रोमियों 1:12 - Garhwali

¹² अर जब मि तुम लोगु का बीच मा रौलु, त वे बगत हम आपस मा एक-दुसरा तैं बिस्वास मा और जादा बढौला।

गढवली नयो नियम

¹² मेरू बुल्णों कु मतलब यु च कि जब मि तुम मा औं, तब तुम अर मि दगड़ा मा एक-दुसरा का विश्वास का द्वारा प्रोत्साहित हों।

रोमियों 1:12 Referans Kwoze

2 पतरस 1:1

हे मेरा भै-बैंणो, मि शमौन पतरस यीशु मसीह को सेवक अर एक खास चेला छौं। मि या चिठ्‍ठी तुम सभ्यों खुणि लिखणु छौं, जौं तैं पिता परमेस्वर की तरफा बटि यू कीमती मौका मिल्यूं च, कि हम सब छुटकारा देण वळा यीशु मसीह पर बिस्वास कैरा। अर यीशु मसीह ही च, जु कि परमेस्वर की नजर मा धरमी च।

तीतुस 1:4

अर तीतुस या चिठ्‍ठी मि त्वे खुणि लिखणु छौं, किलैकि हम दुईया का दुई एक ही प्रभु पर बिस्वास करद्‍यां। इलै तू मेरा सच्‍चा नौना का जन छैई। अर मि प्रार्थना करदु कि, पिता परमेस्वर अर हमतै बचौण वळा प्रभु यीशु मसीह की किरपा अर शान्ति त्वेतै मिलु।

2 कुरिन्थि 7:13

अर ज्वा तारीफ मिन तुमरि तीतुस भै का पास कैरी वां खुणि मितैं सरमिन्दा नि होण पोड़ि, किलैकि ऊ सब बात सच्‍च छै। अर जु कुछ भि तीतुस तैं बतये गै उ सब कुछ तुमुन साबित कैरिके दिखै। अर जब उ तुमरा इख बटि ऐ, त तीतुस का द्‍वारा हमतै बड़ी दिलासा मिली। अर ना केवल दिलासा ही दिलासा, बल्किन मा हमतै बड़ी खुशी ह्‍वे किलैकि तीतुस भौत खुश छौ। अर ईं बात की वजा तुम लोग छाँ, किलैकि तुमुन वेतैं भौत अच्छे से स्वीकार कैरी।

रोमियों 15:32

अगर पिता परमेस्वर की इच्छा इन्‍नि होलि, त मि तुमरा पास बड़ी खुशी से औलु, अर तुमरा पास ऐके कुछ आराम करलु अर नयू जोस पौलु।

खास चेलों 11:23

अर बरनबास एक अच्छु बिस्वासी, पवित्र आत्मा से भरपूर अर एक भलु मनखि छौ। अर जब उ अन्ताकिया नगर मा पौंछी, अर लोगु पर होईं परमेस्वर की किरपा तैं देखि के बड़ु आनन्दित ह्‍वे, अर वेन ऊंतैं ईं बात की शिक्षा दिनी कि वु सब लोग पूरा मन से प्रभु मा बणयां रा, अर एक बड़ी भीड़ प्रभु पर बिस्वास करण लगि गै।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।

2 यूहन्ना 1:4

अर मितैं यू जाणि के भौत खुशी होन्दी कि तेरा कुछ बच्‍चा सच्‍चै का बाटा पर चलणा छिन, ठिक उन्‍नि जन कि हमतै पिता परमेस्वर की तरफा बटि आज्ञा मिली छै।

2 तीमुथियुस 1:4

अर तीमुथियुस जब तू मेरा बाना रुवे छै, ऊ सब मितैं याद औन्दु। अर मेरी इच्छा होन्दी कि मि त्वे बटि मिलु, ताकि मेरी खुशी को कुई ठिकाणु नि रौ।

इफिसुस 4:5

अर एक ही प्रभु, एक ही बिस्वास अर एक ही बपतिस्मा च,

रोमियों 15:24

अभि मि स्पेन देस जाण की योजना बणौणु छौं, अर जब मि इन करलु त वे बगत पर मि तुमरा पास रोम मा रुकी जौलु। अर कुछ बगत तक तुमरि संगत मा रै के बड़ु आनन्द मणौलु। अर वेका बाद तुम मेरा अगनै का सफर खुणि मेरी मदद भि कैरी सकद्‍यां।

रोमियों 1:11

किलैकि मितैं तुम बटि मिलण कि भौत मनसा च, ताकि तुमतै परमेस्वर की तरफा बटि कुई आसिरबाद दे सैकु, ज्यां से कि तुम और भि जादा मजबूत ह्‍वे जा।

रोमियों 1:13

हे मेरा भै-बैंणो, मि इन चान्दु कि तुम लोग ईं बात तैं जाणि ल्या कि मिन भौत बार तुमरा पास औण की योजना बणै, मगर कुई ना कुई बात मितैं हमेसा रोकी देन्दी। अर तुमरा पास औण की मेरी भौत इच्छा च, किलैकि जन मिन भौत सि जगा जैके लोगु तैं पिता परमेस्वर का रैबार तैं बतै अर ऊंन बिस्वास कैरी, ठिक उन्‍नि तुमरा बीच मा भि हो।