रोमियों 1:23 - Garhwali

²³ अर ऊं लोगु न सदनि तक रौण वळा पिता परमेस्वर की बडै नि कैरी, बल्किन मा ऊंन त नास ह्‍वे जाण वळा मनखियों, पंछियों, अर चार खुटा वळा जानबरों की पूजा कैरी, अर वेका दगड़ा-दगड़ि ऊंन रिंगण वळा जीव अर जानबरों की मूरत बणैनी, अर ऊंकी पूजा करण लगि गैनी।

गढवली नयो नियम

²³ अर हमेशा ज्यूँदो रौंण वला पिता परमेश्वर कि महिमा का उ लोग जु हमेशा ज्यूंदा नि रै सकण वला मनिख, अर चलखुडोंं, अर चौपायों, अर रिंगण वला जानवरों कि मूर्तियों का समानता मा बदली गैनी।

रोमियों 1:23 Referans Kwoze

खास चेलों 17:29

“इलै अब जब हम वेकी औलाद छां, त हम लोगु तैं इन नि सुचण चयेणु, कि परमेस्वर सोना, चांदी या ढुंगो की बड़ी मूरत का जन च। अरे, यों मूरतों तैं मनखि अपणा सोच-विचार अर कारिगरी का द्‍वारा बणौन्दु।

रोमियों 1:25

अर ऊंन परमेस्वर की सच्‍चै का बदला मा झूठ्‍ठ तैं स्वीकार कैरी, अर हाथों की बणि चीजों की सेवा अर वेकी भक्‍ति कैरी, मगर ईं दुनियां तैं बणौण वळा परमेस्वर की भक्‍ति ऊंन नि कैरी, जैकी तारीफ सदनि किये जान्दी। आमीन।

1 पतरस 4:3

किलैकि तुम लोगु न पैलि अपणा जीवन तैं दुनियां का लोगु का दगड़ा मा मिली के बुरी इच्छाओं तैं पूरु करण मा भौत बरबाद कैरियाली, जन कि भोग-बिलास, हवस, दरोळया होण, अर दुनियां की रंगरेलीयों मा, घतोलि-घतोलि के दारु पीण मा, अर मूरत पूजा करण जु कि इन्द्रया काम छिन जौं से की पिता परमेस्वर तैं घिण औन्दी, अर तुम भि पैलि इन्‍नि कामों मा लग्यां रौन्दा छा।

1 कुरिन्थि 12:2

अर जब तुम ज्यून्दा पिता परमेस्वर तैं नि जणदा छा, तब तुमरो जीवन कन छौ वांका बारा मा भि तुम जणदा ही छाँ। अर वे बगत त तुम बेजान मूरतों की पूजा करदा छा, अर ऊंका पिछनै चलदा छा, अर जन तुमतै बतये जान्दु छौ तुम उन्‍नि करदा छा।

दिब्य दरस 9:20

मगर जु लोग यों पीड़ाओं मा बटि भि बचि गैनी ऊंन फिर भि अपणा-अपणा कामों से पस्ताप नि कैरी बल्किन मा खबेसों अर सोना-चांदी, पीतळ, ढुंगो अर लखड़े की बणि मूरतों तैं पूजणा रैनी, जु कि नऽ त देखि सकदिन, ना सुणी सकदिन, अर ना ही चलि-फिरी सकदिन।

खास चेलों 10:12

अर वेमा हरेक किसम का जानबर याने की चार खुटों वळा जानबर, रिंगण वळा, अर पंछि भि छा।