रोमियों 1:20 - Garhwali

²⁰ अर या बात मि इलै बोन्‍नु छौं किलैकि पिता परमेस्वर का गुण दुनियां की शुरुवात बटि ही साफ-साफ दिख्यौणा छिन, याने की वेकी सदनि की ताकत ज्यां से की वेन पूरि दुनियां तैं बणै, यू सब हमतै दिखेन्दु च। इलै मनखि अपणा बारा मा कन्दरि भि सफै किलै नि द्‍यो, यां खुणि अब वेका पास कुई बहाना नि रै गै।

गढवली नयो नियम

²⁰ किलैकि परमेश्वर कि अनन्त सामर्थ अर गुणों तैं नि देखै जै सकद। बल्कि यूं बातों तैं पिता परमेश्वर ल दुनिया की रचना बट्टी शुरू कैरी सभि चीजों का द्वारा दर्शयूं च। इलै ऊं लुखुं का संमणी कुई बहाना नि हवे कि उ परमेश्वर तैं नि जणदींनि।

रोमियों 1:20 Referans Kwoze

रोमियों 1:19

किलैकि जु कुछ भि पिता परमेस्वर का बारा मा जणे जै सकदु वु सब कुछ ऊ जणदा छिन, इख तक कि खुद परमेस्वर न भि ऊंतैं सब कुछ दिखै।

रोमियों 2:15

किलैकि वु अपणा अच्छा सभौ का द्‍वारा ही परमाण देन्दिन, कि नियम-कानून ऊंका मनों मा लिख्यां छिन। अर ऊंको मन भि ऊंका बारा मा गवै देन्दु, अर ऊंका विचार भि ऊंतैं कभि-कभि दोषी, अर कभि-कभि निरदोष ठेरौन्दिन,

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

यूहन्ना 15:22

“अर अगर जु मि नि औन्दु अर परमेस्वर की बातों तैं ऊंतैं नि बतौन्दु त वु दोषी नि ठैरदा, पर अब जब ऊंन सुण्यालि त दोषी ठैरणो को ऊंमा कुई बहाना नि च।

1 तीमुथियुस 1:17

अर हमरु परमेस्वर हमेसा-हमेसा खुणि राजा च। अर वेतैं कभि कैन नि देखि अर ना ही वेन कभि नास होण। वे ही एकमात्र परमेस्वर तैं सदनि आदर-सम्मान मिलु अर वेकी बडै सदनि तक होणी रौ। आमीन।

कुलुसी 2:9

इलै हे मेरा भै-बैंणो, यीशु मसीह का मुताबिक जीवन जीण से तुम लोग भि आत्मिक रुप से भरपूर ह्‍वे ग्यां। हाँ, जु कि सब किसम की ताकत अर अधिकारो को मुखिया च, किलैकि पिता परमेस्वर की पूरि भरपूरी यीशु मसीह मा ही च।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

कुलुसी 1:15

हे मेरा भै-बैंणो, कभि नि दिख्यौण वळा परमेस्वर को एक साक्षात रुप यीशु च, अर हरेक चीज का बणयै जाण मा भि सबसे पैलु यीशु ही च।

1 तीमुथियुस 6:16

अर बस उई परमेस्वर हमेसा खुणि ज्यून्द रालु, अर वेतैं कै मनखि न कभि नि देखि, अर ना ही कभि देखि सकदु। अर वु इन उज्याळा मा रौन्दु, कि वेका पास कुई भि नि जै सकदु, अर वेतैं हमेसा आदर-सम्मान मिललु, अर वेको राज्य सदनि खुणि रालु। आमीन।

खास चेलों 17:29

“इलै अब जब हम वेकी औलाद छां, त हम लोगु तैं इन नि सुचण चयेणु, कि परमेस्वर सोना, चांदी या ढुंगो की बड़ी मूरत का जन च। अरे, यों मूरतों तैं मनखि अपणा सोच-विचार अर कारिगरी का द्‍वारा बणौन्दु।

इब्रानी 11:27

अर बिस्वास का द्‍वारा ही वेन राजा का गुस्सा तैं कुछ नि समझि, बल्किन मा मिस्र देस छोड़ि दिनी अर मजबूत बणयूं रै, किलैकि वेन नि दिखैण वळा परमेस्वर तैं देखि छौ।

मत्ती 5:45

अर इन कैरिके तुम स्वर्ग मा रौण वळा अपणा पिता परमेस्वर की औलाद ह्‍वेल्या, किलैकि उ अच्छा अर बुरा, दुई किसम का लोगु पर सूरज को उज्याळु चमकान्दु, अर धरमी और अधरमी लोगु खुणि बरखा भि करदु।

खास चेलों 22:1

अर पौलुस न ऊंकू बोलि, “हे मेरा भै-बैंणो अर बुजुर्ग लोगु, अब मि अपणा बचाव मा तुमरा समणि कुछ बोन्‍न चाणु छौं।”

मरकुस 10:6

पर शुरु बटि ही परमेस्वर न ऊंतैं नर अर नारी का रुप मा बणै।

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।