रोमियों 1:25 - Garhwali

²⁵ अर ऊंन परमेस्वर की सच्‍चै का बदला मा झूठ्‍ठ तैं स्वीकार कैरी, अर हाथों की बणि चीजों की सेवा अर वेकी भक्‍ति कैरी, मगर ईं दुनियां तैं बणौण वळा परमेस्वर की भक्‍ति ऊंन नि कैरी, जैकी तारीफ सदनि किये जान्दी। आमीन।

गढवली नयो नियम

²⁵ उ परमेश्वर का बारा मा सचै पर विश्वास कन छोड़ी दींदिनि, अर उ वे तैं स्वीकार करदींनि जु झूठ च, ऊंल परमेश्वर का बजाय सृष्टि की आराधना अर सेवा कैरी; परमेश्वर जु सभि चीजों कु सृष्टिकर्ता च वेकी महिमा हमेशा हूंदी रौ। आमीन।

रोमियों 1:25 Referans Kwoze

2 कुरिन्थि 11:31

हमरु पिता परमेस्वर जु कि हमरा प्रभु यीशु मसीह को पिता च, वेकी तारीफ सदनि होणी रौ, उ सब कुछ जणदु की मि झूठ्‍ठ नि बोन्‍नु छौं।

रोमियों 9:5

अर हमरा सब पितर लोग, पितर अब्राहम का वंश मदि छा। अर अगर सरील का रिश्ता से देखा, त यीशु मसीह भि एक इस्राएली मनखि च। अर पिता परमेस्वर ही च जु कि सब लोगु पर राज करदु, वेकी तारीफ सदनि होणी रौ। आमीन।

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

रोमियों 1:23

अर ऊं लोगु न सदनि तक रौण वळा पिता परमेस्वर की बडै नि कैरी, बल्किन मा ऊंन त नास ह्‍वे जाण वळा मनखियों, पंछियों, अर चार खुटा वळा जानबरों की पूजा कैरी, अर वेका दगड़ा-दगड़ि ऊंन रिंगण वळा जीव अर जानबरों की मूरत बणैनी, अर ऊंकी पूजा करण लगि गैनी।

2 तीमुथियुस 3:4

अर वु लोग एक-दुसरा तैं धोखा देण वळा, बिन सोच्यां काम करण वळा, अर अफ तैं दुसरा से बड़ु समझण वळा। अर परमेस्वर तैं प्यार करण वळा ना, बल्किन मा अपणी मौज-मस्ती की इच्छा तैं रखण वळा ह्‍वे जाला।

रोमियों 1:18

हे मेरा दगड़्यों, पिता परमेस्वर स्वर्ग बटि अपणु गुस्सा ऊं सब लोगु पर दिखान्दु जु कि दुष्‍ट छिन अर वेकी भक्‍ति तैं नि करदिन, अर जु लोग अन्यो कैरिके सच्‍च तैं दबै के रखदिन।

मत्ती 6:24

तब यीशु न भीड़ का लोगु कू इन भि बोलि, “कुई भि मनखि दुई मालिकों की सेवा नि कैरी सकदु, किलैकि अगर वु करलु त एक बटि प्यार करलु अर दुसरा बटि नफरत, य त उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।

1 थिस्सलुनीकी 1:9

किलैकि वु सब लोग ईं बात तैं खुद ही बतौन्दिन, कि जब हम तुमरा इख ऐ छा, त तुमुन हमरु कथगा अच्छु तरीके से स्वागत कैरी छौ। अर इन भि कि कनकै तुमुन मूरत की भक्‍ति करण छोड़ि दिनी, अर ज्यून्दा अर सच्‍चा परमेस्वर की भक्‍ति करण लगि ग्यां।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

1 तीमुथियुस 1:11

अर या अच्छी शिक्षा वे शुभ समाचार बटि औन्दी, जु आसीस तैं देण वळा महान परमेस्वर को च। अर मितैं वेको परचार करण की जबाबदारी दिईं च।

मत्ती 10:37

“अगर कुई मनखि अपणा ब्वे-बाब तैं मिसे जादा प्यार करदु, त वु मेरु चेला होण का लैख नि च। अर ठिक उन्‍नि अगर कुई अपणा नौना या नौनि तैं मिसे जादा प्यार करदु, त उ भि मेरु चेला होण का लैख नि च।

इफिसुस 3:21

अर बिस्वासी समुदाय का लोगु का द्‍वारा अर यीशु मसीह का द्‍वारा पिता परमेस्वर की बडै पीढ़ी से पीढ़ी तक सदनि तक होणी रौ। आमीन।

यूहन्ना 2:8

फिर वेन ऊंकू बोलि, “अब उखुन्द बटि गाडी के दावत का कर्ता-धर्ता का पास लि जा।” अर वु लि गैनी।