रोमियों 10:19 - Garhwali

¹⁹ पर फिर भि मेरु सवाल यू च, कि क्या इस्राएली लोग का बिंगण मा नि ऐ? अरे ऊंतैं सबसे पैलि त मूसा रैबर्या न बिंगै छौ, किलैकि वेन बोलि कि, “जु लोग कुछ खास जाति का भि नि छिन मि ऊंतैं आसीस द्‍यूलु, अर ऊं लोगु तैं देखि के तुमरा मनों मा जलन तैं पैदा होलि, अर जौं लोगु तैं तुम मूरख समझद्‍यां, तुमरा मनों मा मि ऊंका खिलाप मा गुस्सा पैदा करलु।”

गढवली नयो नियम

¹⁹ फिर मि बुल्दो, यु सच च कि, इस्राएल का लुखुं तैं मसीह का बारा मा संदेश समझ मा ऐ। पैली त परमेश्वर की तरपां बट्टी बुल्ण वला मूसा का द्वारा परमेश्वर ल यु बोलि, “मि तुम तैं ऊं अन्य-जातियों बट्टी जलन कनु कु कारण बंणौलु जु एक राष्ट्र नि च, मि तुम तैं ऊं लुखुं बट्टी गुस्सा हूंणु कु कारण बंणौलु जौं तैं यहूदी मूर्ख समझदींनि।”

रोमियों 10:19 Referans Kwoze

रोमियों 11:11

फिर त यू सवाल बणदु कि क्या पिता परमेस्वर न इस्राएली लोगु तैं बिल्कुल छोड़याली? क्या ऊंका पास कुई आस नि च? नऽ रे ना इन्दरि कुई बात नि च। मगर जब ऊंन यीशु मसीह पर बिस्वास नि कैरी, तब शुभ समाचार दुसरि जाति का लोगु तक पौंछी इलै ऊं लोगु तैं बचयै जाण को मौका मिली गै, जु कि इस्राएली लोग नि छिन। अर यू सब त इलै ह्‍वे, ताकि दुसरि जाति का लोगु तैं देखि के इस्राएली लोगु तैं जलन हो।

रोमियों 11:14

अर ईं सेवा का काम का द्‍वारा मि इन कोसिस करदु, कि जु मेरा इस्राएली भै-बन्द छिन ऊंमा इन आग पैदा ह्‍वे जौ, कि भौत लोग यीशु मसीह पर बिस्वास कैरिके बचयै जा।

तीतुस 3:3

अर मि त्वेतै यू सब इलै बतौणु छौं, किलैकि पैलि हम लोग भि मूरख छा अर बुलयूं नि मणदा छा, अर भक्टयां छा अर भौत सरी मन की इच्छा अर भोग-बिलास का गुलाम छा, अर एक-दुसरा से गळत बरतौ करण वळा अर जलन से भोर्यां छा, अर लोग हम बटि अर हम भि लोगु बटि नफरत करदा छा अर खार खान्दा छा।

1 पतरस 2:10

अर पैलि त तुम कुछ नि छा, मगर अब परमेस्वर का अपणा लोग छाँ। पैलि त तुम पर दया नि ह्‍वे छै, मगर अब तुम पर दया ह्‍वे गै।

1 कुरिन्थि 1:12

अर मिन इन सुणी कि तुम लोगु मा बटि कुछ इन बुल्दिन कि, “मि पौलुस को चेला छौं,” अर कुई इन बुल्दु कि, “मि त अपुल्‍लोस को चेला छौं,” अर कुई इन बुल्दु कि, “मि त पतरस को चेला छौ” अर कुछ लोग त इन बुल्दिन कि, “हम त मसीह का छां यीशु मसीह का।”

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

1 कुरिन्थि 11:22

अरे, क्या खाण-पीणु खुणि तुमरा घौर-बार नि छिन या तुम परमेस्वर का समुदाय को अपमान करण चन्द्‍यां? अर क्या तुम ऊं गरीबों पर इन जतौण चन्द्‍यां कि ऊंको समुदाय मा कुई आदर-सम्मान नि च? अर तुम इन चन्द्‍यां कि मि फिर भि तुमरि तारीफ कैरुं? नऽ रे ना, ईं बात मा मिन तुमरि जरा भि तारीफ नि करण।

1 कुरिन्थि 10:19

हे मेरा दगड़्यों, मेरु बोन्‍न को मतलब यू नि च कि मूरत ज्यून्द छिन, अर जु बलिदान ऊंका अगनै चड़ये जान्दु उ पवित्र च अर वेसे भौत फर्क पोड़दु।

1 कुरिन्थि 7:29

हे मेरा भै-बैंणो, मि तुमतै इन बतौण चाणु छौं कि अब बगत भौत कम च, इलै जौं को ब्यौ होयुं च ऊंतैं अपणु पूरु ध्यान अपणी जनानि और बाल-बच्‍चों पर ना, बल्किन मा परमेस्वर की सेवा मा लगौण चयेणु।

रोमियों 10:18

मगर मेरु सवाल त यू च, कि क्या लोग न शुभ समाचार तैं नि सुणी? हाँ, ऊंन सुणी च, किलैकि पवित्रशास्‍त्र मा लिख्यूं च कि, “ऊंको रैबार पूरि धरती मा फैली गै, अर ऊंका द्‍वारा बुलयां वचन दुनियां मा चौतरफि फैली गैनी।”

रोमियों 3:26

मगर अब उ इन नि करदु, बल्किन मा आज का बगत मा उ लोगु का पापों अर ऊं पर लग्यां इळजामो की सजा देन्दु। अर इन उ इलै करदु, ताकि इन साबित ह्‍वे जौ कि उ अपणा हरेक मामला मा सच्‍चु अर सही न्याय करण वळु च। अर जु कुई भि वेका पुत्र यीशु मसीह पर बिस्वास करदु उ वे मनखि तैं स्वीकार करदु।