रोमियों 10:2 - Garhwali

² अर ऊंका बारा मा मि या गवै दे सकदु छौं, कि ऊंका भितर पिता परमेस्वर का पिछनै चलण को जोस भौत जादा च, मगर ऊंतैं यू पता नि च कि वेका पिछनै चलण को सही तरीका क्या च।

गढवली नयो नियम

² किलैकि मि ऊंकी गव्है दींणु छौं, कि ऊंकु पिता परमेश्वर कु उमंग रौंदी, पर परमेश्वर की सेवा कन किये जु, यांकि ऊं तैं सै समझ नि च।

रोमियों 10:2 Referans Kwoze

खास चेलों 21:20

अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।

फिलिप्पी 3:6

अर जख तक जोस की बात की जौ, त मि बिस्वासी समुदाय का लोगु तैं सतौणु वळु छौ। अर मूसा का द्‍वारा दियां नियम-कानूनों की बात किये जौ त मि निरदोष छौ, किलैकि मि नियम-कानूनों को पूरु पालन भौत अच्छे करण वळु मनखि छौ।

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

रोमियों 10:3

अर ऊंतैं यू भि पता नि च, कि पिता परमेस्वर लोगु तैं अपणी नजर मा कनकै धरमी साबित करदु, मगर फिर भि वु लोग अपणा ही तरीका से खुद तैं धरमी साबित करण की पूरि कोसिस कना छिन। इलै ऊंन पिता परमेस्वर का वे तरीका तैं स्वीकार नि कैरी, ज्यां से कि लोग धरमी साबित होनदिन।

गलातियों 1:14

अर वे बगत त मि अपणा पितरों की रीति-रिवाजों तैं मनण मा, अर अपणी उमर का भौत सा यहूदी लोगु का बीच मा, अर अपणा देस का लोगु मा भि मि सबसे जादा तेज छौ।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

2 कुरिन्थि 8:3

अर ईं बात का बारा मा मि तुमतै बतै देन्दु कि ऊंन अपणी हैसियत का मुताबिक दिनी, बल्किन मा जथगा ऊंका पास छौ ऊंन वेसे जादा ही दिनी, अर यू सब कुछ ऊंन अपणी मनसा का मुताबिक कैरी।

खास चेलों 21:28

अर चिल्‍लै के बोलि, “हे इस्राएली लोगु, ये मनखि तैं सजा देण मा हमरि मदद कैरा, किलैकि यू उई आदिम च जु हमरा लोगु का खिलाप मा, नियम-कानूनों अर हमरा मन्दिर का खिलाप मा, सब जगा का लोगु तैं शिक्षा देन्दु, इख तक की यूनानी लोगु तैं मन्दिर मा लेके येन ईं पवित्र जगा तैं भि अशुद्ध कैरियाली।”

गलातियों 4:15

अर मितैं इन बता, कि जु आसिरबाद तुमतै मिल्यूं छौ उ कख हरचि गै? अर मि खुद ईं बात की गवै देन्दु कि एक बगत वु छौ, कि जब मि तुमकु बुल्दु कि अपणा आंखा निकळि के मितैं दे द्‍या, त तुम मि खुणि उन्‍नि कैरी देन्दा।

कुलुसी 4:13

अर मि ईं बात मा इपफ्रास भै को गवा छौं, कि वु तुम खुणि अर लौदीकिया नगर अर हियरापुलिस नगर का लोगु खुणि बड़ी मेनत कनु रौन्दु।

खास चेलों 22:22

अर भीड़ का लोग अभि तक यों सब बातों तैं सुनणा रैनी, मगर जन्‍नि ऊंन ईं बात तैं सुणी त जोर-जोर से चिल्‍लै के बोलि, “इन्द्रया आदिम तैं त जान से मारी द्‍या, किलैकि यू ईं धरती पर ज्यून्दु रौण का लैख नि च।”

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

रोमियों 10:1

हे मेरा भै-बैंणो, मेरी मनसा इन च कि सब यहूदी लोग बचयै जा, अर पिता परमेस्वर बटि मि ऊं खुणि या ही प्रार्थना करदु।