिस्सलुनीकी 1:11

इलै हम तुम खुणि हमेसा इन प्रार्थना करद्‍यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्‍यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

2 पतरस 1:10

इलै हे मेरा भै-बैंणो, इन साबित करणु खुणि तुम लोग कड़ी मेनत कैरा, कि तुम सच्‍चि मा वीं इच्छा मदि छाँ, जौं तैं पिता परमेस्वर न बुलै के चुण्यालि। अर वु काम कैरा ज्यां से वु खुश होन्दु, अर अगर जु तुम इन करिल्या त तुम कै पाप अर इळजाम मा नि फसिल्यां।