रोमियों 10:4 - Garhwali

⁴ अर यीशु मसीह त वु च जैन पिता परमेस्वर का सब नियम-कानूनों को पालन कैरिके पवित्रशास्‍त्र मा लिखी सब बातों तैं पूरु कैरी। इलै आज का बगत मा जु भि मनखि वे पर बिस्वास करदु, उ पिता परमेस्वर की नजर मा धरमी साबित ह्‍वे गै।

गढवली नयो नियम

⁴ किलैकि मसीह मा पैली बट्टी ही वे मकसद तैं पूरो कैरी ज्यांकु व्यवस्था दिये गै छै। इलै, जु कुई भि वे पर विश्वास करदो पिता परमेश्वर का दगड़ी धर्मी बंणि जांद।

रोमियों 10:4 Referans Kwoze

गलातियों 3:24

इलै जबरि तक हम यीशु मसीह पर बिस्वास करण वळा नि ह्‍वे ग्यां, तबरि तक ऊं नियम-कानूनों न हमतै सिखै अर हमरि इन जबाबदारी छै कि हम ऊं नियम-कानूनों का मुताबिक चला। पर अब यीशु मसीह पर बिस्वास करण से हम नियम-कानूनों से आजाद ह्‍वे ग्यां, अर परमेस्वर की नजर मा धरमी ठैरै ग्यां।

यूहन्ना 1:17

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

इब्रानी 10:14

किलैकि वेन एक ही बलिदान चड़ै के ऊं लोग तैं पवित्र कैरी जु कि वेकी सेवा खुणि अलग कैरिके रख्यां छा।

कुलुसी 2:17

अर यू सब नियम त केवल औण वळा बगत खुणि केवल छैल का जन च, मगर सच्‍चै यीशु मसीह ही च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

गलातियों 4:5

अर इन इलै ह्‍वे, ताकि पुत्र ऊं लोगु तैं आजाद कैरो जु कि नियम-कानूनों का अधीन मा छिन, अर हमतै भि पिता परमेस्वर की औलाद होण को अधिकार मिली जौ।